袁偉豪回應《愛回家》抽水劇情 蔡思貝笑住補刀

袁偉豪回應《愛回家》抽水劇情 蔡思貝笑住補刀

娛樂新聞
By Wing Ws on 30 Nov 2022
Digital Content Writer

袁偉豪(Ben)早前被質疑藝員訓練班導師資格,他於社交平台上出post,但卻被網民指小器、不堪批評,而一向以時事熱話作為題材的《愛回家·開心速遞》近日更「抽水」將袁偉豪的留言編入劇情中,似乎是影射Ben與傳媒的關係,Ben亦就此事在活動訪問中有所回應。

袁偉豪在活動訪問中回應有關事件。Photo from 袁偉豪IG

被網媒帖文激親 袁偉豪:我欠左你地班傳媒?

今年9月,17歲的馮皓揚(羊羊)憑電影《媽媽的神奇小子》中少年版蘇樺偉,奪得《第40屆香港電影金像獎頒獎禮》的「最佳男配角」,據知,羊羊在得獎前報讀了TVB藝員訓練班,並於得獎後第二日開始上課,但其後卻被發現僅上了一日課便已退學。有網媒就此事出post,更提及當中的「星級導師包括袁偉豪」,但就引起袁偉豪不滿,繼而轉發該帖文,嬲爆留言:「我欠左(咗)你地(哋)班傳媒?」相關帖文引起網民熱烈討論,有人表示支持,亦有人批評袁偉豪「小器」、「玻璃心」。

馮皓揚在得獎前報讀了TVB藝員訓練班,但其後卻被發現僅上了一日課便已退學。Photo from YouTube TVB 娛樂新聞台

袁偉豪回應有關帖文。Photo from 袁偉豪 Facebook

《愛回家》被指抽水袁偉豪

有網民於TVB劇集《愛回家》發現有關劇情。劇中,KC(歐瑞偉飾)因節目被腰斬,遭記者連環質問,搞到KC忍唔住爆seed回應:「你哋問夠未,我欠咗你哋班傳媒?」再加上劇中出現「軟飲王」、「靠姐夫上位」等對白,相關情節即引起討論,有網民認為劇情是影射袁偉豪。

《愛回家》被指劇情是影射袁偉豪。Photo from YouTube TVB (official)

袁偉豪不滿傳媒報道

TVB節目《Star Talk》其後播出袁偉豪的訪問,當中,袁偉豪透露負評壓力,更認為他「成為箭靶」,覺得「唔公平」,節目播放當日,袁偉豪再出post,談及有關媒體報道,直指:「點解啲報道,永遠係錯重點?」似乎Ben對於外界的評價仍耿耿於懷。

袁偉豪透露負評壓力,更認為他「成為箭靶」,而覺得「唔公平」。Photo from YouTube TVB 娛樂新聞台

袁偉豪回應《愛回家》劇情 蔡思貝笑住「補刀」

Ben日前接受TVB娛樂新聞台的訪問,並回應《愛回家》劇情,他表示沒有看過劇情,但後來有報道轉載,覺得「咁得意呀」,又大方表示「出咗都好呀」,但下一句即指:「處境劇唔知係咪寫到冇題材呢?」不過佢都自圓其說:「咁都幫到件事,幫到個演出,出嚟咁大反應,咁咪開心囉」,最後仲講笑話:「不過我都會搵編劇傾吓偈嘅」。而全程在旁聽住的蔡思貝更笑住「補刀」,建議袁偉豪「加入《愛回家》,跟住演返自己。」

袁偉豪回應《愛回家》劇情。Photo from YouTube TVB 娛樂新聞台

蔡思貝笑住「補刀」,建議袁偉豪「加入《愛回家》,跟住演返自己。」Photo from YouTube TVB 娛樂新聞台

與傳媒衝突不斷 張寶兒力撐老公

自從袁偉豪與張寶兒拍拖以來,負評不斷,更多次引起與傳媒的衝突,被傳媒冠上「三億駙馬」的袁偉豪曾於節目中直指大壓力,又呻「層樓我唔使供咩」。前年與張寶兒出席台慶時,有網民開post指袁偉豪婚後走樣,令袁偉豪再發長文回應。

袁偉豪與張寶兒拍拖以來,負評不斷,更多次引起與傳媒的衝突。Photo from 袁偉豪IG

袁偉豪更被傳媒冠上「三億駙馬」。Photo from 袁偉豪IG

張寶兒亦曾開IG live,與袁偉豪一同回應有關事件,仲幫老公講說話:「有人話你老,我想講老係正常,點解老唔值得欣賞?」又大讚袁偉豪狀態大勇,力撐老公!

張寶兒曾開IG live,力撐老公。Photo from 張寶兒IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

袁偉豪突然於FB狠批傳媒?!懷疑因馮皓揚羊羊退出訓練班被提及而不滿?網民好奇生氣原因!

5 Sep , 2022

袁偉豪入行多年曾出演多部電視劇,近日佢仲被大台邀請成為2022年藝員訓練班嘅星級導師。但近日有媒體報導今屆金像獎「最佳男配角」得主馮皓揚(羊羊)決定退出大台藝人訓練班,但袁偉豪就突然爆seed轉發媒體嘅新聞,直言「我欠左你地班傳媒?」,令唔少網民一頭霧水!

廣告
廣告

早前傳媒報導有關馮皓揚(羊羊)退出TVB訓練班嘅消息,卻意外激嬲袁偉豪?!Photo from 袁偉豪IG

馮皓揚(羊羊)報讀TVB藝員訓練班

17歲嘅馮皓揚(羊羊)憑電影《媽媽的神奇小子》榮獲《第40屆香港電影金像獎》「最佳男配角」獎項,自然嘅演技獲唔少網民大讚實至名歸,相信佢將來嘅演藝之路一定會非常順利~其後,佢表示之前已經報讀大台為期6個月嘅藝員訓練班,由導演陳德森做校長;羅冠蘭、鄭丹瑞、曾志偉、錢嘉樂、譚俊彥、袁偉豪等人擔任星級導師。

第40屆香港電影金像獎「最佳男配角」馮皓揚(羊羊)都曾透露報讀訓練班原因Photo from 娛樂新聞台

2022TVB藝員訓練班嘅校長係金像導演Photo from 娛樂新聞台

透露希望改善懶音問題

過往羊羊曾出演大台電視劇《愛上我的衰神》飾演年輕時期嘅胡鴻鈞;當時羊羊受訪時話因為知道自己咬字不清,所以希望藉課程改善懶音問題。

羊羊早於獲獎前已經報讀咗TVB藝員訓練班Photo from 娛樂新聞台

羊羊自爆已經退出訓練班!

近日,羊羊出席公開活動時接受媒體採訪,透露自己上咗一堂之後就退出咗訓練班!據悉,呢個決定係佢同公司商討後得出嘅結果,強調自己未來將會抱持學習嘅心態參與每次演出,對演戲充滿熱誠。不過消息一出,唔少網民都開始猜測係因為課程內容有落差等而選擇退出,引起網民熱議。

不過昨日(4日),羊羊出席活動時表示自己已經退出咗訓練班!Photo from 羊羊IG

即睇更多人氣文章:

媒體報導消息,並提及星級導師袁偉豪

唔少傳媒都有報導相關新聞,當中就提及到星級導師袁偉豪喺受訪時指自己上咗2日堂之後都未見到羊羊,所以就喺報導此新聞時提及袁偉豪嘅呢段訪問節錄。

唔少媒體都有報導羊羊退出訓練班嘅消息Photo from 羊羊IG

當中有媒體就提及袁偉豪等人係訓練班嘅星級導師。Photo from 袁偉豪IG

袁偉豪突然暴怒於FB轉發帖文!

不過昨日(4日),袁偉豪突然喺FB轉發相關報答,並寫上「我欠左你地班傳媒?」似乎係不滿傳媒喺報導時提及佢?!不過網民們似乎唔太清楚佢憤怒嘅原因,事關報導中並只係提及佢擔任訓練班導師,並冇任何負面嘅意思,令好多網民都感到不解「你係星級導師喎,有唔啱咩」、「講事實啫」等留言。

而袁偉豪就似乎好不滿咁轉發其中一個post?!Photo from 袁偉豪FB

但唔少網民都唔太明白袁偉豪點解不滿?!Photo from 袁偉豪FB

網民感到疑惑

網民對於袁偉豪突然爆seed感到疑惑,部份網民就安慰佢「唔好勞氣!傷身」;但亦有部份網民認為佢因此而不滿,似乎有啲奇怪「話你地無緣交流啫,嬲乜」、「邊句話緊你呢? 我睇咗好耐都搵唔到邊句有問題。」

部份網民就安慰袁偉豪~Photo from 袁偉豪FB

唔少網民都紛紛去袁偉豪嘅轉發post留言Photo from 袁偉豪IG

部份網民認為袁偉豪嬲嘅原因有啲奇怪?!Photo from 袁偉豪FB

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel