校花級美女工作6年後大走樣?!網民驚嘆:究竟係返咩工!婚後及居家隔離都極容易身形發福?

校花級美女工作6年後大走樣?!網民驚嘆:究竟係返咩工!婚後及居家隔離都極容易身形發福?

時事熱話 生活熱話
By Stephanie on 08 Jul 2022
Digital Content Writer

正所謂「歲月不饒人」,隨住年齡嘅變化大家嘅外型都可能會有所不同。最近,內地一名女生公開出社會工作6年後嘅近照,而佢過往喺大學時期係校花級美女。不過現時嘅佢樣貌亦似乎變得截然不同,唔少網民見到對比圖後都忍唔住驚嘆「做的究竟是什麼工作?」

廣西一名女生上載工作6年後嘅近照,超大變化令網民嚇親!(圖為女生大學時期嘅照片)Photo from 微博

「上班令顏值下降」掀熱議

早前,內地就掀起一陣「上班令顏值下降」嘅話題,當時就有好多網民分享自己入職前後嘅對比圖,而且好多人嘅變化都真係好大!唔少人都一致認為初入職嘅時候會悉心打扮,希望喺上司或者同事面前留下好印象;但隨住工作壓力嘅增加,大家都逐漸「放棄」打扮,引起打工仔們嘅共鳴~

早前,欸滴曾掀起「上班使人顏值下降」嘅熱話!Photo from 小紅書

而唔少網民就分享自己剛出社會工作及現時嘅照片,強烈對比令網民嚇親!Photo from 小紅書

公開超清秀大學畢業照

日前,一位來自廣西嘅女士上載自己大學畢業時及現時嘅照片,強烈嘅對比令網民感到震撼!只見大學畢業照中嘅佢十分清秀,皮膚白皙、身材苗條,仲被稱為校花級別嘅美女~

女生上載自己大學畢業時嘅照片,只見相中嘅佢十分清秀Photo from 微博

工作6年後,外表身形都大走樣?

然而,女士表示現時佢已經出社會工作6年,但佢嘅體重飆升15公斤,並附上近照。照片中嘅佢身穿紅色背心,似乎係工作期間拍攝嘅;不過明顯睇得出佢嘅身形發福,外貌亦冇以前咁精緻,神情疲倦!

其後,女生再上載現時嘅近照,指自己只係工作短短6年就已經有如此大嘅變化!Photo from 微博

網民表示震驚!

唔少網民見到對比照片後,都感到好驚訝「真的是同一個人嗎?」、「實習生變總經理的感覺」、「確定不是畢業16年嗎?」等;而唔少網民都認同出社會工作後係會容易發福,加上年齡增長導致新陳代謝變慢,所以外型出現變化乃係正常之事!

網民見到對比照後都唔敢相信係同一個人!Photo from 《鬼怪》

妻子結婚4年後體重飆升,判若兩人

其實過往都有唔少人因為身形發福,而變得判若兩人。一位內地妻子喺結婚4年後,體重突然暴增大約35公斤,而佢丈夫就上載咗妻子結婚前後嘅跳舞影片作出對比。只見妻子婚前非常苗條,衣著亦非常時尚,大跳韓團舞蹈~

丈夫表示同妻子結婚4年後,佢已經完全唔同咗?Photo from 抖音

婚前妻子衣著時尚,並大跳韓國舞蹈~Photo from 抖音

丈夫毫無怨言:現在更加有趣!

而現時嘅妻子身形發福、面型圓潤,身穿灰色保暖睡衣跳舞;不過成個畫風都同以前完全唔同咗!丈夫表示並冇因此而感到不滿,反而開心咁話「感覺花了一份錢娶了兩個老婆」,令唔少網民直呼係真愛啊~

現時妻子體重比婚前增加咗30KG!Photo from 抖音

即使跳舞都變得非常有喜感,同過往嘅風格截然不同!Photo from 抖音

封城期間丈夫變成「大叔」?

疫情期間,大家都盡量避免外出,經常留喺屋企身形都好大機會走樣!早前上海封城長達一個月,一名妻子紀錄丈夫封城前後嘅對比,指二人因為長期留喺屋企,生活非常無聊。而封城後,丈夫身形暴漲變得不修邊幅,頭都唔會梳、鬍鬚都唔剃,被佢形容為「大叔一名」!

封城前,丈夫仲會悉心打扮一下。Photo from 抖音

不過隨住留喺屋企嘅時間變長,丈夫就唔再打扮,而且身形亦有少少發福!Photo from 抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「上班會令顏值下降」掀熱議!網民晒入職前後對比圖 外貌身形現巨變!

20 May , 2022

返工辛苦,唔知各位打工仔有無覺得容貌變差?內地網民以「上班顏值真的會下降」為題發圖後,引起好大共鳴,於是有好多人都貼出入職前後對比圖,有啲直頭變咗另一個人咁!

內地有大批網民分享上班前後對比圖,可見不少美女帥哥變得相當頹廢!Photo from 微博

不少人入職初期都會悉心打扮,務求以最好狀態迎接挑戰,同時有利認識新同事。但係,長時間面對工作壓力終會令人意志消沉,即使變得憔悴,也容易失去打扮意慾。以下就嚟睇下一班內地網民嘅分享,睇下佢哋嘅變化有幾大!

廣告
廣告

一名銀行女職員分享上班4年後嘅對比圖。Photo from 小紅書

銀行工超辛苦?

多名來自銀行業嘅網友都曬出對比照,睇嚟呢個行業對員工需求唔細!從呢位女生嘅入職首年照可見,佢氣色不錯,眼睛有神同時充滿笑容。

呢名銀行小花入職時感覺開朗~Photo from 小紅書

但三年後,佢膚色變得黯淡、頭髮散亂,雖然有笑但眼神空洞。佢表示,在同一銀行工作三年後終於辭職,前上司更擔心佢係咪跳槽,但事主已決定唔會再返銀行工!

做銀行工數年後...Photo from 小紅書

第二名同行女生就稱,自己在2020年畢業後已在銀行工作了兩年。入職前照片可見佢有精緻妝容,同時佩戴耳環和頸鏈,打扮猶如去約會般美麗。到了現在,佢形容自己「變成了銀行人」,確實,現在模樣跟前一位女生相若,皮膚變黑,又無咩化妝,臉容有倦意。

上班前好有心機打扮。Photo from 小紅書

入職後喪失動力...Photo from 小紅書

第三名銀行女生嘅變化真係唔細!佢入職前絕對係一名靚女,擁黑色長曲髮、臉小皮膚白。然而,到了入職第二年,佢體重增加了超過20磅!佢亦無再化妝,昔日女神光芒完全消失。

入職前係一位氣質美女。Photo from 小紅書

上班後發福不少!Photo from 小紅書

亦有來自審計、數據分析等行業嘅女生分享對比圖,大家嘅共通點都係減少打扮,用眼鏡代替隱形眼鏡等等;亦有人表示,佢發現入職後頭髮變得稀疏。

有做審計業女生表示,上班後出現脫髮問題。Photo from 小紅書

打工一年對比Photo from 小紅書

打工5年差別Photo from 小紅書

有女生更詳細分享由畢業、上班、到辭職後嘅樣貌變化,可見佢只在上班時期變得頹廢,辭職後樣子又回復畢業時狀態!

女生剛畢業模樣Photo from 小紅書

工作期間變得頹廢Photo from 小紅書

辭職後又變回畢業前模樣Photo from 小紅書

男設計師形象大變

唔只女生,男生都一樣受社會摧殘。唔少設計師工時都相當長,一名男生曬出自己做design前嘅樣子,可見佢留有鬚根,走型格路線。但成為設計師兩年後,明顯有發福跡象,黑眼圈變深,連髮型都無咁講究。

做設計前走性格型男路線Photo from 小紅書

上班後變大叔?!Photo from 小紅書

女教師上班2個月就想退休

從一位女教師分享照片可見,入職前嘅佢穿著吊帶小背心,背對陽光拍照頗有氣質。不過,佢坦言當老師後只有一個表情,「體育老師夏天就跟農民工一樣被曬,變的黑乎乎」,同時教英文嘅佢面對龐大壓力,教咗兩個月就想退休了。

做Miss前模樣Photo from 小紅書

Miss大呻成為老師後嘅辛酸。Photo from 小紅書

有另一教師也分享了變化圖,可見佢上班後膚色變黑,打扮變得樸素,但仍然好有笑容!

另一教師分享對比圖Photo from 小紅書

網民見到分享後都大呼超有共鳴,大呻開濾鏡都掩飾不到老態。不過,都有人上班後仍能保持美態,好似下圖女生咁,佢入職後嘅模樣同青春學生妹無乜分別,令人非常羨慕!

入職前係清新美女。Photo from 微博

入職後氣質更青春可愛?!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel