英國科學家成功研發「長生不老藥」,揚言:人人都可活到200歲!預計10年內推出市面

英國科學家成功研發「長生不老藥」,揚言:人人都可活到200歲!預計10年內推出市面

時事熱話 生活熱話
By Stephanie on 04 Jul 2022
Digital Content Writer

現今科技日新月異,醫學技術都與時並進,能夠透過藥物治療嘅病隨之增加。最近,英國科學家表示成功研發到「長生不老」,有望喺10年內將藥物推出市面。呢款藥能夠令人變得更加長壽,仲揚言人類嘅壽命其實並無盡頭?!

英國生物研究學家史帝勒(Andrew Steele)表示成功研發「長生不老藥」?!Photo from Russell Howard @YouTube

英國生物學家成功研發「長生不老藥」

相信大家都細個嘅時候都一定聽過有關「長生不老藥」嘅故事,然而呢款藥其實並唔存在於世上~日前,英國生物學家史帝勒(Andrew Steele)出版咗一本關於長壽嘅書本,當中提及已經有突破性發展,即將推出「長生不老藥」!

英國生物學家史帝勒(Andrew Steele)一直致力研究人類壽命相關話題Photo from The Royal Institution @Youtube

而佢最近推出嘅新書就提及成功研發喔到延長壽命嘅藥物!Photo from Amazon網站

解釋藥物原理,揚言:人類活到200歲不是夢!

根據外媒報導,史帝勒成功研發嘅藥物將能夠破壞人體內降低組織功能嘅細胞(亦被稱為Zombie cells),從而增加人體壽命。佢非常有自信咁表示「人類必定能夠或到200歲」,甚至話未來人類嘅壽命可能並無上限!

史帝勒研發嘅藥物能夠對抗人體內嘅「殭屍細胞」,從而令壽命增加!Photo from 《月刊家》

佢仲表示人類將來嘅壽命可以話係無上限?!Photo from 《瘋狂愛上你》

將於10年內推出!

據悉,史帝勒同研究團隊事前用50萬名英國人嘅DNA數據做研究,發現若果冇藥物或者化學療程嘅介入,人類好大機會能夠活到120-150歲;而普遍人類都係因為年齡增長導致慢性疾病出現,所以佢哋一致認為只要能夠將疾病根治就能延長壽命。現時佢哋研發嘅藥物已經進入人體實驗階段,目標係10年內推出市面!

據悉現時藥物已經進入人體實驗階段,預計將會喺10年內推出!Photo from 《歡樂頌》

2020年美國醫學團隊成功研發相關藥物!

喺2020年,美國排行第一嘅梅奧診所嘅柯克蘭(James Kirkland)博士及醫療團隊就成功研發相關藥物,利用藥物消滅實驗小老鼠體內嘅衰老細胞,有效改善佢哋嘅身體機能,並且延遲身體老化嘅時間以及延長壽命。

2020年,有美國醫學團隊都研發到相關藥物!Photo from 《浪漫醫生金師傅》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

美國研究發現人類離世後,眼睛能運作長達5小時!盤點10個人體冷知識:白天與夜晚身高有差別/女生聽力更好?

19 May , 2022

生老病死乃人之常情!最近,美國一項研究指出原來人類離世後,眼睛依然能夠運作長達5小時,並且對光線作出反應!宜家就等我哋一齊睇下10個有關人體嘅冷知識啦,睇下大家又知道幾多個~

有研究顯示原來人類去世後,雙眼依然有反應?!Photo from 《想見你》劇照

人類去世後,雙眼依然有反應?!

當人類離世後,普遍都唔會再對外界嘅任何刺激有所反應!然而,美國最近嘅一項研究發現人類離世後,雙眼依然能夠運作長達5小時咁耐!喺實驗中,科學家們成功喚醒去世人類嘅眼球功能:發現當雙眼受到光線刺激時,依然能夠捕捉到眼球內視網膜所接收到嘅訊息,確認雙眼依然有反應!

美國研究發現人類離開後,雙眼能夠運作至少5小時。Photo from 《頭七》劇照

眼睛有反應長達5小時!

根據報導所講,今次係史上第一次有器官捐贈者嘅雙眼能夠對光線有反應;仲表示喺人類離開後5小時都能夠對昏暗、色彩不一等嘅光線產生反應!不過研究人員補充,雖然眼睛尚能夠運作,但由於本體負責處理訊號接受嘅大腦已經停止運作,所以「比較難推斷能夠見到甚麼」。

離世後,雙眼依然會對光線作出反應Photo from 《德魯納酒店》劇照

1. 男士去世後,依然有生理反應?!

若果男士係以站立嘅方式離世,血液將會聚積於雙腿,導致下半身血管膨脹。隨住時間越耐,男士有可能會因此而導致「升旗」!

原來男生去世後,都有機會出現生理反應?!Photo from 《夫婦的世界》劇照

廣告
廣告

2. 人類血管長度能夠繞2.5個地球

每個人嘅身體都佈滿血管,當中微絲血管、動脈、靜脈等血管總長度達到逾10萬公里,足足可以圍繞地球2.5圈!

一個人嘅血管總長度足足可以環繞2.5個地球!Photo from 《惡作劇2吻》劇照

3. 白天及夜晚身高會不同!

大家早上一起身嘅時候身高都會高啲,但經過一日嘅活動量後,脊柱會受到壓力,導致晚上量度身高嘅時候會有偏差!普遍而言,大家早上嘅身高會高出1cm左右。

原來大家一起床嘅時候身高會比較高!Photo from 《無間道》劇照

4. 睡覺消耗的熱量比看電視多!

相信大家假期嘅時候都一定會瞓得比較多,原來瞓覺所消耗嘅熱量比坐喺度睇電視更加多!由於瞓覺嘅時候,我哋嘅大腦依然活躍地運作中,而且其他器官都保持運作,所以消耗得比較多;而消耗嘅熱量多少亦同個人體重及睡眠品質有關連。

睡覺所消耗嘅熱量比睇電視多!Photo from 《The K2》劇照

5. 手指甲生長速度比腳趾甲快4倍!

過去有研究發現人類嘅手指甲一個月大概長3.47mm,但亦會因人而異!手指甲重新生長嘅時間大約係4-6個月;而腳指甲就係6-9個月。

手指甲嘅生長速度比腳指甲快!Photo from 《德魯納酒店》劇照

6. 成人骨骼數量比出生嬰兒少

初生嬰兒嘅骨骼數量大約係305塊骨頭,但隨住年齡嘅增長,成年人嘅骨骼數量將會變成206塊!原因係我哋喺成長嘅過程中,部份骨頭將會融合埋一齊。

初生嬰兒嘅骨骼數量比成年人多!Photo from 《殘念丈夫》劇照

7. 普遍男生視力較好;女生聽力更好

男生同女生嘅身體構造本來就有少少唔同:作為「視覺系動物」嘅男生視力相對上比較好;但值得一提嘅係女生對於顏色嘅靈敏度比男生高!而且女生喺聽力方面亦比男生強。

研究指男生嘅視力比女生好,但男生患有色盲嘅機率比較高!Photo from 《從天而降的一億顆星》劇照

然而,女生嘅聽力比男生好Photo from 《The Producers》劇照

8. 打噴嚏時,人的心率會降低

過往曾經有流傳「打噴嚏時心臟會停頓一毫秒」,但後來有研究就指係心率降低!由於打噴嚏會出現壓力導致肌肉用力縮緊,短暫影響血液流通速度。

打噴嚏嘅時候,人嘅心率會受到影響而降低!Photo from 《偶然發現的一天 》劇照

9. 左耳接受甜言蜜語的速度更加靈敏

有指左邊耳朵係受到右腦嘅控制,而右腦則負責主導我哋嘅情感,因此左耳接受甜言蜜語嘅速度比右耳更加快!若果熱戀中嘅情侶想迅速令感情升溫,就記住向另一半嘅左邊耳仔講嘢喇~

左邊耳朵接受甜言蜜語嘅速度比右耳更靈敏!Photo from 《不能說的秘密》劇照

10. 成年人的頭髮可拉伸25%

成年人嘅頭髮可以拉伸多25%,而且並唔會斷裂!若果未能做到,即係代表頭髮並唔健康。

據悉,人嘅頭髮係可以拉伸25%!Photo from 《解憂理髮店》劇照

資料來源:網易、heho健康網站

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel