星星的約定|播完第一集突然停播,阿Sa阿嬌疑違廣電新禁令?!

星星的約定|播完第一集突然停播,阿Sa阿嬌疑違廣電新禁令?!

娛樂新聞
By Jennifer on 26 Sep 2022
Digital Editor

乘風破浪3》衍生綜藝《星星的約定》延續節目熱度,王心凌蔡卓妍鍾欣潼、吳謹言、黃小蕾都有好高人氣,但節目僅播出一集即緊急停播,令網民極為不解,有指同廣電新禁令有關,阿Sa阿嬌同王心凌或成問題源頭?!

《乘風破浪3》衍生綜藝《星星的約定》Photo from 《星星的約定》

《乘風破浪3》衍生綜藝《星星的約定》突然停播

《乘風破浪3》成功帶挈出演嘅女星人氣急升,節目完結之後電視台再推出旅行綜藝《星星的約定》,由《乘風破浪》第三季總冠軍王心凌,以及人氣超勁嘅阿Sa阿嬌等人擔任常駐嘉賓,另外仲有唔少重量級飛行嘉賓例如視后佘詩曼、張衛健等參與。

旅行綜藝《星星的約定》,由《乘風破浪》第三季總冠軍王心凌,以及人氣超勁嘅阿Sa阿嬌等人擔任常駐嘉賓Photo from 《星星的約定》

節目播出第一期後反應非常熱烈,網上點擊率高,而且話題度都唔錯,好多《乘風破浪3》嘅觀眾都有追睇埋呢套綜藝。不過原定逢星期五播出嘅《星星的約定》喺播出當日突然宣佈停播!

節目播出第一期後反應非常熱烈,網上點擊率高,而且話題度都唔錯Photo from 《星星的約定》

好多《乘風破浪3》嘅觀眾都有追睇埋呢套綜藝Photo from 《星星的約定》

官方微博宣佈未有具體復播時間

節目官方微博表示:「因介質損壞,原定今天19:30播出的節目將推遲與大家見面」、「我們正在盡最大努力修復中,後續節目播出的具體時間將另行發佈」,但未有提及幾時重新播出,由於係新一集播出當日先嚟宣佈停播,引起唔少網友不滿:「騙我開會員但又不更新!」更有人指「介質損壞」呢個停播理由太牽強。

原定逢星期五播出嘅《星星的約定》喺播出當日突然宣佈停播Photo from 《星星的約定》微博

節目組未有提及幾時重新播出Photo from 《星星的約定》

停播引起觀眾不滿,有人指「介質損壞」呢個停播理由太牽強。Photo from 微博

全面「被消失」,網民猜測飛行嘉賓出事

《星星的約定》停播原因惹嚟好多猜測,有人認為應該係該集原本有份出演嘅飛行嘉賓出事,所以節目組要即時下架影片並將出事嘉賓剪走,自從李易峰事件後,內地經常傳出某藝人失德被官方封殺,因此今次節目停播亦出現呢個猜測。

《星星的約定》停播原因惹嚟好多猜測,有人認為應該係該集原本有份出演嘅飛行嘉賓出事Photo from 《星星的約定》

另外有網友發現不只節目暫時停播咁簡單,節目組仲將第二期嘅預告刪除,網上播放平台嘅首頁、電視台9月熱播綜藝名單、芒果TV追劇日曆中,本應為「皇牌節目」嘅《星星的約定》亦全部消失!

有網友發現不只暫時停播咁簡單,節目組仲將第二期嘅預告刪除Photo from 《星星的約定》

芒果TV追劇日曆中,本應為「皇牌節目」嘅《星星的約定》全部「被消失」?!Photo from 芒果TV

王心凌、阿Sa阿嬌疑違廣電總局新禁令?

近日有微博透露廣電疑似有新禁令,藝人陣容超過一半係非內地藝人嘅綜藝將禁止於電視上播出,節目5位常駐嘉賓中3位分別係嚟自台灣嘅王心凌、香港嘅阿Sa阿嬌,所以《星星的約定》疑似「違反」呢個新禁令而被下架。

近日有微博透露廣電疑似有新禁令,藝人陣容超過一半非內地藝人嘅綜藝將禁止於電視上播出Photo from 微博

嚟自台灣嘅王心凌Photo from 《星星的約定》

阿SaPhoto from 《星星的約定》

阿嬌Photo from 《星星的約定》

有網友提出《星星的約定》常駐嘉賓之一嘅王心凌近日飛返台灣之後就無再更新過微博,以往佢幾日都update至少一次,但現時佢嘅微博最新一個帖文仍然停留喺9月16日,令有關嘅傳聞越傳越似層層!

有網友提出《星星的約定》常駐嘉賓之一嘅王心凌近日飛返台灣之後就無再更新過微博Photo from 王心凌微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

Angelababy或要改名!內地編劇爆廣電新禁令,已有藝人出事

2 Sep 2022

近日內地編劇汪海林喺微博發文,指廣播電視總局將發佈新禁令,唔再允許藝人改外國名或疑似外國名嘅藝名,有名字為4個字嘅女星已率先宣佈改名,而新禁令直接影響嘅藝人更有Angelababy(楊穎)。

近日內地編劇汪海林喺微博發文,指廣播電視總局將發佈新禁令,唔再允許藝人改外國名或疑似外國名嘅藝名Photo from Angelababy微博

內地編劇爆廣電新禁令:禁用外國藝名

近年內地廣電連續發佈新嘅禁令,曾要求藝人0片酬出演節目、限薪令、限籍令等,對於娛樂圈嘅監察同管理都越嚟越嚴格。最近有指廣電總局又再有新嘅政策推出!

近年內地廣電連續發佈新嘅禁令,曾要求藝人0片酬出演節目、限薪令、限籍令等Photo from 微博

內地編劇汪海林係中國作家協會會員,作品有電視劇《鐵齒銅牙紀曉嵐3》、電影《說好不分手》等。佢喺微博發文稱:「廣電總局的要求,叫外文名或近似外文名的藝名,將不被允許。」

汪海林微博發文稱:「廣電總局的要求,叫外文名或近似外文名的藝名,將不被允許。」Photo from 汪海林微博

Angelababy或需改名

佢更點名提到Angelababy:「楊穎不能再署名angelababy」,Angelababy由出道初期就已用藝名,同黃曉明交往之後佢就北上返內地發展,參加綜藝節目《奔跑吧兄弟》爆紅後,佢一直都未有用返本名「楊穎」,依然以藝名「Angelababy」發展演藝事業。

Angelababy由出道初期就已用藝名,同黃曉明交往之後佢就北上返內地發展,參加綜藝節目《奔跑吧兄弟》爆紅後,佢一直都未有用返本名「楊穎」Photo from Angelababy微博

即睇更多人氣文章:

內地女星「辣目洋子」宣佈改名

若禁令屬實,佢的確係以英文作藝名嘅藝人中比較著名嘅一位,極有可能係首批改名藝人。不過喺佢之前已有4字女星率先宣佈改名。內地女星「辣目洋子」喺網上拍短片走紅後正式踏足影視圈,拍過唔少喜劇。

內地女星「辣目洋子」喺網上拍短片走紅後正式踏足影視圈,拍過唔少喜劇。Photo from 辣目洋子微博

辣目洋子突然於微博宣佈改回本名:「大家好,即日起,我將恢復本名李嘉琦。我媽說,一切還是本來的好,聽媽媽的話!」佢微博名亦改為「小辣李嘉琦」,佢微博fans都有超過1,000萬,因此佢宣佈改名即時掀起內地網民熱議。

辣目洋子突然於微博宣佈改回本名Photo from 辣目洋子微博

喺汪海林爆廣電新禁令後,網民相信佢必須放棄「辣目洋子」呢個仿日本名嘅藝名,改回中國名字,所以佢先會用返本名「李嘉琦」。

喺汪海林爆廣電新禁令後,網民相信佢必須放棄「辣目洋子」呢個仿日本名嘅藝名,改回中國名字Photo from 辣目洋子微博

韓團中國成員多數用中文名

其實內地娛樂圈有部分韓國團體嘅中國成員,喺韓國出道時都會改一個英文名,例如GOT7嘅「Jackson」;EXO嘅「Kris」、「Lay」、「Tao」;f(x)嘅「Victoria」;aespa嘅「Ningning」;WayV嘅「Winwin」、「Lucas」等。

其實內地娛樂圈有部分韓國團體中國籍成員,喺韓國出道時都會改一個英文名,例如EXO嘅「Kris」、「Lay」、「Tao」Photo from EXO

GOT7嘅「Jackson」Photo from Jackson微博

WayV嘅「Winwin」、「Lucas」Photo from 《奔跑吧》

但佢哋返內地發展時都會用返中文名:「Jackson」會叫返「王嘉爾」、「Victoria」叫「宋茜」、「Lucas」叫「黃旭熙」、「Kris」同「Lay」叫「吳亦凡」「張藝興」等。

佢哋返內地發展時都會用返中文名:「Lucas」名牌為「黃旭熙」、「Jackson」係「王嘉爾」、「Winwin」「董思成」,但楊穎則仍然用「Angelababy」Photo from 《奔跑吧》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel