日圓獲譽為「最乾淨紙幣」?保持新淨3大原因,其他國家貨幣含菌量超高

日圓獲譽為「最乾淨紙幣」?保持新淨3大原因,其他國家貨幣含菌量超高

時事熱話
By Jennifer on 15 Jun 2022
Digital Editor

出國旅遊時通常都會兌換當地貨幣,其中日本嘅紙幣雖然因交易經常轉手,但多數都保持十分「乾淨」嘅狀態,可能同日本人生活習慣、紙幣嘅原材料等原因有關。曾有調查指多國嘅貨幣含菌量過萬!

出國旅遊時通常都會兌換當地貨幣Photo from PressLogic

最近唔少國家放寬入境措施,旅遊業迎嚟曙光。日本係港人其中一個熱門旅遊地,想去當地旅行當然會換日圓,其中紙幣每日經手嘅人都非常多,但日本紙幣卻能保持相對乾淨嘅狀態,令好多網民感歎日本連紙幣都乾淨過人!不過佢之所以可以做到咁都有幾個原因。

日本係港人其中一個熱門旅遊地,想去當地旅行當然會換日圓Photo from PressLogic

日本人多用銀包、自動售賣機多

除咗塑膠鈔票便於清理外,傳統紙幣好易因為被塞入口袋而變得皺掹掹,而且唔防水有時放喺袋唔記得拎返出嚟就掟落洗衣機洗,加上一張紙幣可能每日流通至唔同人嘅手裡,一般嚟講都好難保持新淨。

除咗塑膠鈔票便於清理外,傳統紙幣好易因為被塞入口袋而變得皺掹掹Photo from 国立印刷局

一張紙幣可能每日流通至唔同人嘅手裡,一般嚟講都好難保持新淨。Photo from PressLogic

日本紙幣之所以與其他紙幣唔同有可能與日本人生活習慣有關,日本稅務專家龜田潤一郎曾經出書指好多企業老闆都係用長銀包,佢哋相信長銀包可以提供紙幣住豪華酒店咁嘅待遇,從而改善財運,令更多嘅紙幣「入住」佢哋嘅銀包。即使唔係用長銀包,大多日本人都用銀包裝紙幣,好少會直接將紙幣放入口袋,所以保存得較好。

大多日本人都用銀包裝紙幣,好少會直接將紙幣放入口袋,所以保存得較好。Photo from 《繼承者們》劇照

此外日本有好多自動售賣機,如果紙幣太皺嘅話,極有可能被自動售賣機拒收,所以日本人都會盡量將紙幣保持筆直嘅形態,甚少會隨意摺疊。

日本有好多自動售賣機,如果紙幣太皺嘅話,極有可能被自動售賣機拒收Photo from twitter @SAKE_KAKUSHI

日本紙幣原材料

根據日本「国立印刷局」,日本紙幣所用嘅紙張係由結香同馬尼拉麻蕉製成。結香樹皮可以製成繩索,亦常用於製作高級日本手工紙,其特點係既堅韌又耐用,唔易破損。

根據日本「国立印刷局」,日本紙幣所用嘅紙張係由結香同馬尼拉麻蕉製成Photo from 国立印刷局

結香樹皮可以製成繩索,亦常用於製作高級日本手工紙,其特點係既堅韌又耐用Photo from 国立印刷局

日圓回收快?

日本銀行數據顯示,10,000日圓紙幣平均壽命約為4至5年,而使用頻率較高嘅5,000日圓同1,000日圓紙幣約為1至2年,如果紙幣變髒或者受損,按照情況可以喺日本銀行全國32家分店作更換,所以市面上流通嘅紙幣大多都唔會用到破舊。

日本銀行數據顯示,10,000日圓紙幣平均壽命約為4至5年,而使用頻率較高嘅5,000日圓同1,000日圓紙幣約為1至2年Photo from PressLogic

如果紙幣變髒或者受到損毀,按照情況可以喺日本銀行全國32家分店作更換Photo from 《半澤直樹2》劇照

若紙幣被確認無法再使用後會回收再利用,用作廁紙、建築材料、辦公室用品等,或作一般廢棄物處理。

若紙幣被確認無法再使用後會回收再利用Photo from 《錢形》劇照

人民幣含菌量超高

據外媒引述牛津大學工程科學系嘅教授指,佢哋曾做測試,歐元平均含有11,000個細菌,其中丹麥克朗逾40,000個細菌、瑞典克朗則含39,600個細菌。香港城市大學一項研究比較7個亞洲地區嘅鈔票,人民幣含菌量最高,一張人民幣含有178,000個細菌,比排第2嘅港幣多出16萬細菌!

香港城市大學一項研究比較7個亞洲地區嘅鈔票,人民幣含菌量最高,一張人民幣含有178,000個細菌Photo from PressLogic

資料來源:国立印刷局Metro

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「壞男人外型特徵」掀網民熱議!眼睛特別浮腫/額頭高/鼻子較長!有研究支持?!

廣告
廣告

28 Oct 2021

女生談戀愛有時都會不幸遇到壞男人,但壞男人都「有樣睇」?!近日有網友喺討論區開post討論壞男人嘅面部特徵,引起熱議。大多數人都指「睇眼」最易睇出係唔係壞男人!

女生談戀愛有時都會不幸遇到壞男人,但壞男人都「有樣睇」?!Photo from TVB

1. 壞男人眼睛特別浮腫

樓主「拋磚引玉」指有朋友經常遇到壞男人,發現其中一個共通點就係對眼非常浮腫,似捱夜捱咗好多日咁!有網民認為可能係代表佢係「時間管理大師」,除咗女朋友之外仲晚晚同其他女生傾計!

網友指有朋友經常遇到壞男人,發現其中一個共通點就係對眼非常浮腫,似捱夜捱咗好多日咁

2. 擁有超重黑眼圈

黑眼圈同眼睛浮腫都差唔多,令人懷疑係咪花大量時間喺應付唔同女性嗰方面,有人就認為黑眼圈、眼袋等可能都表示沉迷女色。

有人就認為黑眼圈、眼袋等可能都表示沉迷女色。Photo from TVB

3. 大鼻代表需求大?

唔少人提出「鼻大」等於需求大,所以即使主動出擊追求女性,其本意都未必係真心同女士交往。

唔少人提出「鼻大」等於需求大Photo from TVB

4. 壞男人多數係靚仔?

有網民指出靚仔「多女埋身」,容易移情別戀。但唔少人反駁同個樣無關,就算唔靚仔都同樣會偷食!

唔少人反駁同個樣無關,就算唔靚仔都同樣會偷食!Photo from TVB

雖然唔少網友分享咗佢哋見過嘅壞男人特徵,但都有好多網民表示壞男人根本「無樣睇」,普通男生樣都可能係衰人,先會令女生受傷之後後悔遇上「錯的人」。

雖然唔少網友分享咗佢哋見過嘅壞男人特徵,但都有好多網民表示壞男人根本「無樣睇」Photo from TVB

澳洲研究總結出外遇男4大長相特徵

但有研究就發現壞男人面部可以總結出一啲五官特徵!澳洲Macquarie University喺《進化與人類行為(Evolution and Human Behaviour)》期刊中發表咗其研究成果(按此)。

有研究就發現壞男人面部可以總結出一啲五官特徵Photo from TVB

呢項研究探討喺有咗伴侶後,仲會同其他異性發生關係嘅人,喺長相中有無一啲特徵。結果發現中意發生「一夜感情」嘅男士多數有4個特徵臉型較長、額頭高、鼻子較長、眼睛大。

研究發現中意發生「一夜感情」嘅男士多數有4個特徵臉型較長、額頭高、鼻子較長、眼睛大。Photo from TVB

愛偷食嘅女性同樣有4大特徵?

除咗男性之外,女性嘅特徵都有4個,就係體型較嬌小、面型較瘦、眼睛細同嘴唇偏薄,而研究團隊就指男性嘅準確度明顯高過女性。

研究團隊就指男性嘅準確度明顯高過女性。Photo from TVB

但當然唔可以一概而論,所謂「知人口面不知心」,有以上特徵嘅人唔一定係壞男人,相反無呢啲特徵嘅亦唔代表就唔係衰人。

所謂「知人口面不知心」,有以上特徵嘅人唔一定係壞男人,相反無呢啲特徵嘅亦唔代表就唔係衰人。Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel