公司出17k聘文員,打工仔呻難請正常人?指求職者千奇百怪

公司出17k聘文員,打工仔呻難請正常人?指求職者千奇百怪

時事熱話
By Jennifer on 28 Jun 2022
Digital Editor

「人往高處走」,好多打工仔搵工都好重視薪酬待遇,有港男近日於討論區發文指老婆公司出價1萬7千元聘請文員,佢指公司要求唔算高,但卻經常遇到有好多問題嘅求職者,令佢大嘆:「無諗過(請文員)係咁難囉!」

好多打工仔搵工都好重視薪酬待遇Photo from 《末生》劇照

公司出17k聘文員遇困難?

搵工好多時都會考慮「人工」、「福利」、「工作量」等,除咗求職者有要求外,公司請人都有其要求。最近香港討論區有網民發文:「想請個正正常常17K文員都咁難!」

搵工好多時都會考慮「人工」、「福利」、「工作量」等,除咗求職者有要求外,公司請人都有其要求。Photo from 《我要準時下班》劇照

樓主表示老婆公司近日想請文員,薪金有17k,要求有兩至三年經驗、中學畢業、中英文普通就可以,不過佢大呻請人遇到唔少困難。首先收到求職者嘅CV中,有唔錯履歷嘅人要求遠超公司提出嘅待遇,樓主:「CV比較似樣嘅,個個要求20K以上,over budget」,要求18k或以下嘅求職者,一係就中學未畢業、一係就五十歲以上、一係就以前無份工做多過半年。

樓主表示老婆公司近日想請文員,薪金有17k,要求有兩至三年經驗、中學畢業、中英文普通就可以,不過佢大呻請人遇到唔少困難。Photo from 《梨泰院Class》劇照

要求18k或以下嘅求職者,一係就中學未畢業、一係就五十歲以上、一係就以前無份工做多過半年。Photo from 《末生》劇照

請人約面試慘被「放飛機」

樓主稱公司對中年人並無偏見,但就指「中年人比較難融入又真係事實」。佢表示有啲申請者嘅CV錯漏百出:「address」寫成「addross」、「duties」寫咗做「daties」,令佢十分吃驚。

樓主稱公司對中年人並無偏見,但就指「中年人比較難融入又真係事實」Photo from 《大叔的愛》劇照

雖然CV未如理想,但抱住「有多個人幫手都好過無」嘅心態,公司約見部分CV比較好嘅求職者,本身約咗8個人見工,但有3位臨時通知唔會見工、2人更「甩底放飛機」,最終只有3人出席面試。

公司約見啲CV好少少嘅求職者,本身約咗8個人見工,有3位臨時通知唔會見工、2人更「甩底放飛機」,最終只有3人出席面試。Photo from 《合約男女》劇照

求職者面試多要求

第一位面試嘅求職者係女士,佢著T-shirt、三角骨褲,面試全程強調自己只想搵一份無壓力嘅工作,公司指有關職位多數唔使加班,但一年中都會有十次、八次需要加班半小時至一小時,對方即表示佢非常著重「work life Balance」,上一份工正正係因為類似情況而決定馬上辭職,似乎呢份工唔係好適合佢。

有求職者表示佢非常著重「work life Balance」,上一份工正正係因為類似情況而決定馬上辭職Photo from 《無法成為野獸的我們》劇照

樓主稱第二位求職者「頭髮亂到似約翰遜」,問佢嘢又九唔搭八,先前幾份工作最長嗰份做咗七個月左右。最後一位求職者面試過程都覺得佢幾適合呢份工,但最後佢問公司有無規定同事要打針,公司稱無規定但鼓勵同事打,而現職同事大部分都打咗3針,令對方十分激動,稱如果公司一定要佢打針會立即辭職,又指自己對上一份工就係因為咁而請辭。

樓主稱第二位求職者「頭髮亂到似約翰遜」,問佢嘢又九唔搭八,先前幾份工作最長嗰份做咗七個月左右。Photo from 《大叔的愛》劇照

網民各有不同反應

樓主表示雖然工資17k唔算高,但只係想請個擁有中五學歷、中英文普通嘅文員:「無諗過係咁難囉......」有網民就認為樓主又無寫明返幾日、返幾點放幾點,雖然17k請文員好似人工唔低,但「口講無咩要求,但實際要求多多」

樓主表示雖然工資17k唔算高,但只係想請個擁有中五學歷、中英文普通嘅文員:「無諗過係咁難囉......」Photo from 《末生》劇照

有網民就認為雖然17k請文員好似人工唔低,但「口講無咩要求,但實際要求多多」Photo from 香港討論區

有網友稱香港唔少大學畢業生啱啱出嚟做嘢就要求人工有20k以上,認為佢哋要求咁高,公司出17k好難吸引到年輕人。亦有人指17k根本唔算高,請唔到人係正常。

有網友稱香港唔少大學畢業生啱啱出嚟做嘢就要求人工有20k以上Photo from 《無法成為野獸的我們》劇照

亦有人指17k根本唔算高,請唔到人係正常。Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

打工仔自認對公司好重要!職位低仍經常同上司頂嘴:公司都唔敢炒我

13 May 2022

職場中認清自己位置好重要,近日討論區有網友發文指公司有同事成日同上司駁嘴,自認為公司無咗佢唔得,甚至仲話:「公司唔敢炒我」,令網友十分無語,直指佢自視過高!

近日討論區有網友發文指公司有同事成日同上司駁嘴Photo from 《我們與惡的距離》劇照

打工仔以為公司無咗佢唔得?

打工仔通常都係職場上嘅小薯仔,即使面對上司各種要求都無勇氣拒絕,不過凡事都有例外,有時睇得自己太重要都唔係一件好事。香港討論區近日有網民開post「點解會有人以為間公司無咗佢就唔得?」

打工仔通常都係職場上嘅小薯仔,即使面對上司各種要求都無勇氣拒絕Photo from 《大叔的愛》劇照

全team唯一full time

佢表示公司有條team走淨一位full time同事,除咗佢同上司之外,其餘人都只係兼職,而唯一全職嘅同事都幾做得嘢,雖然職位唔高,人工亦只有萬零蚊,出面請應屆畢業生做都得,但佢有啲senior少少嘅嘢都識處理。

全team唯一全職嘅同事都幾做得嘢,雖然職位唔高,人工亦只有萬零蚊,出面請應屆畢業生做都得,但佢有啲senior少少嘅嘢都識處理。Photo from 《末生》劇照

向上司發脾氣、周圍呻上司廢

樓主就指呢位同事做嘢都唔錯,但為人太自大,有一次樓主目擊佢竟然向上司發脾氣,仲嘈到房出面都聽到晒,問佢發生咩事,對方仲沾沾自喜表示:「咁我真係唔滿意呀嘛!不過公司唔敢炒我,炒咗我邊個做,其他part time都唔識做!」

樓主就指呢位同事做嘢都唔錯,但為人太自大,有一次樓主目擊佢竟然向上司發脾氣Photo from 《大叔的愛》劇照

對方仲沾沾自喜表示:「咁我真係唔滿意呀嘛!不過公司唔敢炒我,炒咗我邊個做,其他part time都唔識做!」Photo from 《金秘書為何那樣》劇照

樓主話之後不時都會見到呢位同事同上司嘈交,又周圍同人呻話覺得佢上司好廢、好多嘢都唔識整咁,令樓主十分無語。

樓主話之後不時都會見到呢位同事同上司嘈交,又周圍同人呻話覺得佢上司好廢、好多嘢都唔識整Photo from 《半澤直樹》劇照

樓主指同事自視過高

樓主表示佢睇得自己太重要,又直言:「Apple冇咗Steve Jobs都唔會執笠,更何況係一個小小的公司職員?」指同事成日覺得公司無咗佢唔得,所以公司唔敢郁佢,樓主話:「真係得啖笑!有無諗過點解公司情願喺出面請人,都唔升你職呢?」

同事成日覺得公司無咗佢唔得,所以公司唔敢郁佢Photo from 《末生》劇照

網民:做得嘢嘅人升唔到職

有網友就稱做得嘢嘅人係升唔到職:「升咗啲嘢邊個做?」獲唔少網民同意。有人認為公司唔炒佢都好正常:「人工低又好使好用,點會炒?」有網友則指樓主同事覺得自己好重要就要同上司嘈呢個心態好有問題,可能好快就會畀上司解僱。

有網友就稱做得嘢嘅人係升唔到職:「升咗啲嘢邊個做?」獲唔少網民同意。Photo from 香港討論區

樓主話:「真係得啖笑!有無諗過點解公司情願喺出面請人,都唔升你職呢?」Photo from 《半澤直樹》劇照

有人認為公司唔炒佢都好正常:「人工低又好使好用,點會炒?」Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel