download HolidaySmart 假期日常 app
孫慧雪發文斥外傭7宗罪!徹夜不歸玩失蹤、推窗落街、開機只洗自己衫

孫慧雪發文斥外傭7宗罪!徹夜不歸玩失蹤、推窗落街、開機只洗自己衫

時事熱話 娛樂新聞
By Jennifer on 27 Jun 2022
Digital Editor

孫慧雪(阿雪)當媽媽後一直親力親為湊仔仔,佢近日喺Facebook指新聘請嘅外傭姐姐放假到凌晨近3點都未回家,之後佢又爆姐姐7大不思議行為,仲話對方講大話而決定同佢「分手」,引起熱議。

孫慧雪 FacebookPhoto from 孫慧雪 Facebook

孫慧雪(阿雪)當媽媽後一直親力親為湊仔仔Photo from 孫慧雪 Facebook

孫慧雪外傭徹夜不歸

孫慧雪喺Facebook發文:「新請咗位姐姐,佢今日放假但到而家2:33am都唔返屋企,你哋覺得應該點做?」有唔少網友留言叫佢通知agent,又指姐姐工作態度有問題應該做唔長。

孫慧雪喺Facebook發文:「新請咗位姐姐,佢今日放假但到而家2:33am都唔返屋企,你哋覺得應該點做?」Photo from 孫慧雪 Facebook

之後阿雪喺留言更新情況,佢表示外傭都唔使點做嘢:「最後飲醉咗5點幾返,而家都未起身,應該好relax」、「情願我不捻善⋯⋯⋯」似乎對外傭大感不滿!

之後阿雪喺留言更新情況,佢表示外傭都唔使點做嘢Photo from 孫慧雪 Facebook

姐姐並非初次玩失蹤!

隨後阿雪再發千字文稱外傭6點先返,一路瞓覺唔起身,要到阿雪洗晒碗餵完小朋友,11點先叫醒佢。姐姐仲解釋因為唔舒服先唔返,阿雪表示:「我話你唔洗講大話啦!所以已經同佢分手~」佢又大爆「新姐姐之七不思議」:

孫慧雪大爆「新姐姐之七不思議」Photo from 孫慧雪 Facebook

1. 第一日返工姐姐已經失聯,後來出現時聲稱前僱主幫佢搞farewell party, 所以失蹤咗一日。

孫慧雪指第一日返工姐姐已經失聯Photo from 孫慧雪 Facebook

姐姐只洗自己衣物,唔幫孫慧雪一家洗衫!

2. 嚟到唔做嘢,阿雪屋企洗衣籃爆滿都無幫手洗衫。阿雪曾問姐姐係咪唔識用洗衣機,又指可以教佢,但姐姐就話:「我識呀,已經幫自己洗咗幾機衫」,之後阿雪發現晾起嘅全部都係姐姐啲衫衣物!

孫慧雪稱姐姐嚟到唔做嘢,阿雪屋企洗衣籃爆滿都無幫手洗衫Photo from 孫慧雪 Facebook

3. 返工第一日,姐姐要求每晚都要有me time做運動嘅時間。阿雪稱:「佢晚晚一早就自己收工,唔會再幫手,然後攞瑜伽蓆,換晒full set運動衫,做瑜珈!」做完瑜珈又淨係洗自己啲運動衫而唔係洗阿雪一家嘅衫。

 返工第一日,姐姐要求每晚都要有me time做運動嘅時間。阿雪稱:「佢晚晚一早就自己收工,唔會再幫手,然後攞瑜伽蓆,換晒full set運動衫,做瑜珈!」Photo from 孫慧雪 Facebook

外傭自稱鍾意匿喺男朋友屋企

4. 面試時姐姐自稱好內向、唔鍾意出街、平時多數留喺屋企,除非有緊要事先出門,姐姐表示自己通常下晝2、3點已經喺屋企,但佢第一日放假就話夜晚11點先返,阿雪:「我哋O晒嘴,話佢interview都唔係咁講,佢話我鍾意匿喺男朋友屋企,可能我幫慣外國人做嘢囉,同你地style唔同」

姐姐表示自己通常下晝2、3點已經喺屋企,但佢第一日放假就話夜晚11點先返Photo from 孫慧雪 Facebook

5. 姐姐做咗幾日就表明自己做唔晒啲嘢,要求阿雪一家請多個姐姐。阿雪指屋企得佢、老公、兒子三人,而且平時佢哋夫婦盡量自己湊仔,工作量已經唔算多,但有家教老師上門姐姐都唔幫手執床,掛住自己me time。

阿雪指屋企得佢、老公、兒子三人,而且平時佢哋夫婦盡量自己湊仔,工作量已經唔算多Photo from 孫慧雪 Facebook

姐姐推咗孫慧雪屋企隻窗落街!

6. 姐姐第一日入屋就將工人房隻窗推咗落街,好彩無整親人!之後姐姐解釋稱隻窗係自己跌咗落街!阿雪就指屋企係新裝修仲要有驗窗,但可能係之前啲姐姐整鬆咗,都唔可以完全怪晒新姐姐。

第一日入屋就將工人房隻窗推咗落街,好彩無整親人!Photo from 孫慧雪 Facebook

7. 叫姐姐幫佢哋攞嘢,姐姐表示佢攞唔到,叫返阿雪佢哋自己攞。

叫姐姐幫佢哋攞嘢,姐姐表示佢攞唔到,叫返阿雪佢哋自己攞。Photo from 孫慧雪 Facebook

阿雪仲表示姐姐嘅不思議行為多到不能盡錄,引起網民討論,仲有唔少圈中人都留言,其中吳若希就表示:「不如⋯⋯報俾入境處聽,black list佢啦」。不過姐姐竟然仲要求攞reference letter,令阿雪忍唔住再發文:「求姐姐面皮厚度?」好彩阿雪老公指會誠實寫出姐姐七不思議行為。

阿雪仲表示姐姐嘅不思議行為多到不能盡錄,引起網民討論Photo from 孫慧雪 Facebook

吳若希就表示:「不如⋯⋯報俾入境處聽,black list佢啦」、鄭世豪則指:「等睇你join暴龍哥講都已經齊料的的一集」Photo from 孫慧雪 Facebook

姐姐竟然仲要求攞reference letter,令阿雪忍唔住再發文:「求姐姐面皮厚度?」Photo from 孫慧雪 Facebook

阿雪老公指會誠實寫出姐姐七不思議行為Photo from 孫慧雪 Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

孫慧雪身兼多職榮升做小富婆,20幾歲就有50萬儲蓄!事業一帆風順,上年與朋友合資開舖+做電影女主角!

8 May 2022

現年39歲嘅孫慧雪(雪雪)於2016年與任職批發商嘅圈外人羅天彥(Edwin )結婚,並育有一名兒子,婚後幕前工作大大減少!最近,佢就以嘉賓身份上YouTube節目《絲打圍爐》,分享多年來嘅理財心得。

孫慧雪於節目分享理財心得,自爆年輕時身兼多職,20幾歲就儲到50萬!Photo from 孫慧雪IG

孫慧雪2016年結婚,淡出幕前!

孫慧雪(雪雪)2006年入行,因為擔任節目《美女廚房》助手「飯」而為人熟悉,後來亦有份做《一擲千金》、《志雲飯局》等嘅助手,後來再參與電視劇拍攝,憑傲人身材被網民封為女神~2016年,佢與圈外男友Edwin結婚,誕下兒子Riley,逐漸淡出幕前。

孫慧雪於2016年結婚,並誕下一名兒子!Photo from 孫慧雪IG

過往佢因為身材好而被大家稱為女神~Photo from 孫慧雪IG

發展多方面事業

日前,孫慧雪獲邀出演由蝦頭以及連詩雅主持嘅《絲打圍爐》,大談多年來嘅工作經驗以及理財心得。佢表示曾經有人話佢似乎工作太多,導致演藝事業未能有突出表現。然而,疫情期間卻發現發展唔同嘅事業嘅好處,佢有發展網店以及凍肉生意,令佢收入並未有受到太大影響!

孫慧雪指自己過往除咗演藝事業外,仲做KOL、網店等。Photo from ChillGOOD TV @YouTube

疫情前,佢剛巧開咗凍肉公司!Photo from ChillGOOD TV @YouTube

二十幾歲就儲到50萬!

而孫慧雪仲話自己係一個「穩陣派」,認為儲錢係非常重要。佢讀大學期間就兼職做唔同嘅工作賺錢,而去唔同嘅展覽做model就最好賺「一個鐘3千蚊」,仲會兼職做文員、雜誌記者、售貨員等,成功喺20幾歲嘅時候就儲到50萬!

雪雪20幾歲時就儲咗50萬!Photo from ChillGOOD TV @YouTube

佢表示小時候就差唔多將所有收入儲起!Photo from ChillGOOD TV @YouTube

仲話當年做展覽model最好賺,一個小時就有幾千蚊!Photo from ChillGOOD TV @YouTube

曾於尖沙咀開服裝店做老闆!

成功賺到50萬後,孫慧雪並非立刻買樓,而係選擇接收一間位於尖沙咀嘅店鋪做老闆,當時俾咗5萬頂手費對方,再開始學習入貨等營銷方法。不過經營服裝店接近2年,佢就決定結業「發現其他工作賺得仲多」!

賺到50萬後,孫慧雪於尖沙咀開服裝店!Photo from ChillGOOD TV @YouTube

但只係經營2年就決定果斷放棄!Photo from ChillGOOD TV @YouTube

上年同朋友合資開食材店

現時,孫慧雪表示知道網絡購物盛行,而且仲可以節省舖租等,所以轉為開網店。上年10月,佢就同4位拍檔一齊合資用過百萬開食材店,而佢就自爆自己大約投資30萬左右!

孫慧雪上年同4位朋友一齊合資開食材店,投資約30萬!Photo from 孫慧雪IG

獲得成為電影女一機會!

然而,孫慧雪依然有繼續兼顧演藝事業,上年佢獲邀出演電影,同陳國峰齊齊做主角。當時佢直言「片酬當然唔夠我做KOL搵得多,但係想有個機會演出」,現時同時係KOL、演員、老闆娘等身份,仲獲選為「2021年十大KOL 」之一,變身事業女強人!

佢上年仲獲邀成為電影女主角,事業一帆風順!Photo from 《愛.還記得》

佢亦曾入選成為《本年度我最喜愛KOL》!Photo from 孫慧雪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel