口罩小姐冠軍西童出國參加打碟演出!被眼利網民發現與「大叔」同遊?男子身份曝光!

口罩小姐冠軍西童出國參加打碟演出!被眼利網民發現與「大叔」同遊?男子身份曝光!

娛樂新聞
By Stephanie on 03 Oct 2022
Digital Content Writer

KOL西童(梁茜童)榮獲ViuTV「尾二一屆口罩小姐」冠軍,但本身就係DJ嘅佢近日就似乎出國去參加演出,仲追星成功同偶像DJ Soda合照。而佢亦興奮地喺IG上載外遊照片,其中一條影片就無意中影到身後有中年男子陪伴在旁,令網民都非常好奇佢哋之間嘅關係!

近日西童獲邀出國出席打碟演出,但被眼裡利嘅網民發現係同「中年男子」一齊去?!Photo from 西童IG

「尾二一屆口罩小姐」冠軍得主西童

KOL西童(梁茜童)本身係一名網店店主,仲係一名打碟DJ,過往曾因為豐滿身材而引起網民關注。而佢今年參加ViuTV選美真人騷《尾二一屆口罩小姐》爆冷獲得冠軍,佢賽後接受媒體訪問時直言從未想過會奪冠,而佢嘅外貌亦因此飽受網民批評。

西童事後表示自己從來冇諗過會攞獎!Photo from 《尾二一屆口罩小姐選舉》

而佢獲獎之後就不停被網民批評,有網民認為節目有「造馬」嫌疑?!Photo from 西童IG

暫時未有與ViuTV簽約!

喺西童奪冠後,唔少網民都猜測佢會即刻簽約成為電視台旗下藝人,備受力捧。不過佢曾透露自己並冇諗住要童ViuTV簽約,當初參加口罩小姐只係為咗喺幕前向大眾展示唔同嘅樣貌,即使贏咗比賽後都會回歸原先嘅DJ工作!而我哋查看Makerville官網時都並冇發現西童嘅身影,睇嚟佢真係全心全意繼續做DJ喇~

而佢就話並冇諗住同ViuTV簽約Photo from 西童IG

暫時喺Makerville嘅女藝人名單都並未有西童嘅名字Photo from Makerville官網

出國演出見到偶像DJ Soda!

近日,西童就獲邀遠赴新加坡參與打碟演出,仲俾佢見到韓國知名嘅DJ Soda,令佢直呼「大家都以為我泥(嚟)新加坡打碟,錯了我係專登泥同Soda食飯!好開心呀嗚嗚係偶像💖💖💖」

西童飛往新加坡出席演出時,仲見到偶像DJ Soda!Photo from 西童IG

二人仲一齊拍片跳舞~Photo from 西童IG

即睇更多人氣文章:

廣告
廣告

被發現有中年男子陪伴出trip?

西童喺參加完新加坡嘅演出後就飛咗去馬來西亞,似乎仲有演出呢~而佢亦興奮喺IG上載出遊照片,其中有一段影片就拍攝到身後有中年男子陪伴在旁,令唔少網民都對男子嘅身份感到十分好奇!

西童宜家已經從新加坡飛咗去馬來西亞Photo from 西童IG

有網民發現西童今次出國仲有「中年男」陪伴?Photo from 西童IG

「大叔」身份曝光!

有網民喺西童最新嘅post留言詢問「大叔呢?」,而西童就回覆「揸機中😂」,仲成功將「大叔」引出嚟回應佢添!查看「大叔」嘅IG帳號,相信應該同西童一樣係一名DJ~

有網民詢問「大叔」,而西童同「大叔」都有回應佢!Photo from 西童IG

而呢名大叔都有同西童一齊去馬來西亞,喺IG story上載西童嘅影片!Photo from 「大叔」IG

而西童喺回覆傳媒查詢時,坦承「大叔」其實係佢嘅DJ師傅兼經理人,仲話今次出遊嘅大部分費用都係由演出單位全包,揚言今次自己係去向唔同著名嘅DJ學嘢!相信佢除咗見到偶像一面之外,似乎都有好深嘅體會呢~

睇翻「大叔」嘅IG帳號,佢都係一名DJ!Photo from 「大叔」IG

西童接受傳媒查詢時,澄清「中年男」係佢嘅經理人兼DJ師傅!Photo from 西童IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel