荃灣威威被網民大爆拖糧,暗示曾於生日會「受聘」扮粉絲?傳經理人已離職,一心重投豬肉檔懷抱!

荃灣威威被網民大爆拖糧,暗示曾於生日會「受聘」扮粉絲?傳經理人已離職,一心重投豬肉檔懷抱!

娛樂新聞
By Stephanie on 26 Sep 2022
Digital Content Writer

荃灣威威(劉宋威)自今年5月突然爆紅後,成功憑「俊俏」外型吸引大批女粉絲。然而「人氣如浮雲」,有指佢拍攝廣告後人氣急跌;而佢嘅IG帳號對上一次更新已經係8月15日,而佢近日都甚少喺幕前露面,令大家猜測佢係咪已經決定「隱退」?近日竟然有人留言向佢「追數」,指尚未收到出席生日會嘅薪水?!

日前,有網民喺威威IG留言指今年6月出席生日會嘅人工尚未收到?!Photo from 劉宋威IG

荃灣威威成功爆紅,投身娛樂圈

荃灣威威(劉宋威)爆紅後,曾爆出唔少「黑歷史」,但依然無阻佢踏入娛樂圈嘅心,成功獲得廣告商嘅青睞。其後,佢仲嘗試利用紋身冧「威威豬」(粉絲名稱),喺右手臂上紋咗可愛嘅小豬圖案答謝粉絲「代表威威豬對我嘅支持,你哋嘅留言同讚好我都收到晒!」

荃灣威威曾將「威威豬」紋於手臂,展現對粉絲嘅感謝之情!Photo from 「威威 劉宋威Samuel」YouTube

然而,喺上載完紋身片段後,威威就再冇更新過佢嘅社交媒體帳號!Photo from 劉宋威IG

突然「人間蒸發」,最後更新日期為8月15日!

隨住威威嘅「除罩」廣告登場後,人氣卻竟然不升反跌,仲有傳威威因此決定「隱退」?而佢嘅IG帳號及YouTube頻道嘅最後更新日期都係8月15日,而佢最大嘅粉絲專頁「荃灣鮮肉威威應援團」都同樣喺8月15日更新完後就冇晒消息?!

有指威威早前罕有「除罩」拍廣告呢後,人氣竟然開始下跌?Photo from Life Nutrition @YouTube

而威威嘅IG、YouTube以及粉絲專頁最後一次出post都係8月15日!Photo from 劉宋威IG

網民留言追討6月生日會薪水?!

近日,有網民喺威威嘅IG帳號下留言「上次你哋藝人生日會戈度公關公司仲未出糧。再問又吾覆,你哋公司可否正視一下,我哋真係有身水身汗去左會埸,實行左通告兩小時的工作,但現在追討無門」,疑似係想追討返威威辦生日會時嘅薪水,仲似乎暗示今年6月嘅威威盛大生日會粉絲人數似乎係「做枚」?!該網民強調威威嘅公司公關已讀不回,令佢投訴無門。

有網民近日喺威威嘅IG下留言,追討6月生日會嘅薪水?!Photo from 劉宋威IG

仲疑似暗示咗威威6月舉辦嘅生日會粉絲係「做枚」?!Photo from 劉宋威IG

即睇更多人氣文章:

網民建議報《東張西望》!

唔少網民都建議佢同《東張西望》講述事件,可能先有機會接觸到相關公司負責人;但部份網民都覺得佢嘅薪水似乎已經「凍過水」,仲有疑似有份出席生日會嘅網民留言「之前係威威生日會扮過fans,當時話有500蚊報酬,唔該快d磅水」,不停催促威威幫手!

「苦主」表示多次嘗試聯絡威威公司,但都被已讀不回!Photo from 劉宋威IG

有網民都疑似遇到同樣嘅情況?!Photo from 劉宋威IG

回顧生日會盛大情況!

翻睇返今年6月威威喺荃新天地舉辦生日會,當時過百名粉絲手持燈牌、海報等現身支持,完全同明星辦見面會嘅氣氛差唔多~喺活動中,威威親民咁同粉絲玩遊戲,切生日蛋糕等,最後同粉絲影大合照時,威威仲忍唔住感動落下男兒淚!

今年6月威威喺荃新天地舉辦生日會,過百粉絲到場為佢慶生~Photo from 荃灣鮮肉威威應援團FB

喺最後大合照嘅時候,威威忍唔住激動爆喊!Photo from 荃灣鮮肉威威應援團FB

有指經理人已經離職

有傳媒嘗試聯絡威威生日會嘅公關公司,但對方則表示對消息感到驚訝,強調佢哋只係負責「枱面嘢」,並唔清楚粉絲嗰邊嘅情況。據悉,威威嘅經理人「文哥」已經確定離職,睇怕網民可能真係要花啲時間先搵到負責人喇!

據悉威威嘅經理人已經離咗職!Photo from 「威威 劉宋威Samuel」YouTube

威威默默於豬肉檔工作,拒絕接受傳媒訪問!

近日,有網民指威威似乎一心決定回歸老本行,專心喺豬肉檔工作,發現佢努力工作嘅身影。早前曾有傳媒專門去店舖拜訪佢,不過佢就似乎想低調行事,默默開工拒絕接受訪問,一反常態!而佢嘅同事都好有愛地幫佢護航,指有任何事情就搵返威威嘅公司詢問。

近日有網民指見到威威喺豬肉檔默默工作,非常勤奮!Photo from 「除罩威威留餸區 2.0」FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

荃灣威威除罩拍廣告後星途黯淡?!已「消失」3個星期!連粉絲專頁都停止運營?

廣告
廣告

5 Sep , 2022

喺荃灣豬肉檔工作嘅威威(劉宋威)今年突然爆紅,並且仲成功出道拍埋廣告,一度引起熱話。不過自從佢「除罩」拍廣告之後人氣持續下降中,近日有網民發現佢嘅社交媒體及粉絲專頁都已經停止更新3個星期喇,令好多人都認為威威似乎星途黯淡?!

荃灣威威近日似乎人氣急跌,曝光率都低咗好多!Photo from 威威 劉宋威Samuel @YouTube

荃灣威威今年5月爆紅,正式出道!

荃灣威威(劉宋威)今年5月突然爆紅,事關佢嘅外型成功迷倒唔少師奶,引起熱議。人紅自然是非多!喺佢爆紅之際,網民亦大爆佢過往嘅「黑歷史」,指佢疑似做過古惑仔、傳銷等工作,而威威就爆喊咁話「點解有紋身就唔係好人?!」

今年5月威威突然於網絡爆紅,引起熱話!Photo from 威威IG

除罩拍廣告後 人氣急跌!

早前,威威首度「除罩」拍廣告,以真面目面對公眾成功再次引起話題;然而喺廣告出街之後,佢嘅人氣卻不停下滑?!而佢有份代言嘅密實袋仲因為送限量100張嘅「威威簽名閃卡」,遭大量網民批評「見到張卡搞到唔敢買」、「送豬肉仲好啦」等!喺Carousell交易網站中,仲有網民以$15出售金卡。

威威今年7月首度除口罩拍廣告,但之後卻人氣急跌?!Photo from Life Nutrition @YouTube

有網民仲喺網上以$15出售威威嘅限量閃卡!Photo from 連登討論區

嘗試靠粉絲紋身挽留人氣

雖然威威嘅星途似乎出現阻滯,但佢都花足心機去挽留「威威豬」(粉絲名稱)嘅心,甚至將粉絲們紋喺右邊手臂,冧爆咁話「代表威威豬對我嘅支持,你哋嘅留言同讚好我都收到晒!」

為挽留粉絲嘅心,威威專登將威威豬們紋喺身上Photo from 威威 劉宋威Samuel @YouTube

但去嘅呢個行動似乎未能贏取到網民嘅心?!Photo from 威威 劉宋威Samuel @YouTube

即睇更多人氣文章:

威威已停止更新社交媒體 3個星期!

近日,有網民發現威威似乎潛咗水,演藝工作嘅數量都比以前少咗好多。睇返威威嘅IG帳號,佢對上一次更新已經係8月15日宣傳YouTube嘅紋身影片,足足停止出post3個星期!同樣地佢嘅YouTube頻道最新影片係「紋威威豬」嘅影片,截至今日(5日)為止該影片嘅觀看人數有1.9萬。

威威最上一次出post係8月15日!Photo from 威威IG

而YouTube最新影片就係紋身片!Photo from 威威 劉宋威Samuel @YouTube

連粉絲專頁都靜晒!

威威潛水之餘,其實「威威豬」們都潛咗水?!威威擁有1.8萬粉絲follow嘅FB粉絲專頁「荃灣鮮肉威威應援團」近日都冇出post好耐,最古怪嘅就係佢哋對上一次出post嘅日期都係8月15日,當時有粉絲就以一句「相信威威,遇難愈強」俾鼓勵威威!

威威嘅FB粉絲群組近日都好似冇晒聲氣咁!Photo from 荃灣鮮肉威威應援團 FB

對上一個公開嘅post都係8月15日post嘅!Photo from 荃灣鮮肉威威應援團 @FB

有粉絲大爆同群組管理員有關?!

有威威豬曾於專頁留言詢問「群組靜咗好多」,有匿名嘅粉絲回應「管理員失蹤」,似乎係暗示管理員唔批post導致粉絲們無法喺群組中交流?!唔少網民就專登去「朝聖」粉絲專頁,笑言「打手未出糧,咁靜嘅」、「點解所有嘢都停晒嘅?退出了嗎?」等留言。

有「威威豬」表示專頁停止更新,好似係因為管理員唔批post?!Photo from 荃灣鮮肉威威應援團 FB

估唔到威威同「威威豬」們都唔出post!Photo from 威威IG

唔少網民都專程去拜訪威威嘅粉絲專頁Photo from 荃灣鮮肉威威應援團 FB

過往曾有粉絲被爆係集團高層?

其實過往有一位忠實嘅「威威豬」出席晒所有威威嘅公開活動,經常喺專頁內出post大晒與威威嘅合照等,但卻被爆疑似係集團嘅女高層,瞬間被大家懷疑扮粉絲幫手谷人氣。不過睇返專頁,呢位「粉絲」近期都甚少留言,未知係咪已經「脱粉」呢?!

過往有「威威豬」被爆係集團嘅女高層,疑似係扮粉絲幫威威谷人氣Photo from 威威IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel