退選佳麗江婉穎大爆港姐比賽內幕，指評審著重參賽者廣東話水平！認為媒體詢問「鄉下」不恰當？
《2022香港小姐競選》已經完滿結束，而今屆亦特別多來自內地嘅佳麗參選，而佢哋「半鹹淡」嘅廣東話屢成熱話。近日，喺上屆退選港姐嘅江婉穎拍片大爆選港姐嘅內幕，仲話參選期間有「嚴格」嘅合約條款，被要求即可打電話同原先嘅公司解約等，令唔少佳麗都好煩惱！
Photo from 江婉穎IG
今屆佳麗廣東話水平引熱議
今屆嘅《香港小姐競選》有唔少來自內地嘅佳麗參加，喺答問環節中，佢哋都以「半鹹淡」嘅廣東話去作答，後來仲需要靠主持人森美幫手翻譯先理解到評判嘅問題。當中被稱為「女版曾彼特」嘅徐麟足足叫主持重覆咗條問題3次，最後仲詢問「可不可以用國語再說一遍」，令台下評判都忍唔住笑咗出聲！
Photo from 《2022香港小姐競選》
Photo from 《2022香港小姐競選》
上屆退選佳麗拍片大爆港姐面試經過
近日，喺上屆港姐競選中退選嘅江婉穎（Wynn）就拍片分享參選嘅經過，佢坦承「其實選港姐真的沒有想象中那麼難！」，指自己只係搵咗身邊嘅朋友做提名人就可以～而佢抵達參賽現場後，所有佳麗都立刻換上泳裝「在評委那邊晃了一圈」，仲話佢當年嘅評委有曾志偉及其他大台高層。
Photo from 江婉穎 小紅書
Photo from 江婉穎 小紅書
會審視廣東話水平：若果不能溝通將會被篩選下去
喺著完泳裝面試之後，佳麗們都會著返普通嘅便服回應評委們嘅問題。而來自廣州嘅江婉穎就話因為自己從內地來港，所以一般都會被問到「什麼時候來香港？」、「為何選擇來香港？」等嘅問題，並藉此審視佳麗們嘅談吐舉止以及廣東話水平，但就話「若果廣東話水平未能溝通，都會被篩選下去。」
Photo from 江婉穎IG
Photo from 江婉穎 小紅書
即睇更多人氣文章：
認為香港媒體超「苛刻」？！
經過重重嘅試驗後，佳麗們就需要公開露面，並回答媒體詢問嘅問題。但江婉穎就覺得「部份香港媒體真的是so mean！」，表示當時其中一位佳麗講廣東話有口音，隨即被詢問「你是那個鄉下來的？」認為呢條問題似乎唔太恰當？！
Photo from 江婉穎 小紅書
Photo from 江婉穎 小紅書
Photo from 江婉穎 小紅書
自爆退選原因！
江婉穎亦重提上年喺參加完複賽後，就直接選擇退賽；佢自稱評委們對佢評價幾好，但就覺得大會嘅審美理念同自己太唔同！佢表示有一名佳麗樣貌漂亮但身材並唔算太苗條，就立刻被評審當面要求減肥，仲揚言「做不到就不要來了」，令佢覺得大受衝擊。
Photo from 江婉穎 小紅書
Photo from 江婉穎 小紅書
佳麗需簽訂「霸王條款」？
而江婉穎大爆另一個退賽原因係關於電視台嘅「霸王條款」，表示所有佳麗都被要求「0合約、0簽約」！但由於好多佳麗本身都係KOL，本身可能已經有其他合作關係，令佢哋非常難做。而節目組仲要求佢哋立刻打電話俾同原本嘅公司解約，先可以真正開始加入選美比賽。
Photo from 江婉穎 小紅書
Photo from 江婉穎 小紅書
Photo from 江婉穎 小紅書
今屆參加朋友大爆規則唔同咗？
解約後，佳麗們就必須立刻同電視台簽約，而且合約期限都非常長。不過江婉穎知道大台嘅底薪本身並唔高，認為同自己唔太合適之後就決定退出比賽！而今年佢就提名推薦另一位朋友參賽，根據朋友口述聽聞今屆嘅準則並冇之前咁「嚴格」，而佢就猜測可能同比賽關注度下降以及內地參賽者增加嘅原因有關。
Photo from 江婉穎 小紅書
Photo from 江婉穎 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
香港小姐2022｜林鈺洧奪冠軍被指談吐失禮，狂寸爸爸林俊賢！過往曾談情史
26 Sep , 2022
《2022香港小姐競選》完滿結束，星二代林鈺洧奪得冠軍，大熱許子萱、梁超怡分別獲亞季軍。不過賽後有唔少網友就指冠軍林鈺洧言談欠得體，寸爸爸林俊賢更被指失禮！佢曾經上過ViuTV節目，更大方分享情史！
Photo from 《2022香港小姐競選》
林俊賢女兒林鈺洧奪港姐冠軍
林俊賢女兒林鈺洧奪得港姐冠軍，賽後佢接受訪問時就隔空同爸爸林俊賢對話，不過就被指談吐不夠得體！其實喺宣佈佢奪冠一刻，佢都十分難以置信，既無驚喜，亦無感動，面容呆滯，叻哥仲稱：「你唔信你攞冠軍呀？係你呀！」
Photo from 《2022香港小姐競選》
上屆冠軍為林鈺洧加冕後，佢繞場一周並與亞軍許子萱、季軍梁超怡合影。作為冠亞季軍，佢哋得獎後獲安排按受訪問，其中攞到冠軍嘅林鈺洧被問到有無嘢想同爸爸講，林鈺洧嘅回應掀起熱議。
Photo from 《2022香港小姐競選》
Photo from 《2022香港小姐競選》
林俊賢唔支持參選，林鈺洧贏港姐即寸爆爸爸
林鈺洧係林俊賢與第一任前妻所生之女，不過由於父母離婚，林鈺洧從小就跟媽媽生活，與親生父親林俊賢無乜聯絡，近年兩人先相認。林鈺洧透露爸爸林俊賢並唔支持佢參選香港小姐，更叫佢「唔好玩啦！」然而佢最後成功奪冠，為此佢更「寸」爸爸：「你睇下！依家我攞冠軍喇！多謝！」
Photo from 林俊賢微博
Photo from 《2022香港小姐競選》
有網民表示林鈺洧嘅談吐唔夠大方，指佢作為港姐冠軍：「講嘢又粗魯表情又奇怪，勁冇儀態」、「談吐完全唔似冠軍」、「冠軍好唔得大體」
Photo from HolidaySmart
Photo from HolidaySmart
Photo from HolidaySmart
Photo from HolidaySmart
《對號入座》林鈺洧大方分享情史
林鈺洧參選港姐之前曾改藝名為林卓錡，2016年做出道模特兒，仲上過ViuTV《對號入座》、《鬼同妳上位》，又出演過電視劇《太平紋身店》、《詭探前傳》。喺節目《對號入座》中林鈺洧大方分享情史！
Photo from 《詭探前傳》
佢自爆曾有5個伴侶！仲試過同一名雙魚座伴侶一齊，對方十分不持久，僅堅持到0秒或3秒。之後林鈺洧又稱同過一名天蠍座伴侶，大讚對方靚仔又高大，夠持久不特止仲識得好多唔同招式，佢直言同天蠍座男仔發生親密關係，需要有好好嘅體力，因為對方會將女伴翻來覆去，林鈺洧分享經驗稱：「好暈，流晒汗！」
Photo from 林鈺洧IG
Photo from 《對號入座》
現年26歲嘅林鈺洧身材超火辣，佢亦不吝嗇喺IG大晒fit爆身材，不過當選港姐冠軍後相信佢嘅言談會內斂返唔少，因為之前師姐馮盈盈曾經都講過好多出位言論而被狠批。
Photo from 林鈺洧IG
Photo from 林鈺洧IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
