COLLAR成首個復工團體?傳上商台宣傳新歌,So Ching都有份?!

COLLAR成首個復工團體?傳上商台宣傳新歌,So Ching都有份?!

娛樂新聞
By Jennifer on 03 Aug 2022
Digital Editor

MIRROR演唱會意外後,12位成員以及Makerville旗下嘅團體都暫時停工。其中阿Mo女友So Ching(蘇芷晴)所屬女團COLLAR則取消訪問,但最近有消息傳出COLLAR即將再上商台,或會成為首個復工團體。

MIRROR演唱會意外後,12位成員以及Makerville旗下嘅團體都暫時停工。Photo from Makerville IG

Makerville旗下藝人暫時停工

MIRROR首個紅館演唱會本來係全城熱話,但發生事故後令主辦單位備受壓力。Makerville旗下藝人亦保持沉默,被指不能發聲,連工作行程都受到影響,MIRROR成員相信係最大打擊,有傳MIRROR原定將於8月出席日本SUMMER SONIC音樂節,但因此事而辭演。

有傳MIRROR原定將於8月出席日本SUMMER SONIC音樂節,但因演唱會意外而辭演。Photo from Makerville IG

沉默數天後,MIRROR隊長Lokman首度發聲,於IG出全黑圖:「我哋會互相照顧,大家唔駛擔心我哋。呢一刻,希望大家集氣,祝願阿Mo,阿峯,Zisac 早日康復。好多謝好多人幫緊我地,公司上上下下、娛樂圈前輩同伴、熟悉嘅唔熟悉嘅,都盡佢哋嘅努力,都同我哋一齊。我哋自己都會睇住自已,唔使擔心。俾傷者同佢哋嘅屋企人時間同空間。祝福。」MIRROR其他11位成員亦有share隊長嘅IG post。

沉默數天後,MIRROR隊長Lokman首度發聲Photo from Lokman IG

COLLAR新歌宣傳活動暫停

MIRROR未來行程仍未明朗,暫時未知復工日期。另一方面,Makerville旗下女團COLLAR本來於7月15日推出第四首團歌《OFF/ON》,正值宣傳新歌時期,安排咗唔同嘅活動、訪問,但因為成員So Ching係其中一位傷者阿Mo嘅女朋友,佢嘅動向同樣備受關注。

Makerville旗下女團COLLAR本來於7月15日推出第四首團歌《OFF/ON》Photo from COLLAR IG

成員So Ching係其中一位傷者阿Mo嘅女朋友Photo from So Ching IG

喺事件發生後COLLAR官方IG就公佈將取消7月29日所有訪問同活動,復工無期,而So Ching嘅個人活動亦相信需要延遲。

事件發生後COLLAR官方IG就公佈將取消7月29日所有訪問同活動Photo from COLLAR IG

So Ching嘅個人活動相信需要延遲。Photo from So Ching IG

傳COLLAR將上商台903受訪

不過喺COLLAR fans group以及連登討論區都有消息指COLLAR會上商台903接受訪問,而出席嘅成員或有So Ching份!雖然消息未經官方證實,但已引起fans熱議。唔少網民都表示比想像中更快復工,又指可能會被追問有關事件。

連登討論區都有消息指COLLAR會上商台903接受訪問Photo from LIHKG

唔少網民都表示比想像中更快復工,又指可能會被追問有關事件。Photo from LIHKG

亦有人認為停工一直只係傳聞,官方從來都無公開宣佈過,又指COLLAR只有So Ching係受最大影響,即使上903做宣傳,COLLAR 8位成員都唔使全部去晒,So Ching好有可能唔會出席新歌宣傳嘅採訪活動。

網民指COLLAR只有So Ching係受最大影響,即使上903做宣傳,COLLAR 8位成員都唔使全部去晒,So Ching好有可能唔會出席新歌宣傳嘅採訪活動。Photo from COLLAR IG

So Ching以行動表明心跡

其實事件發生後So Ching一直未有公開發聲,僅將IG置頂post設成與男友阿Mo嘅合照同跳舞影片,又喺簡介中加入男友IG,表明心跡。連日嚟So Ching雖然未有再現身醫院,但有人影到COLLAR助手,阿MO爸爸亦指有女友陪伴喺阿Mo身邊,成為佢極大嘅支持。

事件發生後So Ching一直未有公開發聲,僅將IG置頂post設成與男友阿Mo嘅合照同跳舞影片,又喺簡介中加入男友IG,表明心跡。Photo from So Ching IG

阿MO爸爸亦指有女友陪伴喺阿Mo身邊,成為佢極大嘅支持。Photo from So Ching IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

MIRROR演唱會︳受傷舞蹈員阿Mo與女友So Ching感情超好!幫手伴舞/送手寫信

29 Jul 2022

MIRROR演唱會大螢幕倒下,壓到台上嘅Dancer,其中一位受傷舞蹈員Mo(李啟言)需留醫深切治療部,唔少網民為佢哋集氣。阿MO係COLLAR成員So Ching(蘇芷晴)男友,兩人一直不避嫌大方認愛,阿MO更係超錫女朋友!

MIRROR演唱會大螢幕倒下,壓到台上嘅Dancer,其中一位受傷舞蹈員Mo(李啟言)需留醫深切治療部Photo from 阿MO IG

事件發生後,So Ching亦有去醫院探望男友,兩人嘅IG都獲大批網民留言為佢哋打氣。阿MO有豐富嘅舞台經驗,更多次參與Anson Lo嘅伴舞工作。

事件發生後,So Ching亦有去醫院探望男友Photo from So Ching IG

阿MO有豐富嘅舞台經驗,更多次參與Anson Lo嘅伴舞工作。Photo from 阿MO IG

阿MO曾參加《全民造星》第一季,多次與Anson Lo合作

阿MO同教主喺大學時期已經相識,兩人都對舞蹈好有熱誠,佢哋都有報名參加《全民造星》第一季,雖然阿MO喺55強就被淘汰,但佢之後仍繼續舞蹈事業,更成為MIRROR御用Dancer,又同教主多次合作,佢哋關係要好,喺阿MO嘅IG有唔少合照。

阿MO有報名參加《全民造星》第一季,雖然阿MO喺55強就被淘汰,但佢之後仍繼續舞蹈事業Photo from ViuTV

阿MO係MIRROR御用DancerPhoto from 阿MO IG

阿MO大讚Anson Lo:「這個男人!會唔會太叻仔😭響我眼中佢一直以來都好清楚自己想要嘅野成日有人問我佢係一個點既人,我通常都會答:超人」指教主次次拍mv幾十個鐘唔食嘢但仲跳得大力過佢哋。

阿MO大讚Anson LoPhoto from 阿MO IG

阿MO為女友So Ching排舞

除咗同MIRROR關係密切之外,同門嘅COLLAR亦與阿MO十分有淵源,成員So Ching與阿MO係戀人關係,即使So Ching以女團成員身份出道,兩人都不避嫌大方認愛。So Ching同阿MO都係舞蹈員,彼此都好了解大家工作,更會互相扶持。

So Ching與阿MO係戀人關係Photo from 阿MO IG

So Ching同阿MO都係舞蹈員,彼此都好了解大家工作,更會互相扶持。Photo from So Ching IG

So Ching參加《全民造星IV》阿MO都非常支持,第一輪個人對決中So Ching嘅長櫈獨舞就係由阿MO幫手編排,喺總決賽當日阿MO更為女友策劃成個solo表演、幫手排舞、揾衫襯衫,仲親自做埋伴舞,阿MO喺IG為女友打氣:「真心很喜歡她當晚的表現!最鍾愛從容不逼的態度,然後聲音真的超出預期地好聽,已被招粉」

So Ching參加《全民造星IV》阿MO都非常支持Photo from So Ching IG

總決賽當日阿MO更為女友策劃成個solo表演、幫手排舞、揾衫襯衫,仲親自做埋伴舞Photo from 阿MO IG

So Ching生日送手寫信,阿MO與女友打卡應援燈箱

So Ching 26歲生日,身為男友嘅阿MO當然有準備好禮物啦!除咗iPhone同家電之外,佢更貼心寫埋信,好sweet!而So Ching嘅fans亦好支持偶像嘅戀情,So Ching曾帶埋男友一齊去fans籌備嘅巴士站燈箱廣告打卡,兩人一同出現大影合照,感情非常穩定!

So Ching 26歲生日,身為男友嘅阿MO當然有準備好禮物啦!除咗iPhone同家電之外,佢更貼心寫埋信,好sweet!Photo from So Ching IG

So Ching曾帶埋男友一齊去fans籌備嘅巴士站燈箱廣告打卡Photo from So Ching IG

So Ching同阿MO感情非常穩定Photo from So Ching IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel