老公好想移民英國但遭港媽拒絕,列出5大原因!唔想放棄專業工作

老公好想移民英國但遭港媽拒絕,列出5大原因!唔想放棄專業工作

時事熱話
By Jennifer on 05 Jul 2022
Digital Editor

近年掀起移民潮,英國係其中一個深受港人歡迎嘅地方。日前有網友喺Facebook專頁發文指老公好想移民,佢表示自己亦明白移民嘅人心態,但佢稱自己亦有唔少顧慮,坦言:「係咪有考牌嘅父母就一定揀移民?」

近年掀起移民潮,英國係其中一個深受港人歡迎嘅地方。Photo from 《北京遇上西雅圖之不二情書》劇照

老公勁想移民英國,港媽有顧慮

英國係好多香港人選擇移民嘅地方,有港媽就喺Facebook專頁「生仔要考牌系列」發文,佢指老公經常同佢講身邊有唔少朋友都移咗民,日日都好開心,自己一家四口都仲留喺香港。港媽表示自己好理解移民港人都係為咗呼吸自由空氣、畀子女喺更好嘅環境讀書成長等,但佢認為都有好多因素影響佢唔想移民。

有港媽就喺Facebook專頁「生仔要考牌系列」發文,佢指老公經常同佢講身邊有唔少朋友都移咗民,日日都好開心,自己一家四口都仲留喺香港。Photo from 《82年生的金智英》劇照

1. 唔想放棄現時嘅專業工作

佢稱自己係在職媽媽,佢嘅工作稱得上為專業,要經過讀書、實習、考牌先可以做,佢對自己現時嘅工作十分滿意,放工後唔使再跟手尾而且又容易攞假照顧小朋友,但若果移民英國,一切就要從頭開始,可能要重新讀書、實習、考牌,而且亦未必可以有依家嘅工時同工資,好大機會要輪班工作。

港媽稱自己係在職媽媽,佢嘅工作稱得上為專業,要經過讀書、實習、考牌先可以做,佢對自己現時嘅工作十分滿意Photo from 《解禁男女》劇照

若果移民英國,一切就要從頭開始Photo from 《我們與惡的距離》劇照

港媽表示自己好珍惜依家呢份工,自問無勇氣由零開始:「坦白講自己冇咁瀟灑。十年寒窗終於有少少成就,突然間由零開始,又要重新為事業打拼,我呢刻仲未可以跨過心理關口」

港媽表示自己好珍惜依家呢份工,自問無勇氣由零開始Photo from 《太陽的後裔》劇照

2. 難以適應英國生活

港媽自稱由細到大適應力都唔係太好,升小學、升學、升大學都需要社工、老師或親友輔導,佢擔心移民去外地面對新生活,自己要更長時間平復心情。港媽認為住屋、環境、教育方面英國都比香港出色,但自己怕凍又唔識煮飯、揸車,去到英國將面對唔少困難,佢指香港嘅天氣、衣食、交通更優勝,擔心自己離開香港會感到後悔。

港媽認為住屋、環境、教育方面英國都比香港出色,但自己怕凍又唔識煮飯、揸車,去到英國將面對唔少困難Photo from 《那年冬天,風在吹》劇照

3. 老公無法幫手分擔日常生活瑣事

港媽稱自己適應力弱,需要旁人輔導,但移民後身邊只有老公,對方卻並非可以依靠嘅人選。佢表示平日老公放工回家都掛住玩手機,自己嗌交永遠輸畀老公。港媽稱丈夫從來唔會讓步:「講到一定係佢啱我錯為止」,此外有咩事情要老公幫忙,仲要三催四請,對方唔記得做更會賴返轉頭:「話我冇提佢做。」港媽指老公畀唔到信心佢,令佢擔心去到外地所有嘢都要自己一腳踢。

港媽稱自己適應力弱,需要旁人輔導,但移民後身邊只有老公,對方卻並非可以依靠嘅人選。Photo from 《愛的迫降》劇照

港媽表示平日老公放工回家都掛住玩手機,自己嗌交永遠輸畀老公。港媽稱丈夫從來唔會讓步Photo from 《紀念日》劇照

港媽指老公畀唔到信心佢,令佢擔心去到外地所有嘢都要自己一腳踢。Photo from 《暖男爸爸》劇照

4. 想子女學返廣東話同繁體字

港媽稱廣東話係母語,希望子女對廣東語、繁體字熟悉,識聽識講又識寫,但去到英國就無動力學廣東話同繁體字,又無得學以致用十分可惜。佢表示兩個小朋友年齡尚小,只係讀緊幼稚園:「想等佢哋對自己語言同文化有基本認識先,再送佢哋去外國擴闊眼界,難道有錯?」

港媽稱廣東話係母語,希望子女對廣東語、繁體字熟悉,識聽識講又識寫,但去到英國就無動力學廣東話同繁體字Photo from 《當你沉睡時》劇照

5. 離開香港就無法留喺父母身邊盡孝

港媽稱老公指為咗下一代應該要走,但港媽就有唔同意見:「下一代固然重要,但上一代係咪就唔使理?」佢表示老人家好錫兩個孫,亦講明唔會移民,自己平時湊小朋友已好少見父母,如果移民帶埋啲孫走,覺得自己好不孝,亦都唔捨得:「難道要咁狠心丟低上一代置之不顧?」

港媽稱老公指為咗下一代應該要走Photo from 《陪你一起長大》劇照

港媽表示老人家好錫兩個孫,亦講明唔會移民,自己平時湊小朋友已好少見父母,如果移民帶埋啲孫走,覺得自己好不孝Photo from 《父母愛情》劇照

網民反應兩極

港媽最後反問「移民一定係最好選擇?」、「係咪要為咗細路放棄自己嘅理想同上一代?」、「唔舉家移民係咪等於推小朋友落火坑?」帖文引起網民兩極評論,有網友認為移民係個人選擇唔係個個都必須做,最緊要搵啱自己條路,亦有網民指樓主樣樣諗自己,其實只係唔捨得高薪厚職好自私。有人提出意見稱既然樓主老公想走,佢又唔想離開香港,就由老公帶兩個小朋友移民,佢自己留喺香港,或者送小朋友去外國讀書。

帖文引起網民兩極評論,有網友認為移民係個人選擇唔係個個都必須做,最緊要搵啱自己條路Photo from LIHKG

亦有網民指樓主樣樣諗自己,其實只係唔捨得高薪厚職好自私。Photo from LIHKG

有人提出意見稱既然樓主老公想走,佢又唔想離開香港,就由老公帶兩個小朋友移民,佢自己留喺香港Photo from 《82年生的金智英》劇照

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男徵伴侶移民英國!自稱40歲單身寡佬、英文超差、有經濟能力

11 May 2022

近年好多香港人選擇移民,英國係其中一個熱門地方。近日Facebook群組有男士「徵友」作伴一齊去英國,佢列出自己嘅條件,稱年逾40歲、單身,更承諾伴侶即使唔做嘢都願意照顧埋佢!

近年好多香港人選擇移民,英國係其中一個熱門地方。Photo from HolidaySmart

港男發文徵伴侶移民英國

香港近年掀起移民潮,唔少港人都選擇到英國發展,不過人在外地開展新生活,都會希望有人作伴。喺Facebook群組「大埔人大埔谷」就有網民發文徵友。

香港近年掀起移民潮,唔少港人都選擇到英國發展,不過人在外地開展新生活,都會希望有人作伴。Photo from 《北京遇上西雅圖之不二情書》劇照

自稱40歲單身、英文差,但有經濟能力

佢指自己40歲出頭,單身寡佬、英文超差,想搵個伴一齊去英國。雖然英文唔好,但佢自稱有足夠財力:「經濟能力方面妳無我有,我可以照顧妳」,揚言即使對方唔使做嘢都夠生活。

佢自稱有足夠財力:「經濟能力方面妳無我有,我可以照顧妳」,揚言即使對方唔使做嘢都夠生活。Photo from 《特務打爆機》劇照

唔想外地一人終老,要求伴侶係大埔人

不過佢亦表示希望移民時間可以遷就佢,畀佢考埋個車牌先。網民又提到佢之所以想搵個伴侶一齊移民,全因「一把年紀人在外地唔想一人終老」。

樓主提到佢之所以想搵個伴侶一齊移民,全因「一把年紀人在外地唔想一人終老」。Photo from 《北京遇上西雅圖之不二情書》劇照

網民提出因為自己係大埔人,所以盡量想搵返同為大埔人一齊走,又補充指:「最好同村長大」,佢強調「邊個國家都唔愛,只愛自己人生。」

因為自己係大埔人,所以盡量想搵返同為大埔人一齊走Photo from 《太陽的後裔》劇照

強調「邊個國家都唔愛,只愛自己人生。」Photo from Facebook群組「大埔人大埔谷」

網民:男士得唔得?

樓主呼籲有意者同佢聯絡。不過就關閉咗留言功能,有網友cap圖後另開新post討論佢嘅帖文,雖然樓主無標明作伴人嘅性別要求,不過似乎網民已默認係女伴:「想問佢男男可唔可以」、「男得唔得?」,有網民幽默回覆:「關回覆『公能』,咁男士都應該得」

雖然樓主無標明作伴人嘅性別要求,不過似乎網民已默認係女伴Photo from Facebook群組「大埔人大埔谷」

網友:「想問佢男男可唔可以」Photo from 《輪到你了》劇照

有網民幽默回覆:「關回覆『公能』,咁男士都應該得」Photo from Facebook群組「大埔人大埔谷」

又有網民指佢英文唔好但又移民英國點確定到自己一定可以照顧埋另一半,建議佢上下英文班先去英國,有網民則表示好似睇緊以前啲「登報尋偶」廣告咁。

有網民指佢英文唔好但又移民英國點確定到自己一定可以照顧埋另一半,建議佢上下英文班先去英國Photo from 《單身男女》劇照

有網民則表示好似睇緊以前啲「登報尋偶」廣告咁。Photo from Facebook群組「大埔人大埔谷」

網友指樓主中、英文都唔太好Photo from Facebook群組「大埔人大埔谷」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel