19歲女與男業主發展曖昧關係!對方每月固定給錢?網民直言:根本係包養!

19歲女與男業主發展曖昧關係!對方每月固定給錢?網民直言:根本係包養!

生活熱話
By Stephanie on 01 Aug 2022
Digital Content Writer

男女之間嘅感情錯綜複雜,大家嘅感情觀亦會因應家庭、環境等因素影響而各有不同。最近,一名女生討論區分享自己與別不同嘅戀愛經歷,指自己機緣巧合下與34歲嘅業主變得熟悉;而對方亦不時為佢介紹工作,仲會每個月俾5萬台幣(約港幣1萬3千)佢,令佢開始愛上男方!

女生於討論區分享與34歲男生曖昧嘅感情經歷!Photo from 《鬼怪》

20歲女分享特別感情經歷!

日前,一名剛滿20歲嘅女生喺Dcard討論區以「19歲收了喜歡的人給的80萬」作為題目開post,紀錄自己嘅「獨特」嘅感情經歷!樓主表示自己本身就熱愛畫畫,除咗返學之外,課餘時間都會利用畫畫賺錢「接一些案子賺零用錢。」

20歲女生分享自己獨特嘅感情經歷Photo from dcard討論區

樓主除咗讀書之外,仲會靠畫畫賺零用錢!Photo from 《那些年我們一起追的女孩》

二人關係親密令對方與女友分手?!

喺機緣巧合之下,樓主認識咗34歲嘅業主,對方不時都會推薦工作俾佢,又會陪佢傾計,久而久之二人變得非常投契!然而,當時男方其實已經有女友,二人保持友好關係,好似兄妹一般咁相處。直到有一日,樓主發現男生已經分咗手,而導火線同樓主有關「無法接受他對我好,覺得我們之間的關係不純。」

樓主認識咗34歲嘅男業主,並經常與對方食飯Photo from 《原諒他 77 次》

男方最終與女友分手,原因竟然係關樓主事?!Photo from 《我的ID是江南美人》

樓主開始對男方動心

雖然當時樓主已經開始愛上男方,但基於對方係業主嘅關係,唔希望令彼此關係尷尬,所以並冇進一步嘅打算。事隔一個月後,佢同男方單獨食晚餐;喺睇夜景期間男方突然主動親吻佢,而佢亦冇抗拒。事後男生卻解釋「我還不想談戀愛,還想著前任」,而當時樓主就表示諒解佢嘅處境。

而樓主當時亦逐漸愛上男方!Photo from 《她的私生活》

二人關係變得更加曖昧

不過,樓主同男生嘅關係變得越來越曖昧,而佢亦坦承「有房有車,每次出門約會都很爽,不用吹風曬太陽,跟我以往約過的會都很不一樣(˶‾᷄ ⁻̫ ‾᷅˵)」對方會經常接載佢返學、去工作室等,二人之間嘅互動彷如情侶~

男方經常都會接載樓主返學Photo from 《二十五二十一》

男方每月都會付5萬俾佢?!

最奇怪嘅係男生每個月都會固定俾5萬台幣(約港幣1萬3千)佢!而對方則解釋會俾超出工作範圍嘅薪水佢,全因害怕樓主會「跳槽」?!

最古怪嘅係男方每個月都會俾5萬台幣佢!Photo from 《那金花》

最終醒覺決定與對方「分手」

其後,二人因為一齊飲酒而發生親密關係,而樓主當下以為終於能夠成為對方女友時,男方又再次話「我喜歡你,但我們不能維持原樣就好了嗎?」之後佢哋一直維持咁樣嘅關係「越來越扭曲」,而樓主就將對方俾佢嘅錢全部儲起,截至現時為止已經有80萬台幣(約港幣20萬);而樓主亦醒覺決定同對方結束關係!

二人喺一次飲酒後發生親密關係?!Photo from 《不可抗拒的他?》

截至現時為止,樓主已經儲到80萬台幣!Photo from dcard討論區

網民直言:根本就係包養嘅概念!

唔少人睇完後都認為男方根本就係「包養」佢!有網民仲覺得樓主非常幸運「被喜歡的人包養很不錯啊」、「你完全不虧啊!在這個年代下 賺錢不易」等,認為能夠同鍾意嘅男仔一齊擁有過美好嘅時光,都已經係好好嘅回憶;亦有網民講笑咁話「繼續下去就一桶金了!」

唔少網民都直言認為女生被「sugar daddy」養緊?!Photo from dcard討論區

有網民認為樓主能夠被喜歡嘅人包養都算係非常幸運!Photo from 《社內相親》

令男網民慨嘆「有錢萬事足」

相反有網民亦唔太理解樓主當初會願意同男方發展「親密」關係嘅原因,批評現時嘅人感情觀扭曲「現在的人是怎麼了?!」仲令唔少男網民不禁感嘆「有錢就是好」,莫非真係有錢就能夠搵到女友?!

部份網民對樓主嘅感情觀有唔同嘅睇法?!Photo from dcard討論區

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

霸道男友要求約會一定要著裙,女友著一次裙就獲1千蚊!二人最終都分手收場,眼利網民發現背後原因?

19 Jun , 2022

每個人心中都有唔同嘅擇偶條件,希望另一半能夠身穿自己鍾意嘅服裝類型約會~最近一位女生大呻男友要求佢約會時一定要著裙,而佢拒絕順從;後來男友使用「奇招」強迫女生就範,卻導致分手收場!

台灣女生大呻被男友強迫約會一定要著裙,最終導致分手收場?!Photo from 《愛的逼降》

台女大呻男友要求約會一定要著裙?!

情侶之間難免會發生爭吵,必須花時間了解彼此渡過磨合期。日前,一位女生喺FB公開群組大吐苦水,表示喺5月20日當日與男友約會,打算享受愉快嘅拍拖日,但出門前男友卻要求佢穿上送俾佢嘅裙!

台灣女生大呻男友要求佢約會時著裙,令佢飽受困擾!Photo from 匿名公社FB

男友使出絕招哄女友!

樓主解釋自己本身並唔鍾意著裙,因為覺得「下半身空空的,很沒有安全感」;其後男友就勸佢著及膝長裙,並且強調「我在很安全。」後來,佢都係拒絕著裙嘅要求,而男友就使出「絕招」話「你穿洋裝出門給我看,一次我給你一千台幣(約港幣$264)」,不過樓主最終都選擇著褲去約會!

男友仲話願意俾錢女友著裙?!Photo from 匿名公社FB

最後,樓主都係選擇著褲約會!Photo from 《W兩個世界》劇照

樓主堅決拒絕為男友改變穿衣風格!

樓主表示約會期間,男友再次表達不滿,而佢就回覆「要怎麼穿是我的自由」,就不以為意咁繼續約會。直到二人約會結束各自回家,男友再次傳訊息俾佢「你都不願意穿洋裝給我看」,認為女友嘅氣質非常適合著裙,似乎感到十分失望;而樓主亦坦承「我就不喜歡穿洋裝...」,態度堅決!

男友回家後再一次傳訊息表達失望之情!Photo from 匿名公社FB

男友似乎非常難過,喺約會之後再次向樓主傳訊息!Photo from 《大叔的愛》劇照

男友提分手:「我有的是錢,是你不珍惜!」

最後,男友居然因此提出分手,認為自己只會選擇肯著裙嘅女仔做女友,仲話「穿一次我就給一千,我有的是錢,是你不珍惜。」樓主對此感到非常驚訝,但就認為唔會為咗男友而改變自己嘅穿衣風格,覺得男友並唔愛佢,警惕大家小心遇到同類型嘅男仔!

男友最終主動提出分手,認為一定要搵肯著裙嘅女友!Photo from 匿名公社FB

男友仲非常串咁話係樓主唔識珍惜!Photo from 《夫妻的世界》劇照

網民大讚樓主夠堅決!

唔少網民都認為樓主有主見,認為唔輕易為男友改變自己嘅習慣係正確嘅態度;亦有網民認為男友嘅心態好有問題,猜測佢應該係控制欲比較強嘅男生,大讚樓主可以「盡快脫離苦海」!

有網民就大讚樓主有骨氣,認為分手係正確嘅決定!Photo from 匿名公社FB

部份網民突破盲點,找出二人分手真正原因!

不過部份網民就突破盲點睇出二人分手嘅真正原因,「為什麼我看到重點是他想穿....」、「這麼喜歡 他應該會在家穿裙子吧!」等留言,認為呢位男友對裙嘅愛並唔簡單~

網民突破盲點發現二人分手嘅背後原因!Photo from 匿名公社FB

網民認為男友好有可能會喺屋企著裙?!Photo from 《kill me heal me》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel