柳俊江前妻首度發聲公開離婚原因!字裡行間透露對前夫不滿?!曾被指偷食導致婚變?

柳俊江前妻首度發聲公開離婚原因!字裡行間透露對前夫不滿?!曾被指偷食導致婚變?

娛樂新聞
By Stephanie on 03 Aug 2022
Digital Content Writer

前大台新聞主播柳俊江2020年與妻子雷康怡(Florence)離婚,當時有唔少傳聞都直指女方偷食,導致二人感情決裂。事隔將近2年,前妻Florence首度發聲喺網誌中交代自己嘅近況,字裡行間似乎有所暗示,疑似暗示前夫「博同情又繼續覓食」等?!

柳俊江前妻首度發聲,字裡行間卻透露對前夫嘅不滿?!Photo from 柳俊江IG

柳俊江與前妻大學時期開始交往

前新聞主播柳俊江與妻子雷康怡(Florence)喺2010年結婚,育有一子一女,不時於社交媒體上載溫馨家庭照。據悉二人喺大學時期開始拍拖,當時男方對女方一見鍾情,繼而展開追求。喺拍拖嘅第7年,柳俊江喺內地採訪但差啲遭遇意外,令佢深深明白活在當下嘅道理,返港後立刻向對方求婚。

柳俊江與妻子雷康怡喺2010年結婚,二人早於大學時期就開始拍拖Photo from Florence IG

二人婚後育有一子一女,經常大晒溫馨家庭樂~Photo from 柳俊江IG

2020年9月柳俊江與妻子男性友人爭吵

喺2020年9月,柳俊江卻被爆與妻子嘅25歲男性友人喺餐廳發生爭執,而佢亦因此需要守行為一年。雖然柳俊江事後喺FB發文力證與妻子感情不變,但有傳當時佢哋已經分居。同年10月,柳俊江喺個人賬戶寫上「為另一個人而活,整整十七年,南柯一夢。往後,好為自己而活。」疑似發表離婚宣言,並刪除與妻子過往嘅甜蜜合照。

2020年9月,柳俊江被爆與妻子嘅男性友人發生爭執,二人疑似婚變?!Photo from 柳俊江IG

事後柳俊江曾發文解釋與妻子關係依舊,但當時已經盛傳二人分居嘅傳聞Photo from 柳俊江FB

前妻雷康怡離婚後首度發聲!

身為圈外人嘅雷康怡自離婚後一直都冇提及過往嘅婚姻,最近佢卻罕有地喺網址中透露近況,字裡行間卻似乎有各種暗示,引起網民關注!第一段佢就已經寫到「無病呻吟的說話我不懂說,亦不懂像別人大做文章,含沙射影塑造自己成新一代王傑『可以笑的話不會哭』博同情又繼續覓食。兩年來我一句都沒有說,大前提是我不想影響孩子生活。」矛頭疑似指向前夫?!

柳俊江前妻雷康怡事隔兩年首度發聲!Photo from 柳俊江IG

當中有唔少話語都似乎係講緊前夫柳俊江?!Photo from 柳俊江IG

坦承離婚原因?!

其後Florence解釋當初離婚嘅原因「我承認各自各都有不足的問題,價值觀不同亦很難繼續相處下去」儘管二人已經認識長達十幾年嘅時間,但感情似乎都未能敵過時間嘅考驗「一對有名無實的夫妻,對我來說,惹來再多艷羨的目光,亦無意義

坦承二人離婚全因價值觀不同Photo from 柳俊江IG

現時與子女同住,兼顧家庭及事業

佢表示過往因為家庭問題而導致事業停滯不前,現時一對子女都同佢一齊住「一對仔女就是我最愛的家人,今後無論我去到哪裡,他們兩個都要跟著我,好好一起生活」而佢亦提及自己現時喺屋企附近開店,希望能夠同時兼顧家庭及事業。

Florence表示現時與一對子女一起住,並且喺屋企附近開店Photo from 柳俊江IG

疑似透露有新戀情

而且Florence仲疑似透露已有新戀情「我都想向關心我的朋友正式交代一下,是的,我已正式離婚了」、「上天對我從來都不差,有兩個聰明乖巧又懂事的孩子陪我玩、有愛錫我的母親幫忙照顧我的孩子、又有個一直愛著我的人告訴我我是值得被愛的。」睇得出佢應該已走出離婚陰霾!

而佢亦疑似透露有新戀情!Photo from Florence IG

柳俊江上年10月公開戀情

另一方面,柳俊江喺上年10月公開新戀情,女方為香港女子跳高運動員楊文蔚嘅經理人Grace!現時二人經常都會喺IG放閃,而唔少網民從佢哋上載嘅照片推測佢哋好大機會同居緊。

上年10月柳俊江公開與「跳高女神」楊文蔚經理人Grace拍拖嘅消息!Photo from 柳俊江IG

二人經常放閃,有傳佢哋宜家同居中!Photo from 柳俊江IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

柳俊江離婚1年曬新歡合照!Grace被指係年輕10年「跳高女神」楊文蔚經理人

廣告
廣告

18 Oct , 2021

無綫新聞主播柳俊江去年9月涉嫌與太太雷康怡嘅男友人打鬥被捕,當時佢被指與太太分居,其後柳在FB暗示自己同太太已離婚。日前,柳在IG公開同新歡合照,有指新歡係香港女子跳高運動員兼模特兒楊文蔚嘅經理人Grace。

柳俊江日前在IG曬新歡合照Photo from 柳俊江 IG

柳俊江曾與前妻25歲男友人發生爭執

現年40歲,前TVB新聞主播柳俊江於上年9月,涉及一宗公眾地方打鬥案被捕,而另一涉案人則為前妻雷康怡(Florence)之25歲男友人。有報道指,當時雷康怡及其男友人在觀塘一間茶室用餐,柳衝入發生爭執及肢體碰撞。

柳俊江去年與前妻男友人有衝突Photo from 柳俊江 IG

事後,柳俊江在網上發文指事件屬一場誤會,並為自己行為致歉,又強調雷康怡是好太太、好媽媽,一切問題出於自己誤解以及毫無理據嘅衝動,佢喺帖文最後指會全心全意愛自己家人及如常生活。

柳俊江曾發聲明致歉Photo from 柳俊江 FB

柳俊江和太太雷康怡大學時期已開始交往,拍拖7年後結婚,育有一對子女,分別為2014年出世嘅女兒Bella,同2016年出世嘅仔仔Winston。

柳俊江於前妻雷康怡育有一對仔女Photo from 柳俊江 IG

事後柳俊江發出上述聲明,但當事人之一嘅前妻雷康怡當時未有表態回應,卻曾於IG上載一張與另一名男友人嘅慶生照,男方為樂隊「WMLive」一名樂手。對此,女方當時被部分網民批評做法不當。

雷康怡事發後曾po出與另一男友人合照Photo from 雷康怡 IG

柳俊江前妻富音樂才華,亦係自家音樂品牌創辦人

雷康怡除咗係柳俊江前妻,亦係一名音樂人,佢畢業於浸會大學音樂及藝術系,主修長笛及鋼琴,後來學習豎琴,更於兩年內考獲英國皇家音樂學院(ABRSM)八級。雷康怡亦喺2017年設立了自家音樂品牌,曾創下半小時售完100隻小豎琴紀錄,品牌同時有售自家製作嘅琴譜等網上教材。

雷康怡音樂才華好高Photo from 雷康怡 IG

柳俊江與太太結束10年婚姻

不過,柳之後被指與太太鬧婚變分居,其後更刪除與雷康怡嘅合照,10月在FB發表離婚宣言,默認同太太結束10年婚姻關係。

柳俊江於前妻雷康怡育有一對仔女Photo from 柳俊江 IG

柳俊江上載新歡合照

事隔一年,柳俊江上月於IG限時動態發佈與一名女子做出約定手勢嘅相片,又在帖文引用劇集《紙房子》對白,被網民指佢暗示自己再次遇上真愛。

柳俊江上月發文暗示有第二春Photo from 柳俊江 FB

日前,柳俊江在IG限時動態分享一張同新歡合照,並加上拉丁語「Carpe Diem」貼圖,意指「及時行樂」。

柳俊江日前在IG曬出與新歡合照,並寫上拉丁語嘅「及時行樂」Photo from 柳俊江 IG

有指柳俊江與新歡已交往數月及同居

有網民及報道指出,柳俊江新女友其實係香港女子跳高運動員兼模特兒楊文蔚嘅經理人Grace,而且起碼比柳俊江年輕十年。

有網民翻出柳俊江新歡嘅IG戶口Photo from Grace Mak IG

有網民指Grace於今年7月開生日派對,柳俊江已陪伴在側,並至少交往了三個月,亦有網民猜測柳與女友是因跑步而認識,又指二人家居照中有相同物品,故可能已發展至同居關係。

有網民指,數月前柳爺已同新歡一起參加派對Photo from 連登討論區

有網民聲稱知道柳俊江新歡比佢年輕起碼十年Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel