聲生不息|周柏豪林曉峰合唱被批表現一般,但依然贏楊千嬅?周柏豪入行前做錄音室助理,最難係幫手叫外賣?

聲生不息|周柏豪林曉峰合唱被批表現一般,但依然贏楊千嬅?周柏豪入行前做錄音室助理,最難係幫手叫外賣?

娛樂新聞
By Stephanie on 13 Jun 2022
Digital Content Writer

最新一集《聲生不息》嘅主題為港樂與我的「葡萄成熟時」,專程邀請咗周柏豪以及楊丞琳做特別嘉賓;而周柏豪就同林曉峰一齊合唱《我們都是這樣長大的》,並且與楊千嬅進行對戰。由於二人唱功一般,表演被網民指似「唱卡啦OK」,但佢哋最終分數卻竟然贏咗楊千嬅,令唔少網民感到驚訝!

《聲生不息》第8集就有周柏豪、林曉峰VS楊千嬅Photo from 《聲生不息》

最新一集《聲生不息》有4場對決!

新一集嘅《聲生不息》一共有4場對決,分別係李克勤、單依純《這麼近(那麼遠)》VS葉倩文、周筆暢、炎明熹《談情說愛》;曾比特《灰姑娘》VS李健、李旼《一生何求》;楊丞琳《越難越愛》VS林子祥、馬賽克樂隊、魔動閃霸《真的漢子》同埋周柏豪、林曉峰《我們都是這樣長大的》VS楊千嬅《最後的玫瑰》。

最新一集仲搵到台灣歌手楊丞琳,以廣東話演唱《越難越愛》Photo from 《聲生不息》

是次比賽將會有獨唱以及合唱嘅比賽形式Photo from 《聲生不息》

周柏豪+林曉峰合唱《我們都是這樣長大的》

表演開始時,周柏豪先以結他自彈自唱嘅方式登場,二人歌詞分配上非常平均,而且亦有和音部份,似乎非常有默契。但由於二人唱功平平無奇,而且成首歌似乎被演繹得毫無高低起伏,部份網民形容二人「似平時唱K嘅水準」,認為二人今次嘅舞台表演尚有進步空間!

周柏豪一開頭就自彈自唱Photo from 《聲生不息》

二人一唱一和咁表演,似乎非常合拍!Photo from 《聲生不息》

但部份網民認為佢哋嘅表演平平無奇,並冇太大驚喜Photo from 芒果衛視YouTube

楊千嬅演唱《最後的玫瑰》

另一方面,楊千嬅以歌曲《最後的玫瑰》「迎戰」,佢曾表示選擇呢首歌係因為2011年表演嘅時候發揮失準,希望透過今次表演補償返。而佢表演嘅時候亦的確非常投入,抑揚頓挫、感情十足;表演後期仲播放以前講感言嘅片段,大晒感性一面,贏得台下觀眾嘅掌聲!

楊千嬅感情十足咁表演《最後的玫瑰》Photo from 《聲生不息》

楊千嬅表演中間有播出以前講感言嘅片段~Photo from 《聲生不息》

周柏豪+林曉峰勝出比賽,網民感到不解!

最終,周柏豪同林曉峰以53%:47%勝出今次嘅對決,但部份網民認為楊千嬅嘅表現更好,令佢哋都對賽果感到不解!賽後楊千嬅仲講笑咁同周柏豪、林曉峰講「你哋好嘢啊!雖然我唔係好服輸~」

最終周柏豪、林曉峰成功於對決中贏咗楊千嬅!Photo from 《聲生不息》

楊千嬅亦講笑咁話「唔服輸!」Photo from 《聲生不息》

周柏豪憶述入行前經歷

作為特別嘉賓出演嘅周柏豪喺節目中分享入行嘅經歷,佢表示從未想過自己能夠成為歌手。喺20歲嘅時候,佢機緣巧合下有機會成為知名製作人陳光榮嘅助理,進入錄音室後經常都可以見到唔少明星,包括:容祖兒、鄭伊健等。但佢話最困難嘅係幫佢哋叫外賣「不要看小這個事情!因為你做好這個事情(叫外賣)人家就會喜歡你!」

周柏豪坦承從來冇諗過自己可以做到歌手!Photo from 《聲生不息》

20歲嘅時候,佢擔任音樂人陳光榮老師嘅助理,認為當時最難嘅係幫歌手們叫外賣?!Photo from 《聲生不息》

曾擔任音樂人陳光榮的助理

而身旁嘅林曉峰對此感到非常訝異,而周柏豪就表示自己「真係由低做起」,認為當時嘅工作比較瑣碎,但卻有機會學習音樂,令佢尋找到未來方向,十分值得!

周柏豪表示當時嘅工作的確比較瑣碎Photo from 《聲生不息》

但就認為當時工作得十分開心,學習到唔少音樂技巧Photo from 《聲生不息》

大讚李克勤係好前輩!

周柏豪大讚李克勤係好前輩,二人因為於《聲夢傳奇》合作而認識「現在能夠再跟他一齊合作,覺得蠻有緣分的」,仲話對方私底下都會搵佢,提醒佢表演時嘅注意事項等。

周柏豪大讚李克勤係精神之柱!Photo from 《聲生不息》

指李克勤會主動指點佢Photo from 《聲生不息》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

周柏豪「斟茶遞水」/馬德鐘保護過戴妃 盤點8位明星入行前嘅職業!

30 Jan , 2022

其實好多明星都唔係一開始就入行做藝人,有啲人係誤打誤撞入咗行,亦有人係一邊打工一邊等待好嘅機會突圍而出。而家就一齊嚟細數下藝人們做過嘅其他職業,可能大家會發現有啲明星曾經係你哋同行呢~

劉佩玥IGPhoto from 劉佩玥IG

1.馬國明

馬國明原本係一間玻璃幕牆公司嘅文員。可惜喺1997年辭職後,多次求職但都無受到任何嘅回音。機緣巧合下,喺呢個時候佢就收到TVB藝人訓練班嘅通知,之後佢就決定投身演藝界。相信當時嘅佢都無諗過自己可以成為影帝!

馬國明IGPhoto from 馬國明IG

馬國明IGPhoto from 馬國明IG

2.馬德鐘

由於受到兩位做警察嘅哥哥所影響,馬德鐘喺入行前就曾經加入警隊,曾經擔當G4要員保護組,保護過多位國際政治人物,包括有前任港督同埋已經去世嘅戴安娜王妃。喺2001年,佢亦模特兒身份正式入行。喺入行之後,佢亦多次飾演警察嘅角色,令唔少網民都講笑咁話入行前後都做一樣嘅嘢!

馬德鐘IGPhoto from 馬德鐘IG

TVBPhoto from TVB

3.曹永廉

曹永廉曾經喺一次訪談中提及過,因為當年欠咗一身卡數,所亦佢好多工作都有做過,包括有胸圍推銷員、超市經理以及童裝售貨員。

曹永廉IGPhoto from 曹永廉IG

曹永廉IGPhoto from 曹永廉IG

4.王浩信

王浩信喺入行前係一位平面設計師。佢嘅入行經過亦都十分匪夷所思,佢係因為唱卡拉OK而被經紀人發掘,後來再經過試音而正式簽約成為歌手。喺同唱片公司約滿後,先再加入TVB向電視劇方面發展。

王浩信IGPhoto from 王浩信IG

螢幕截圖 2021-03-24 下午4.47.29

5.陳茵媺

陳茵媺喺加拿大讀大學嘅時候修讀設計學系,曾經喺一間繪圖設計公司同埋時尚雜誌工作。返到香港之後,佢亦有喺國際學校擔任英文老師。由於佢對表演和模特兒行業感興趣,所以就決定喺2006年參選香港小姐,正式開始佢嘅演藝之路!

廣告
廣告

陳茵媺IGPhoto from 陳茵媺IG

6.周柏豪

周柏豪喺入行前做過游泳教練、鋼琴老師及陳光榮錄音室工程師等。佢曾經講過喺錄音室要幫忙「斟茶遞水」,為容袓兒、鄭伊健等著名歌手倒過水。喺18歲嘅時候成為Starz Track旗下嘅兼職模特兒,曾經為唔同嘅品牌擔任Model。直到2007年先正式同華納音樂簽約,成為歌手。

周柏豪IGPhoto from 周柏豪IG

周柏豪IGPhoto from 周柏豪IG

7.謝安琪

謝安琪喺大學嘅時候係修讀翻譯及語言學,所以佢嘅英文亦都非常流利。喺入行前,佢曾經擔任英文老師同埋鋼琴老師。後來,因為喜愛唱歌而決定成為歌手。

謝安琪IGPhoto from 謝安琪IG

謝安琪IGPhoto from 謝安琪IG

8.劉佩玥

劉佩玥喺大學時期受人賞識,曾經加入模特兒公司「Jacso」做模特兒兩年,之後又曾經做過空姐。直到2013年參選香港小姐,正式踏入演藝圈。

劉佩玥IGPhoto from 劉佩玥IG

劉佩玥IGPhoto from 劉佩玥IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

張寶兒驚變李嘉欣2.0 同岑麗香撞笑眼?盤點5位入行前後容貌變化超大藝人

19 Mar 2021

喺依家依個科技發達嘅時代,化妝、微調或以手機 P 圖都已經唔再喺女生嘅專利,唔少人為咗可以令上傳嘅自拍靚啲,都會 P 圖,特別係藝人,有時仲會 P 到變咗另一個人,因而令人質疑係咪曾經整過容嚟。

唔少人為咗可以令上傳嘅自拍靚啲,都會 P 圖,特別係藝人,有時仲會 P 到變咗另一個人

近日新婚人妻張寶兒就被網友喺連登翻出佢喺 2016 年參加香港小姐嘅舊相同依家做對比。網友仲以「張寶兒整咗容」為題,直指佢外貌變化差別大。

張寶兒就被網友喺連登翻出佢喺 2016 年參加香港小姐嘅舊相同依家做對比。

其中一張佢自拍教化妝嘅相中,網友就驚嘆愈嚟愈靚之餘仲有少少似李嘉欣添:「真係唔認得!」、「依家有啲似李嘉欣喎!」、「同依家嘅岑麗香撞眼喎!」

其中一張佢自拍教化妝嘅相中,就網友就驚嘆真係愈來愈靚仲有少少似李嘉欣添

雖然被指「變臉」,不過有網民就搵嚟佢以前喺《姊妹淘》中嘅截圖為佢平反,指佢化妝叻先至唔同樣啫,並指寶兒依家有愛情滋潤,心境開朗自然樣甜啦!

不過有網民就搵嚟佢以前喺《姊妹淘》中嘅截圖為佢平反

不過除咗張寶兒之外,以下幾位藝人都曾經被網民質疑曾整容㗎。

廖碧兒

廖碧兒近年成日被指大變樣,唔少網民都質疑佢削咗腮骨,將原到睇嚟正方形嘅樣變成瓜子臉,令五官睇先嚟更標緻。

廖碧兒近年成日被指大變樣

依家:

唔少網民都質疑佢削咗腮骨,令五官睇先嚟更標緻。

岑麗香

岑麗香早前就因為一張喺讀書時期影嘅學生相同依家有啲出入,而被網民認為佢微調過。而當年參選華姐時,佢嘅皮膚黝黑仲有少少 baby fat,直到 2015 年時就有網民發現佢明顯同之前有啲唔同,特別係雙眼變咗雙眼皮同大咗,因此質疑她喺眼部動過刀。

岑麗香早前就因為一張喺讀書時期影嘅學生相同依家有啲出入,而被網民認為佢微調過。

依家:

特別係雙眼變咗雙眼皮同雙眼大咗

胡鴻鈞

要提畀網友質疑整容嘅藝人又點可以唔提胡鴻鈞呢!胡鴻鈞自入行以嚟飽受「整容」傳聞困擾,多年來更被網民直指佢「削骨還父」。雖然當事人一概否認,更指只係化妝技巧嚟,不過網友們都好似都唔太 buy 依個講法囉。

要提畀網友質疑整容嘅藝人又點可以唔提胡鴻鈞呢!

依家:

胡鴻鈞多年來更被網民直指佢「削骨還父」。

劉愷威

而要提到完全變晒樣,相信大家一定會諗到劉愷威,初出道時,佢嘅鼻比較塌,下顎較為突出,但反觀依家,佢唔止鼻變立體,就連成個臉型都變成小 V 面喇,變化真係好大呀!

劉愷威初出道時,佢嘅鼻比較塌,下顎較為突出

依家:

依家劉愷威唔止鼻變立體,就連成個臉型都變成小 V 面喇

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel