袁嘉敏歐遊逛Hermès名店,享受VIP級待遇! 批評鍾培生後隨即離港旅遊散心?

袁嘉敏歐遊逛Hermès名店,享受VIP級待遇! 批評鍾培生後隨即離港旅遊散心?

娛樂新聞
By Stephanie on 27 Jun 2022
Digital Content Writer

袁嘉敏今年4月連環出post大罵鍾培生父子,而鍾培生隨後亦承認曾向女方提供經濟上嘅「資助」,令二人關係更加撲索迷離!不過袁嘉敏現時似乎已經開展新生活,遠赴歐洲旅遊;而喺法國嘅佢到訪名牌店Hermès時仲獲得VIP嘅優待,生活似乎無憂無慮~

袁嘉敏現時喺法國旅遊,享受寫意悠閒生活~Photo from Candy Yuen @YouTube

袁嘉敏4月IG 出story 批評鍾培生父子!

37歲袁嘉敏喺今年4月突然po IG story大鬧鍾培生父子,當中仲透露「One year with the Cheung, what a nightmare」,暗示已經同佢哋一家相處長達一年時間,並上載疑似係鍾培生豪宅內嘅照片,令網民驚訝不已!

袁嘉敏喺4月時突然於IG大罵鍾培生父子?!Photo from 袁嘉敏IG

 

仲疑似暗示曾喺對方屋企住過一年?!Photo from 袁嘉敏IG

鍾培生承認為女方提供經濟援助,但強調已經斷聯!

其後,鍾培生作出回應承認曾向袁嘉敏提供經濟援助,坦承二人喺上年年中已經停止見面;但就聲稱袁小姐之後多次要求「更多經濟援助」,所以決心與對方斷絕聯絡。佢強調事件並非如外界所猜測咁樣,所以需要公開為家人作出澄情。

鍾培生出面回應,承認有向女方提供經濟協助,但就強調已經同對方冇聯絡!Photo from 鍾培生FB

佢為澄清外界對於家人嘅不實傳聞並非真實,強調同家人關係融洽!Photo from 鍾培生IG

袁嘉敏遠赴歐洲旅遊散心

而袁嘉敏喺爆料不久後離開香港,到訪其他歐洲國家探望朋友。佢已經去咗羅馬、意大利威尼斯等地方,但大部分時間都係逗留喺法國波爾多,佢仲化身YouTuber拍片紀錄旅行點滴,喺IG上載嘅照片都並唔毫不吝嗇大曬好身材~

爆料後,袁嘉敏離開香港,飛往歐洲旅行Photo from 袁嘉敏IG

佢已經先後到訪咗羅馬、意大利等地方,現時主要逗留喺法國!Photo from 袁嘉敏IG

同朋友行Hermès名店,獲得VIP待遇!

喺袁嘉敏最新上載嘅影片中,佢就同朋友一齊去食飯行街,生活寫意悠閒~期間二人進入Hermès店舖,一入店就即刻獲得VIP級嘅待遇獲送上2杯香檳;而佢嘅朋友隨即以普通話話「我算是他們的大客戶了」,而袁嘉敏隨即回應「他們認得你」,睇嚟同行嘅朋友係Hermès嘅VIP呢~不過袁嘉敏透露自己最終並冇買嘢,只係單純陪朋友購物。

袁嘉敏上載最新旅遊影片,同朋友喺法國波爾多逛Hermès!Photo from Candy Yuen @YouTube

佢哋一入店就獲得香檳,而朋友就講笑咁話自己係「大客戶」!Photo from Candy Yuen @YouTube

袁嘉敏表示當日只係陪朋友購物,而朋友購買嘅Mosaique au 24手袋,現時網上炒價到近8萬港幣!Photo from Candy Yuen @YouTube

到郊區體驗生活

除咗周圍逛街之外,袁嘉敏亦有把握機會親親大自然,遠離煩囂嘅城市,去郊區好好體驗悠閒生活~

難得出國旅行,袁嘉敏亦把握機會去郊區~Photo from 袁嘉敏IG

佢似乎正在體驗各種唔同生活Photo from 袁嘉敏IG

鍾培生被傳有日籍新女友?!

另一邊廂,鍾培生4月尾嘅時候亦飛咗去日本,已經逗留喺當日長達2個月嘅時間。最近佢被傳媒大爆疑似認識到新歡,而對方仲喺日本室內設計師,五官標緻十分有氣質!

鍾培生已經於日本逗留多個月,有傳係因為女友係日本人?!Photo from 鍾培生IG

疑似係新歡嘅日籍女子「Momona」係一位室內設計師,外型亮麗!Photo from Momona IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鍾培生承認有「資助」袁嘉敏,女方再爆料稱鍾培生堅持畀錢佢使

2 Apr , 2022

廣告
廣告

「性感女星」袁嘉敏突然喺IG Story連環出post鬧爆「百億富三代」鍾培生父子!鍾培生發文承認有提供經濟支持,但表示早已斷絕來往。袁嘉敏再度爆料指係鍾培生堅持畀錢,當中更提及陳詩欣老公?

「性感女星」袁嘉敏突然喺IG Story連環出post鬧爆「百億富三代」鍾培生父子Photo from 袁嘉敏 IG

袁嘉敏突發文鬧爆鍾培生父子

現年37歲嘅袁嘉敏突然喺IG連環post Story,更點名鬧爆鍾培生父子!鍾培生身為「百億富三代」,家族背景顯赫,但似乎同袁嘉敏無咩交集,鍾培生之前為爸爸慶祝生日,更晒出一家三口嘅合照,估唔到事隔兩星期,袁嘉敏突然repost鍾培生為父慶祝嘅IG post,並怒斥佢兩父子!

鍾培生之前為爸爸慶祝生日,更晒出一家三口嘅合照,估唔到事隔兩星期,袁嘉敏突然repost鍾培生為父慶祝嘅IG post,並怒斥佢兩父子Photo from 鍾培生 IG

鍾培生身為「百億富三代」,家族背景顯赫,但似乎同袁嘉敏無咩交集Photo from 鍾培生 IG

袁嘉敏指自己好少公開講人哋唔好嘅嘢,但佢直言「Derek and Terence Cheung」都係壞人,之後袁嘉敏又晒出一個寫咗「鍾」字嘅利是封,佢以英文表示自己向來都會發現到其他人嘅優點,但有時見到啲人咁自私佢會好失望。

袁嘉敏指自己好少公開講人哋唔好嘅嘢,但佢直言「Derek and Terence Cheung」都係壞人Photo from 袁嘉敏 IG

袁嘉敏又晒出一個寫咗「鍾」字嘅利是封Photo from 袁嘉敏 IG

透露與鍾家相處一年兼包三餐?

袁嘉敏大爆:「One year with the Cheung, what a nightmare」!疑透露佢哋已相處一年,令唔少網民大為吃驚!佢又大晒一張花園照,但疑似係喺鍾培生淺水灣5層逾萬呎豪宅,地磚十分相似,袁嘉敏表示:「Thank you for all the breakfast, lunch and dinner, and all the wine.」感謝對方提供嘅早午、晚餐同紅酒,最後佢感嘆可能係以前欠咗佢哋。

袁嘉敏大爆:「One year with the Cheung, what a nightmare」!疑透露佢哋已相處一年Photo from 袁嘉敏 IG

袁嘉敏大晒一張花園照,但疑似係喺鍾培生淺水灣5層逾萬呎豪宅,地磚十分相似

袁嘉敏表示:「Thank you for all the breakfast, lunch and dinner, and all the wine.」Photo from 袁嘉敏 IG

鍾培生承認曾向袁嘉敏提供經濟支持

呢3個IG Story一出即掀起網友熱議,網民紛紛猜測袁嘉敏同鍾培生嘅關係,袁嘉敏曾指唔會再回應事件,又表示鍾培生曾有「奇怪要求」。事隔一日鍾培生喺facebook發文回應事件,承認有向袁嘉敏提供經濟支持。

呢3個IG Story一出即掀起網友熱議,網民紛紛猜測袁嘉敏同鍾培生嘅關係Photo from 鍾培生 IG

鍾培生喺facebook發文回應事件,承認有向袁嘉敏提供經濟支持。Photo from 袁嘉敏 IG

不過鍾培生表示因為性格不合,舊年年中已經無再見面。佢又稱「袁小姐」多次要求更多經濟援助,但被佢拒絕,今次事件引起唔少誤會令佢決定要公開澄清。

鍾培生表示因為性格不合,舊年年中已經無再見面。佢又稱「袁小姐」多次要求更多經濟援助,但被佢拒絕Photo from 鍾培生 Facebook

袁嘉敏IG再出post稱鍾培生堅持畀錢佢

雖然袁嘉敏曾指唔會再回應事件,但喺鍾培生發文後佢再次post IG story反駁,佢直指鍾培生所言並非事實,袁嘉敏表示對方的確曾經畀過錢,但佢指:「 他自己堅持要畀,全部是他主動提議。」又話曾經拒絕收錢,但鍾培生成日打電話同佢傾心事「 叫我每個電話收返他錢」。

雖然袁嘉敏曾指唔會再回應事件,但喺鍾培生發文後佢再次post IG story反駁Photo from 袁嘉敏 IG

袁嘉敏表示對方的確曾經畀過錢,但佢指:「 他自己堅持要畀,全部是他主動提議。」Photo from 袁嘉敏 IG

稱當鍾培生係細佬,提及陳詩欣老公

袁嘉敏仲話當鍾培生係細佬,一直都好支持佢,連對方唔識打拳都陪佢練拳。袁嘉敏又提到鍾培生嘅朋友陳先生,話對方結婚時鍾培生擔任伴郎,連份講稿都係袁嘉敏幫佢改內容同陪佢練習,袁嘉敏提及嘅「陳先生」相信係藝人陳詩欣嘅老公。

袁嘉敏仲話當鍾培生係細佬,一直都好支持佢Photo from 鍾培生 IG

袁嘉敏稱連鍾培生唔識打拳都陪佢練拳。Photo from 袁嘉敏 IG

袁嘉敏又提到鍾培生嘅朋友陳先生,話對方結婚時鍾培生擔任伴郎Photo from 袁嘉敏 IG

袁嘉敏指份伴郎講稿都係佢幫鍾培生改內容同陪佢練習Photo from 袁嘉敏 IG

袁嘉敏提及嘅「陳先生」相信係藝人陳詩欣嘅老公。Photo from 陳詩欣 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel