王祖藍自爆已擬好遺囑,將所有房地產歸李亞男所擁有!過往盛傳身家過億?

王祖藍自爆已擬好遺囑,將所有房地產歸李亞男所擁有!過往盛傳身家過億?

電視電影 娛樂新聞
By Stephanie on 13 Sep 2022
Digital Content Writer

現職大台首席創意官兼藝人嘅王祖藍最近為節目《有個閨蜜叫祖藍》擔任主持人,最新一集佢就邀請到陳松伶做嘉賓。期間,二人大談同另一半嘅財政管理,王祖藍就自爆會將所有收入俾晒老婆李亞男,仲話已經為對方立好遺囑?!

王祖藍近日喺節目自爆會將收入俾晒老婆?仲話自己已經擬好遺囑?!Photo from 王祖藍IG

《有個閨蜜叫祖藍》邀請陳松伶做嘉賓

最新一集《有個閨蜜叫祖藍》邀請咗陳松伶做嘉賓,雖然二人一見面就好似一見如故咁,但原來一直以來都係保持住「網友」關係?!過往佢哋只係透過網絡聯繫,今次喺節目中喺第一次「實體見面」!

最新一集《有個閨蜜叫祖藍》邀請咗陳松伶做嘉賓Photo from 《有個閨蜜叫祖藍》

亦係王祖藍同陳松伶嘅第一次見面!Photo from 《有個閨蜜叫祖藍》

分享夫妻日常生活

二人大談同夫婦相處之道,而陳松伶就話自從同丈夫張鐸一齊之後先知道自己吵架咁叻;而王祖藍都話自己同老婆李亞男會因為睇法唔同而出現爭吵,例如:要求洗完澡先可以瞓喺床上。而陳松伶立刻超有同感,直指自己老公都鍾意唔洗頭,令王祖藍驚嘆「我老婆同你一定好好傾!」

王祖藍表示同老婆喺唔同嘅生活小事外會意見分歧Photo from 《有個閨蜜叫祖藍》

陳松伶抱怨自己老公都唔鍾意洗頭?!Photo from 《有個閨蜜叫祖藍》

王祖藍自爆會將夫妻檔的收入全歸李亞男!

其後,陳松伶仲「反客為主」主動詢問返王祖藍「你係咪將啲收入俾晒老婆啊?」,佢表示「我賺幾多錢老婆全部都知道晒嘅,但佢好好嘅,幾乎完全唔理錢嘅嘢」;而且兩夫婦之間有個小默契,當二人夫妻檔出席活動或拍廣告嘅收入都會俾晒老婆,因為知道女方平時出外工作嘅數量一定冇佢咁頻繁,果然係出名嘅「愛妻號」~

陳松伶反問王祖藍平時係咪會將所有收入俾晒老婆?Photo from 《有個閨蜜叫祖藍》

王祖藍表示老婆知道佢每個月嘅收入有幾多!Photo from 《有個閨蜜叫祖藍》

但當二人夫妻檔接job,收入就會全部俾老婆自己keep!Photo from 《有個閨蜜叫祖藍》

即睇更多人氣文章:

已擬好遺囑:將身家、房地產俾晒老婆!

而王祖藍再補充已經擬好遺囑,將所有身家、房地產等全歸老婆李亞男名下「即使我第時有咩冬瓜豆腐,佢(李亞男)都唔怕冇收入!」,令一旁嘅陳松伶都大讚佢超有責任心!而陳松伶則表示係老公負責管理佢嘅收入,笑言自己嘅數學非常差。

而王祖藍仲自爆已經擬好遺囑,會將身家及房地產俾晒老婆!Photo from 《有個閨蜜叫祖藍》

希望老婆喺佢離開後都可以繼續有收入!Photo from 《有個閨蜜叫祖藍》

過往曾被爆身家過億?!

上年年尾,有傳王祖藍自爆身家已經過億,而佢曾話自己早於2018年已經投身直播帶貨嘅行業,當時甚少港人參與,而佢最高紀錄就係一場直播中獲得逾6,000萬銷售額!其後礙於疫情及工作關係,佢就交俾陳嘉佳(細細粒)接手「睇中細細粒係人才,佢過往賣大閘蟹一場有350萬,牛扒都賣咗500萬!」

王祖藍表示早於2018年佢就嘗試直播帶貨,過往曾創下一場大賺6,000萬嘅佳績!Photo from 微博

細細粒(陳嘉佳)簽約到王祖藍嘅公司,近年開始喺抖音直播帶貨,主要sell食物居多Photo from 微博

香港物業多!曾送樓俾李亞男?

據悉,王祖藍手上持有嘅物業總值逾2億,2015年有傳佢以1.14億買下逸瓏灣頂層複式單位送俾老婆李亞男,其後再以夫妻名義以約3,700萬購買同屋苑低層連花園嘅單位!除咗疼愛老婆之外,王祖藍亦非常孝順,曾為妹妹及媽媽分別以約880萬及3,700萬為家人置業,令屋企人都能夠安居樂業。

盛傳王祖藍喺2015年購買逸瓏灣複式單位送俾老婆李亞男?!Photo from 李亞男IG

過往王祖藍都曾經為妹妹及媽媽喺香港買樓,非常孝順!Photo from 王祖藍IG

Text: HolidaySmart Editorial

廣告
廣告

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

王祖藍貼心為老婆李亞男提裙,慘被指似花童!夫婦真實身高差曝光

16 Aug , 2022

王祖藍2015年與李亞男結婚,婚後育有兩女,夫妻一直恩愛。近日王祖藍夫婦盛裝打扮出席內地「北京國際電影節​」,王祖藍更十分貼心為老婆李亞男提起禮服裙擺,但卻被內地網友笑言佢似新娘身邊嘅花童,成為熱話。

王祖藍2015年與李亞男結婚,婚後育有兩女,夫妻一直恩愛。Photo from 李亞男微博

王祖藍、李亞男結婚7年育有2個女兒

2014年王祖藍公開向李亞男求婚成功,兩人於翌年成婚,婚後育有Gabby同Hayley兩位女兒。王祖藍亦不時喺社交網站分享一家四口嘅照片,家庭幸福美滿。而李亞男一直都做「跟得夫人」,先係跟隨王祖藍北上工作,到王祖藍回港擔任「首席創意官」,李亞男亦一直陪伴在側。

2014年王祖藍公開向李亞男求婚成功,兩人於翌年成婚,婚後育有Gabby同Hayley兩位女兒。Photo from 李亞男微博

李亞男一直都做「跟得夫人」,先係跟隨王祖藍北上工作,到王祖藍回港擔任「首席創意官」,李亞男亦一直陪伴在側。Photo from 李亞男微博

出席內地「北京國際電影節」行紅地氈,王祖藍為李亞男提裙

雖然喺香港有好多工作,但王祖藍於內地亦參加唔少節目。近日佢同太太李亞男獲邀出席內地「北京國際電影節」,兩人以一身正裝出席活動,李亞男久違著上露肩禮服裙,即使係兩孩之母仍然keep得好好。

近日王祖藍同太太李亞男獲邀出席內地「北京國際電影節​」,兩人以一身正裝出席活動Photo from 李亞男微博

李亞男同丈夫王祖藍一向恩愛,兩人不時會喺微博互動「耍花槍」。北京國際電影節行紅地氈時,王祖藍不忘為老婆提起拖地嘅裙擺,以免李亞男踩到,十分貼心。

李亞男同丈夫王祖藍一向恩愛,兩人不時會喺微博互動「耍花槍」Photo from 王祖藍微博

李亞男著高跟鞋,王祖藍被指似花童

不過由於身穿禮服裙,李亞男亦有著到高踭鞋,於是佢同王祖藍嘅身高差更加明顯,有網民笑言王祖藍望落似婚禮上新娘旁邊嘅花童。事件更登上微博熱搜榜,「王祖藍給李亞男提裙好像花童」話題有唔少網民討論。

由於身穿禮服裙,李亞男亦有著到高踭鞋,於是佢同王祖藍嘅身高差更加明顯,有網民笑言王祖藍望落似婚禮上新娘旁邊嘅花童。Photo from 李亞男微博

「王祖藍給李亞男提裙好像花童」話題有唔少網民討論。Photo from 微博

大女身高遺傳李亞男?!

李亞男亦有喺微博post出兩人行紅地氈嘅相片:「你好,我的花童 @王祖藍」,王祖藍喺留言公開自己小時候嘅真實花童照回應:「當花童我可是專業的」有網友就指王祖藍可能將來係全家身高最矮嘅人,因為從李亞男公開嘅照片可見3歲嘅Gabby身高已經到媽媽嘅腰部位置,相信遺傳李亞男嘅身高基因,相信好快就會超越爸爸王祖藍。

李亞男亦有喺微博post出兩人行紅地氈嘅相片:「你好,我的花童 @王祖藍」Photo from 王祖藍微博

王祖藍喺留言公開自己小時候嘅真實花童照回應:「當花童我可是專業的」Photo from 李亞男微博

從李亞男公開嘅照片可見3歲嘅Gabby身高已經到媽媽嘅腰部位置Photo from 李亞男微博

王祖藍同李亞男身高差曝光

其實王祖藍同李亞男相戀時兩人嘅身高已經常成為話題,曾被稱為「最萌身高差」情侶。李亞男身高係175cm,喺女性當中都屬於比較高嘅,而王祖藍身高為162cm,兩人身高相差13cm,過往兩人都曾經以身高差開過玩笑。

王祖藍同李亞男相戀時兩人嘅身高已經常成為話題,曾被稱為「最萌身高差」情侶。Photo from 王祖藍微博

李亞男身高係175cm,喺女性當中都屬於比較高嘅,而王祖藍身高為162cm,兩人身高相差13cmPhoto from 李亞男微博

過往兩人都曾經以身高差開過玩笑。Photo from 王祖藍微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel