客人怒斥餐廳難食要求免收費 見人投訴成功有樣學樣 最後待應姐姐咁處理

客人怒斥餐廳難食要求免收費 見人投訴成功有樣學樣 最後待應姐姐咁處理

生活熱話
By jack on 20 Jan 2023
Digital Content Writer

只要在香港從事過服務業,必然遇過不少無理又麻煩的客人,面對種種辛酸及委屈,很多時候只能忍氣吞聲,息事寧人。最近有網民分享影片,當中有一對男女在茶餐廳用餐後,向待應投訴食物難食,要求餐廳完全豁免收費。期間待應向女子解釋狀況及理論,但對方堅持不付錢,最後待應無奈屈服。事件引起網民熱議,紛紛批評食客要求無理兼面皮厚。

香港茶餐廳及美食關注組 FB社團Photo from 香港茶餐廳及美食關注組 FB社團

見隔離枱投訴 有樣學樣疑似想食霸王餐?

上星期六(14日)有網民於FB公開社團「香港茶餐廳及美食關注組」分享一單關於「西店 vs 西客」的茶餐廳見聞,他上載一段影片,並以文字描述當時情況,片中有一對老年男女找待應理論,該名女士向待應投訴,指茶餐廳的食物味道強差人意,據影片上傳者指,事發前有另一枱客人不滿該店的食物質素,要求豁免收費,不過據稱這枱客人幾乎沒有吃到食物就離開。而片中老年男女則吃過部分食物並喝完凍檸水,然後再有樣學樣投訴,指食物質素參差,與待應爭論帳單費用,要求完全豁免收費。

香港茶餐廳及美食關注組 FB社團Photo from 香港茶餐廳及美食關注組 FB社團

自稱是餐廳常客不滿食物款式過少

根據片主的文字描述及影片顯示,待應向該老年男女收取飲品費用,但該女士一直吵鬧,要求豁免全部收費,又自稱是餐廳熟客「你明㗎,我地都係樓上樓下,即係成日都嚟呢度食㗎」其後該女士開始投訴,指今次用餐體驗很差,批評食物款式選擇少「真係好差,咩咩海南雞又冇,跟住呢個呢…跟本唔係擺落口… 呢個又冇蝦…好少,…又冇薯條,我想食羊扒果個…但係果個又係冇。」該女士又提到先前不滿食物而投訴的客人,強調自己亦只吃了很少東西,,最後待應選擇息事寧人,表示二人帳單收費全免。

香港茶餐廳及美食關注組 FB社團 留言Photo from 香港茶餐廳及美食關注組 FB社團 留言

香港茶餐廳及美食關注組 FB社團Photo from 香港茶餐廳及美食關注組 FB社團

網民批評食客面皮厚兼呃飲呃食

不少網民看過影片及文字描述後,指該女直吃完飯才投訴食物有問題,目的就是「食霸王餐」,又批評她面皮厚兼無理取鬧:「人無恥便無敵」、「唔掂咪以後唔好幫趁囉,呃飲呃食好乞衣啫」、「活左幾十年人第一次聽到唔好食,可以唔俾錢走人,如果係咁香港好多食店可以提早結業」有人則指餐廳若遇上這種客人,建議報警處理:「報警,唔好食就下次唔好再食,食左就要比錢」、「講多無謂,唔比錢就報警」、「直接報警話有人食野唔比錢算啦,同佢理論都多餘」同時亦有網民笑問:「到底係邊間連續兩檯人都話難吃呢?」

《愛回家 開心速遞》Photo from 《愛回家 開心速遞》

香港茶餐廳及美食關注組 FB社團 留言Photo from 香港茶餐廳及美食關注組 FB社團 留言

香港茶餐廳及美食關注組 FB社團 留言Photo from 香港茶餐廳及美食關注組 FB社團 留言

香港茶餐廳及美食關注組 FB社團 留言Photo from 香港茶餐廳及美食關注組 FB社團 留言

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

飲食業員工力數5大西客行為 古怪要求多/坐到關門前一刻!網民反應兩極:唔想做就轉行?

13 Jun 2022

網上周不時都會出現食客無理取鬧嘅影片,而有時候食客們仲可能會有比較奇特嘅要求,令侍應們嚇一跳!最近,一位從事飲食業嘅網民喺討論區大呻食客們要求超古怪,包括有「凍檸茶走檸檬」、「辣麵走辣」等,偶爾仲會反過來責怪店員,批評食客們缺乏同理心,但就未能獲得網民認同?!宜家即睇飲食業員工常見嘅「西客」行為啦!

從事飲食業嘅網民大呻經常遇見嘅5大「西客」行為,引起熱議!Photo from 《咖喱辣椒》劇照

1. 自製新餐點

從事飲食業嘅樓主率先分享自己曾經遇過嘅「西客」,指佢哋點餐嘅時候會叫餐牌上根本冇出現過嘅菜式「西餐走嚟問有冇雲吞麵;中餐走嚟問有冇卡邦尼意粉」,批評佢哋完全無視餐牌嘅存在,仲話心裏面會嬲到想講「咁想食咪入廚房煮囉」!

樓主大呻食客們經常都任意妄為咁叫餐牌上冇出現過嘅餐點!Photo from 連登討論區

批評食客點單前完全唔望餐牌!Photo from 《我的野蠻女友》劇照

2. 諸多要求

樓主表示部份食客會非常仔細咁要求飲品嘅甜度「少少甜」、「微甜」,但佢就表示並非所有餐廳都有咁多選項,認為若果食客們介意就應該去台式飲品店購買!有疑似係同行嘅網民都忍唔住留言分享最奇特嘅經驗,見過「外賣熱檸水走水」,只能一笑置之。不過有網民就認為「熱檸水走水」並冇問題,因為部份人會擔心檸檬浸太耐,所以先會有呢個要求。

客人們仲會有非常古靈精怪嘅要求!Photo from 連登討論區

廣告
廣告

有時候西客們嘅奇怪要求,令佢感到非常無奈!Photo from 《德魯納酒店》劇照

有餐飲業員工表示見過有客人叫「檸水走水」,不過有網民就反而覺得呢個要求合理。Photo from 連登討論區

3. 強行改指定餐牌

佢表示食客們經常都會詢問如「四寶麵」等已經規定好配料嘅餐點,詢問可唔可以轉餸菜,揚言「咁想揀咁你咪去食車仔麵囉!」

而樓主表示唔少客人都會詢問指定餐點可唔可以轉配料等,十分難搞!Photo from 《中餐廳》

4. 客人們於關門前點單

樓主仲話一定會有部份客人喺截單前1分鐘先落單,而且唔少喺店入面用餐嘅客人都會喺裡面逗留到關店嗰刻先肯離開,認為「食客真係當自己大晒」!

樓主大呻經常都會有一批客人逗留到關門前先肯走,或者截單前叫嘢食。Photo from 連登討論區

劉德華過往嘅知名廣告台詞「今時今日咁嘅服務態度係唔得㗎」,卻被樓主認為因此導致好多「西客」嘅出現?!Photo from 廣告

但部份網民就唔太同意樓主呢一點,認為若果店裡面寫明8點前截單,即係代表客人喺時間未到之前都仲有權利光顧餐廳,並唔算係「西客」行為!

不過部份網民就唔認同樓主講嘅呢一點!Photo from 連登討論區

大部分網民都覺得食客喺截單前落單完全冇問題!Photo from 《中餐廳》

5. 不願意用QR Code落單?!

基於疫情關係,現時有唔少食店都會為咗減少開支,而設有用QR code點餐嘅服務。樓主表示直到宜家依然有好多食客唔會用,加重服務生嘅工作量「你當個個都得閒招呼你一個?」

樓主表示現時依然有好多食客唔肯用QR code落單!Photo from 連登討論區

不過網民認為呢一項並唔可以列入「西客」行為,因為部份長者可能唔太識用智能手機、而且手機有時候難免會有訊號唔好嘅時候,並非刻意刁難服務生!

有網民認為長者可能會因為唔熟悉智能手機,而比較難自行用QR code落單Photo from 《如蝶翩翩》劇照

網民大呻「香港做服務業最辛苦」?!

有網民表示喺香港做飲食業辛苦外,其實從事服務業都同樣辛苦,經常需要應付唔同嘅「西客」,壓力非常大!但亦有網民反駁雖然會成日遇到「西客」,但有時候遇到善解人意嘅客人都會令佢哋感受到「人間有愛」~

唔少網民就慨嘆其實從事服務業都非常辛苦!Photo from 《現正分手中》劇照

網民反應兩極!

呢個post引起網民熱議,然而網民嘅反應似乎非常兩極!部份網民就唔太認同樓主,認為佢列出嘅部份行為根本唔算「西客」,認為食客唔清楚嘅時候難免會「問多幾句」,覺得樓主係反應過激。

部份網民覺得樓主反應過激,仲建議佢應該轉行?!Photo from 連登討論區

不過有網民就理解樓主嘅心情,認為現時的確有唔少人會「恃住自己係客人」而任意妄為,導致唔少服務業嘅員工非常難做!

部份網民同情樓主工作辛苦!Photo from 《老姑婆的古董老菜單》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel