download HolidaySmart 假期日常 app
蘇民峰風水教室私人班收費達300萬！原來已經唔算貴？！有錢未必做到徒弟

蘇民峰風水教室私人班收費達300萬！原來已經唔算貴？！有錢未必做到徒弟

時事熱話 娛樂新聞
By Jennifer on 11 Jan 2023
Digital Editor

62歲嘅堪輿學家蘇民峰不時獲邀上電視節目同大家講解風水命理，名氣甚大。近日網上有網民熱議蘇民峰有私人教授風水，但收費卻非普通人畀得起，最貴一項學費高達$300萬，而且唔係報名就會收為徒弟，原來仲要講「緣份」！

62歲嘅堪輿學家蘇民峰不時獲邀上電視節目同大家講解風水命理Photo from TVB

堪輿學家蘇民峰開班教風水37年

蘇民峰自1986年開班教授面相、掌相及八字命理，至今已有37年，可謂相當資深。蘇民峰出演過唔少電視節目，連電視劇、電影都客串過，佢堪輿學家嘅形象早已深入民心。

蘇民峰自1986年開班教授面相、掌相及八字命理，至今已有37年，可謂相當資深。Photo from 蘇民峰網站

而蘇民峰亦有喺電視節目中教授觀眾風水知識，以蘇民峰嘅知名度，相信收費一定唔便宜。2000年蘇民峰就成立個人風水網站，為客人解答各種風水問題。現時蘇民峰命理風水網站亦有公開服務具體細節及收費。

2000年蘇民峰就成立個人風水網站，為客人解答各種風水問題。Photo from 蘇民峰網站

蘇民峰睇八字、風水、改名收費公開

收費服務共有7項，包括：簡易風水、蘇師父改名、公司改名、八字全相、流年命相、蘇師父擇日、蘇師父解疑難，當中最貴嘅係「公司改名」，收費為$15,800；最平嘅則係「蘇師父解疑難」，收費為$$200一條、$500三條。不過呢啲服務需先加入成為會員先可享有。

收費服務共有7項Photo from 蘇民峰網站

包括：簡易風水、蘇師父改名、公司改名Photo from 蘇民峰網站

最平係「蘇師父解疑難」，收費為$$200一條、$500三條Photo from 蘇民峰網站

會員分為「普通會員」及「Master會員」。普通會員唔使繳會費，同樣可以瀏覽網站資訊，而Master會員則要付年費（全年會費：港幣$1,800、半年會費：港幣$1,000），可獲所有網上服務及產品正價八折優惠。

會員分為「普通會員」及「Master會員」。普通會員唔使繳會費，Master會員則要付年費Photo from TVB

蘇民峰私人教授風水命理，最貴收$300萬

除咗一般嘅服務外，蘇民峰更有開設玄學教室傳授命理風水，據網站所講蘇民峰教學至近幾年，已開始覺得有啲身心疲累，可能唔會再教落去，2011年起只接私人教授。私人教授有3項，收費各不相同。

除咗一般嘅服務外，蘇民峰更有開設玄學教室傳授命理風水Photo from TVB

最平嘅係「蘇派風水」，共20堂，每堂一個鐘，學費為$80萬；「蘇派八字」共40堂，每堂一個鐘，學費貴一倍為$160萬；最貴嘅係「全科」，當中包括蘇派風水、八字寒熱命、面相、掌相，共80堂，每堂一個鐘，收費高達$300萬！

據網站所講蘇民峰教學至近幾年，已開始覺得有啲身心疲累，可能唔會再教落去，2011年起只接私人教授Photo from TVB

最貴嘅係「全科」，當中包括蘇派風水、八字寒熱命、面相、掌相，共80堂，每堂一個鐘，收費高達$300萬！Photo from 蘇民峰網站

不過蘇民峰喺網站寫明要報名需先付訂金$20萬，再留下八字、掌面相影印本：「有天份有緣者再商談上課時間，無緣份者訂金全數退還。」唔係有錢就可以做到蘇民峰徒弟，仲要睇緣份！

唔係有錢就可以做到蘇民峰徒弟，仲要睇緣份！Photo from 蘇民峰Facebook

網友認為算抵！蘇民峰身家逾$2億

之前唔少圈中藝人都會改名轉運，好似羅子溢（原名：羅仲謙）、楊茜堯（原名：楊怡）夫婦有傳改名共花費$40萬！而陳小春夫婦亦傳出搵堪輿學家陳咢魁幫手改名，不惜豪花過百萬！

羅子溢（原名：羅仲謙）、楊茜堯（原名：楊怡）夫婦有傳改名共花費$40萬Photo from 楊茜堯IG

陳小春夫婦亦傳出搵堪輿學家陳咢魁幫手改名，不惜豪花過百萬！Photo from 應采兒微博

有網民則認為蘇民峰收費唔算貴：「算抵，拎住佢徒弟既名，一個月都搵到十幾廿萬啦！」，不過亦有人認為蘇民峰之所以成功同佢嘅口才都好有關係，即使做咗佢徒弟無佢咁嘅口才都好難出師。蘇民峰除咗做風水師，平日投資有道，多年嚟靠買樓、買舖，保守估計佢身家最少有$2.3億！

有網民認為蘇民峰收費唔算貴Photo from TVB

網民：「算抵，拎住佢徒弟既名，一個月都搵到十幾廿萬啦！」Photo from LIHKG

網友稱計返時薪呢個收費屬正常Photo from LIHKG

亦有人認為蘇民峰之所以成功同佢嘅口才都好有關係，即使做咗佢徒弟無佢咁嘅口才都好難出師Photo from LIHKG

蘇民峰與台灣老婆楊佳佳（Lilian）平日投資有道，多年嚟靠買樓、買舖，保守估計佢身家最少有$2.3億！Photo from 蘇民峰Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

七仙羽自爆身家，擁逾10個香港物業：林作得1億就收聲啦！

20 Jun 2022

七師傅（七仙羽）人氣爆燈，狂接廣告。日前佢接受訪問時就自爆個人資產，透露自己自細家境唔錯，又表示曾經炒股蝕超過1,000萬！七師傅仲對林作自稱約有1億身家嘅言論嗤之以鼻。

七師傅（七仙羽）人氣爆燈，狂接廣告Photo from 七仙羽 IG

七師傅對林作自稱身家達1億嗤之以鼻

七師傅以風水玄學師身份參與ViuTV多個綜藝節目，人氣持續上升，其半鹹淡廣東話成為個人標誌，更接咗好多廣告，有指佢一個月已接40個廣告賺到笑！

七師傅以風水玄學師身份參與ViuTV多個綜藝節目，人氣持續上升，其半鹹淡廣東話成為個人標誌Photo from ViuTV

最近七師傅接受訪問時被問到身家有幾多，佢提到之前同林作上綜藝節目，問林作身家幾多，對方口氣好大、講到自己好勁，表示差唔多有一億，聽到呢個回答，七師傅直言：「咁你（林作）就收聲啦！呢啲算咩錢呀！我一早都有啦！」

七師傅提到之前同林作上綜藝節目，對方表示身家差唔多有一億，聽到呢個回答，七師傅直言：「咁你（林作）就收聲啦！呢啲算咩錢呀！我一早都有啦！」Photo from BusinessFocus

七仙羽炒股蝕1,000萬改買樓投資，自爆身家逾10億

七師傅稱佢身家肯定過億，仲指依家通街都係身家過億嘅大師，被問到個人資產過唔過10億，七師傅再爆：「$10億又算乜嘢呀？！」但佢指未有$100億身家咁多～

七師傅稱佢身家肯定過億，仲指依家通街都係身家過億嘅大師Photo from BusinessFocus

被問到個人資產過唔過10億，七師傅再爆：「$10億又算乜嘢呀？！」Photo from BusinessFocus

七師傅透露佢家境唔錯，從小就跟屋企人四圍做生意，讀書時已開始投資、買股票。七師傅表示當時家人畀咗$1,000萬佢，但佢炒股票全部蝕晒，之後轉為投資買樓，依家喺香港擁有最少10個物業。除咗香港，佢喺世界各地都有買樓。

七師傅表示讀書時家人畀咗$1,000萬佢，但佢炒股票全部蝕晒Photo from BusinessFocus

七仙羽轉為投資買樓，喺香港擁有最少10個物業。Photo from BusinessFocus

七師傅自認財經知識豐富

佢表示自己唔太在乎有幾多錢，屋企亦唔使佢養家，佢做過財經記者、作詞人，雖然家人想佢做律師、醫生，但七師傅笑言佢講嘢唔正、個人又單純所以做唔到呢啲高尚職業。

七仙羽做過財經記者、作詞人Photo from 七仙羽 IG

七師傅稱佢依家唔做嘢，淨係收租都夠，但佢唔想浪費人生，要普度眾生、弘揚佛法。其實師傅不時喺個人IG分享對樓市嘅睇法，仲話佢認識好多地產經紀，介紹好多平過市場價嘅筍盤畀佢。

七師傅稱佢依家唔做嘢，淨係收租都夠，但佢唔想浪費人生，要普度眾生、弘揚佛法。Photo from BusinessFocus

曾經做過財經記者嘅七師傅之前獲邀上財經節目做嘉賓，卻被觀眾斥為「神棍」，佢指自己知道嘅財經知識多過大家嘅想像：「我長期在印度尼泊爾等地閉關修煉，我的認知及功力，早巳超出你的想像」

做過財經記者嘅七師傅之前獲邀上財經節目做嘉賓，卻被觀眾斥為「神棍」，佢指自己知道嘅財經知識多過大家嘅想像Photo from 七仙羽 IG

即睇訪問片段：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話娛樂新聞風水蘇民峰