中國CHANEL廣告被內地網民狠批?!模特兒身份曝光後,態度立刻180度大變!

中國CHANEL廣告被內地網民狠批?!模特兒身份曝光後,態度立刻180度大變!

時事熱話 生活熱話
By Stephanie on 04 Aug 2022
Digital Content Writer

國際知名品牌CHANEL最近邀請咗唔同膚色嘅模特兒,為佢哋拍攝護膚品宣傳片。然而,品牌所選擇嘅亞洲模特兒卻被大量內地網民批評,質疑佢哋對亞洲人有刻板印象,隨即掀起一陣擺買潮!隨後,有網民發現模特兒嘅背景被曝光,令內地網民嘅態度180度大轉?!

近日,內地網民因為對CHANEL品牌選擇嘅模特兒而感到好憤怒?!Photo from 香奈兒CHANEL微博

法國品牌CHANEL為護膚品拍攝宣傳片

法國知名品牌CHANEL向來都深受唔少女士喜愛,而佢哋售賣嘅手袋、護膚品、化妝品等都係佢哋嘅主打商品。日前,品牌為山茶花保濕系列嘅護膚品拍攝一系列嘅宣傳片,並選擇咗白人、黑人、亞洲女士作為模特兒,希望能夠迎合唔同地區嘅市場。

法國品牌CHANEL為宣傳保濕產品而拍攝一系列嘅宣傳片!Photo from 香奈兒CHANEL微博

並邀請咗黑人女性、白人女性以及亞洲女生作為模特兒Photo from 香奈兒CHANEL微博

內地網民對亞洲模特兒人選感到不滿?!

不過,CHANEL所選擇嘅亞洲模特兒卻令內地網民感到十分不滿!事關網民認為該名亞裔模特兒擁有內雙眼皮、雙眼間距比較寬、鼻梁扁等,懷疑品牌對亞洲人嘅外表有刻板印象,並藉此批評亞洲人嘅長相?!該微博post嘅觀看率飆升逾20萬,遠遠拋離另外兩段宣傳片,而網民則留言「中國人不長這樣」、「又要挑戰中國人的底線」等。

然而,品牌選擇嘅亞洲模特兒卻引起內地網民嘅不滿?!Photo from 香奈兒CHANEL微博

 

大量內地網民都認為CHANEL係對亞洲人嘅樣貌有刻板印象!Photo from 香奈兒CHANEL微博

揚言要罷買CHANEL!

當中部份網民仲嬲到話要擺買CHANEL品牌嘅相關產品,並且要求品牌退出內地市場,似乎真係對今次嘅模特兒人選好有意見!

內地網民嘅熱烈反應,令呢段宣傳片嘅點擊率、讚好數目等遠遠拋離另外2段片段!Photo from 香奈兒CHANEL微博

部份網民仲嬲到要求CHANEL退出內地市場!Photo from 香奈兒CHANEL微博

模特兒真實身份曝光!

隨後,有網民喺留言區表示其實呢名亞洲模特兒並非中國人,而係韓國知名女模特兒Bomi Youn!24歲嘅Bomi Youn活躍於國際時裝圈,2018年時為Chloé、Fendi、Dior品牌擔任時裝秀model,仲曾經被選為英國《ELLE》雜誌新崛起的嘅7 大模特兒之一。佢憑獨特及具有辨識度嘅樣貌成為國際品牌嘅寵兒,IG追蹤人數多達1.8萬人;不過未知係咪受內地網民影響,暫時佢嘅IG已經轉為私人帳號。

事實上女生其實係24歲嘅韓國著名模特兒Bomi Youn 윤보미!Photo from Morph MGMT Model & Artist @ YouTube

曾為多個品牌時裝秀擔任模特兒,人氣非常高!Photo from Morph MGMT Model & Artist @ YouTube

暫時未知係咪受今次事件影響,佢嘅IG帳戶已轉為私人帳號Photo from bbbomiii_ IG

內地網民態度瞬間大轉!

而內地網民得知模特兒嘅國籍後,態度突然180度大變,仲開始嘲笑返批評CHANEL嘅網民「原來大家都這麼關心韓國人」、「韓國人都還沒激動呢」等;部份網民亦為女模特兒抱打不平,大讚對方樣貌自然獨特,絕對係做國際模特兒嘅好人選!

內地網民嘅態度即刻唔同晒!Photo from 香奈兒CHANEL微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

上海封城掀搶購潮,LV、Gucci等名牌送蔬菜禮盒上門予VIP客戶?

6 Apr , 2022

上海因疫情升溫宣佈封城,令唔少市民去超市搶購日用品以及食物。封城期間各區居民需分批接受核酸檢測,唔少人更特登悉心打扮出門。另外因為無法買餸、叫外賣,多間名牌都為VIP客戶準備點心禮盒或蔬果等原材料,以解客人燃眉之急。

上海因疫情升溫宣佈封城,令唔少市民去超市搶購日用品以及食物Photo from 微博

上海疫情嚴峻宣佈封城

上海新冠確診人數持續上升,需要封城。區域內嘅住宅小區實施封閉管理,所有人足不出戶,人、車只進不出,交通停運,企業需封閉或居家辦公。消息一出即掀起「搶購潮」,有人更為買食物而爭執。

廣告
廣告

上海新冠確診人數持續上升,需要封城。區域內嘅住宅小區實施封閉管理,所有人足不出戶,人、車只進不出,交通停運,企業需封閉或居家辦公Photo from 微博

市民悉心打扮接受核酸檢測

而喺封城期間,市民需接受核酸檢測,唔少人都特登裝扮出門,引起網民熱議。喺微博流傳多張排隊檢測嘅相片,市民精心打扮猶如要出席fashion show。

微博流傳多張排隊檢測嘅相片,市民精心打扮猶如要出席fashion show。Photo from 微博

其中最突出嘅有男士扮成超人出門,另外有人披上《銀魂》「伊麗莎白」嘅外罩,睇落十分有趣。仲有小朋友扮成紙皮製成嘅粉紅色恐龍,呢啲「另類防護罩」令核酸檢測現場生色不少。

有男士裝扮成超人出門Photo from 微博

有人披上《銀魂》「伊麗莎白」嘅外罩Photo from 微博

有小朋友扮成紙皮製成嘅粉紅色恐龍Photo from 微博

名牌店為VIP送上蔬果、點心禮盒

不過因為封城,多地民眾無法出門買餸,有網友反映連外賣都叫唔到,隨時面臨物資不足嘅問題。有傳上海各大奢侈名牌店向客戶送上蔬果等禮盒,以解佢哋燃眉之急。

有傳上海各大奢侈名牌店向客戶送上蔬果等禮盒,以解佢哋燃眉之急。Photo from 微博

從流出嘅相片可見,Gucci、Cartier送贈嘅蔬菜有悉心包裝,並附上精美蝴蝶結作裝飾,十分高級。

Gucci蔬菜禮盒附上精美蝴蝶結作裝飾,十分高級。Photo from 微博

Cartier送贈嘅蔬菜有悉心包裝Photo from 微博

貼上品牌貼紙Photo from 微博

青瓜亦有緞帶包裝Photo from 微博

除咗食材外,仲有LV亦準備咗點心禮盒贈予客戶,每道菜餚賣相都非常精緻,仲有手寫卡片以示心意。甚至仲會問埋客人嘅口味以安排最好嘅菜色畀佢哋,相當貼心。

LV亦準備咗點心禮盒贈予客戶Photo from 微博

仲有手寫卡片以示心意Photo from 微博

仲會問埋客人嘅口味以安排最好嘅菜色畀佢哋,相當貼心。Photo from 微博

反映貧富差距,被網民狠批?

有網友認為封城反映貧富差距嚴重,不滿有人驚搶唔到食物要較鬧鐘,但名牌高級客戶卻享有專人提供嘅資源,批評啲VIP客戶喺網上炫耀:「有錢為甚麼不捐出來」,不過亦有人認為呢啲係正常嘅商業行為。

名牌高級客戶卻享有專人提供嘅資源Photo from 微博

內地網民批評啲VIP客戶喺網上炫耀:「有錢為甚麼不捐出來」,不過亦有人認為呢啲係正常嘅商業行為。Photo from 微博

Gucci中國官方客戶服務方面表示有關服務係真嘅。店員會收到上級提供嘅客戶名單,並逐一聯繫名單上嘅客戶,但呢項服務唔係以客戶嘅消費金額來劃分,而係為疫情較嚴重地區嘅客戶準備。

Gucci中國官方客戶服務方面表示有關服務係真嘅。店員會收到上級提供嘅客戶名單,並逐一聯繫名單上嘅客戶Photo from 微博

上海政府公開否認快遞、外賣暫停嘅消息,指會保障市民生活需求,但微博有唔少疑似上海居民卻表示快遞已經停咗近半個月。

微博有唔少疑似上海居民卻表示快遞已經停咗近半個月。Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel