京都賞楓必去「瑠璃光院」一年只開兩季 絕美庭院反射紅葉倒影

京都賞楓必去「瑠璃光院」一年只開兩季 絕美庭院反射紅葉倒影

By jack on 16 Nov 2022
Digital Content Writer

日本京都有很多賞楓勝地,每逢秋天,當地古色古香的建築與秋紅楓葉互相輝映,絕美的景色吸引不少旅客前來朝聖,要數到近年京都最具人氣的賞楓聖地,「瑠璃光院」絕對是其中之一,雖然它每年僅在春天及秋天開放,但當中被楓葉包圍的庭院,極具詩情畫意,美不勝收。

xxakaxxv TwitterPhoto from xxakaxxv Twitter

日本貴族及武士的淨土

琉璃光院位於八瀬大原,據說日本飛鳥時期,日本天武天皇一次戰爭中身受重傷,在「八瀨釜澡堂」泡過澡之後,傷勢竟不藥而癒,因此吸引當時許多貴族和武士來此修養。

xxakaxxv TwitterPhoto from xxakaxxv Twitter

一年開放兩季的絕美庭院

琉璃光院是一座佔地1萬2千坪的寺院,每年只會在初夏(4月~6月)及秋未(10月~12月)共4個月期間開放。現在當地的建築物是昭和初期所建造的日本茶室建築,共有3種不同風格的庭院,其中一個「琉璃之庭」覆蓋了琉璃色的美麗苔蘚,因而被稱作「瑠璃光院」。

xxakaxxv TwitterPhoto from xxakaxxv Twitter

日本史サロン YouTubePhoto from 日本史サロン YouTube

反射紅葉倒影的必看景色「琉璃庭」

「瑠璃光院」在2015年才對外開放,其後有網民在「琉璃庭」2樓書院拍下照片,其一望無際延伸的紅葉景色,光亮的地面映照出紅葉倒影,不同層次的紅葉隨光影變化,形成夢幻的紅葉風景畫。不少旅客及當地人都是被這絕美景色吸引前來朝聖。

xxakaxxv TwitterPhoto from xxakaxxv Twitter

日本史サロン YouTubePhoto from 日本史サロン YouTube

品味抄經文體驗洗滌心靈

除了欣賞紅葉以外,「瑠璃光院」更設有抄經文體驗區,院內會提供抄經用具,讓客人安坐抄寫佛教經文,為自身祈福,配合庭院充滿禪意的環境,更可洗滌心靈,放鬆身心。此外,庭院更設有「抹茶席」,讓客人可以一邊欣賞庭院風景,一邊品味茗茶,非常寫意。

費用:成人2000日元(約港幣112元)/中學生每人1000日元(約56港元)/小學生以下免費
參觀時間:09:00-18:00
地址:京都府京都市左京区上高野東山55番地
電話:+81 757814001

xxakaxxv TwitterPhoto from xxakaxxv Twitter

日本史サロン YouTubePhoto from 日本史サロン YouTube

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【日本紅葉2022】5大賞楓景點!交通方便,全部都喺東日本JR站附近!

14 Oct , 2022

日本政府宣佈正式開關後,唔少人都即刻買好機票「返鄉下」~正值秋天時分係賞紅葉嘅最佳時期,JR東日本亦為大家推薦日本東北地區賞楓嘅隱世好地方,只需要乘搭列車就能輕易到達;購買JR Pass仲能夠5日內無限任搭指定區內嘅新幹線,方便又實惠!

秋天已經到喇!又係去日本賞紅葉嘅時期~今次JR東日本都為大家推薦咗4個超值得去嘅賞葉嘅地方Photo from 清水寺FB

1. 山寺(山形縣) 

山形縣擁有豐富嘅自然景色,周圍都又唔少出名嘅溫泉,能夠俾大家欣賞到日本嘅自然生態環境。當中景點「山寺」就以靚景而聞名,雖然大家需要爬樓梯周圍遊覽,但登頂後就能夠俯視遠景,秋天時分就能夠望到超靚嘅紅葉,非常壯觀!絕對「物超所值」啊~

山形縣其實擁有超多出名嘅溫泉好去處!Photo from JR東日本網站

而山形縣最出名嘅就係「山寺」 Photo from JR東日本官方

爬到高處後,就能夠一下子望晒成個景色,絕對值得一去~Photo from JR東日本官方

山寺

賞紅葉時期:11月上旬起

地址:山形縣山形市山寺 4456-1

抵達方式:東京站→搭乘 JR 山形新幹線翼(Tsubasa)號前往「山形站」(約 2 小時 40 分鐘)→轉乘 JR 仙山線到達「山寺站」(約 20 分鐘)

2. 彌彥公園(新潟縣)

位於彌彥站附近嘅彌彥公園佔地空間超大,大約有約 13 萬平方米,當中仲包含瀑布、紅橋、水池等,而園內嘅「紅葉谷」就係其中一個賞楓嘅熱點!紅葉同紅橋顏色相襯,而且清澈嘅池面仲能夠見到紅葉嘅倒影,無論白天定夜晚去都別有一番風味~

新潟縣彌彥公園都係賞紅葉嘅熱門地點!Photo from JR東日本官方

最出名嘅就係「紅葉谷」,無論白天定夜晚都可以影到靚相~Photo from JR東日本官方

廣告
廣告

彌彥公園

賞紅葉時期::10 月下旬-11 月中旬

地址:新潟縣西蒲原郡彌彦村彌彦 667-11

抵達方式:東京站→乘搭 JR 上越新幹線朱鷺(Toki)號前往「燕三条」站( 約 2 小時)→轉乘 JR 彌彥線到「彌彥站」(約 30 分鐘)→下車後步行 1 分鐘

即睇更多人氣文章:

3. 毛越寺(岩手縣)

位於岩手縣平泉嘅「毛越寺」於2011年正式成為世界文化遺產,極具歷史價值~最值得參觀嘅就係為「作庭記」思想而建設嘅庭園,秋天到訪嘅時候就能夠欣賞紅葉嘅壯麗景觀;仲會有「秋天藤原祭」能夠俾遊客親眼目睹日本重要非物質文化遺產「延年之舞」,體驗當地文化!

岩手縣裡面都幾多景點㗎!Photo from JR東日本網站

當中毛越寺就係睇紅葉嘅好地方!Photo from JR東日本官方

特別之處就係會舉辦「秋天藤原祭」!Photo from JR東日本官方

毛越寺

賞紅葉時期::10 月下旬-11 月中旬

地址:岩手縣西磐井郡平泉町平泉字大澤 58

抵達方法:東京站→乘坐 JR 東北新幹線隼(Hayabusa)到「一之關站」( 約 2 時小時10 分)→轉乘 JR 東北本線到「平泉站」(約 9 分鐘)→下車後徒步走 7 分鐘

4. 湯瀨溪谷(秋田縣)

位於秋田縣湯瀨溫泉附近,有一條全長約4.6 公里嘅散步徑。該路段兩旁佈滿樹木,秋天就將會被重重嘅楓葉包圍住,遠離煩囂感受大自然嘅氣息;而溪谷旁邊仲有線條獨特嘅奇岩絕壁,超級寫意~

喺秋田縣嘅湯瀨溪谷秋天時分,周圍都係紅葉!Photo from JR東日本官方

溪谷旁邊仲有線條獨特嘅奇岩,超值得去睇!Photo from JR東日本官方

湯瀨溪谷

賞紅葉時期:10 月中旬-11 月上旬

地址:秋田縣鹿角市八幡平湯瀬堰根口

抵達方法:東京站→乘搭 JR 東北新幹線前往「盛岡站」(約 2 小時)→轉乘 IGR 岩手銀河鐵路線(JR 花輪線直通車)到「湯瀨溫泉站」→下車後步行 5 分鐘

**上述介紹嘅景點只需購買「JR EAST PASS (Tohoku area)」及「JR EAST PASS (Nagano, Niigata area)」就可以到達,以上兩款都可以連續5日內於指定地區無限任搭,經濟實惠!

5. 鳴子峽(宮城縣)

鳴子峽因為自然現象而形成100公尺高嘅徒峭岩壁,秋天時分岩邊嘅樹木都各自「發揮本領」,令成個景色變得非常鮮豔!而附近仲有「大深澤遊步道」俾大家一邊散步一邊欣賞美景~其實鳴子峽附近仲係溫泉區,推薦大家賞楓之餘,順便去溫泉酒店住返一晚,咁就唔洗一來一回咁趕急~不過呢個地理位置相對上比較遙遠,搭完JR列車仲需要專乘巴士先能夠達到。

唯獨呢個地方比較遙遠,搭完JR仲要改搭巴士;若果想輕鬆啲可以直接選擇到「鳴子溫泉站」後搭的士!Photo from Pinterest

鳴子峽嘅賞楓好時期為10月尾到11月頭!Photo from Pinterest

鳴子峽

賞紅葉時期:10月下旬-11月上旬

地址:宮城縣大崎市鳴子溫泉星沼

點擊查看抵達方法

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel