吳業坤拒認老婆孭22萬Hermès袋食腸粉：其實個袋百二蚊有找
吳業坤2022年宣佈結婚，後被揭妻子係日籍女演員濱口愛子。愛子婚後定居香港，不時大晒日常生活，日前有網民於深水埗撞到坤哥同老婆兩人食腸粉，而愛子更疑似孭住價值逾$22萬嘅Hermès袋！不過坤哥就表示手袋唔使$120就買到？！
Photo from 吳業坤IG
吳業坤與日籍老婆濱口愛子到深水埗食腸粉
吳業坤晒結婚相當時雖然無公開妻子樣貌，但好快就有眼利網民發現「真身」，坤哥老婆係濱口愛子，娶到日本囡囡嘅吳業坤更因此獲封「人生贏家」。婚後愛子跟隨丈夫定居香港，更不時會晒下行山相。
Photo from 濱口愛子Twitter
Photo from 濱口愛子Twitter
近日就有網民喺深水埗著名小食店撞到坤哥同愛子，坤哥夫婦毫不介意喺後巷一齊食腸粉，唔少網民大讚佢哋十分貼地！有網友就關注愛子孭住嘅似乎係Hermès名牌袋。
Photo from LIHKG
疑似孭住價值逾$20萬嘅Hermès袋，坤哥：個袋百二蚊有找
Hermès作為奢侈品品牌，一向都令好多女士趨之若鶩，其中唔少手袋更係「有價無市」，要配貨先至買到。而愛子所孭嘅疑似係Hermès Mini Kelly 2，迷你版本嘅Kelly還原經典設計，係唔少女仔嘅心頭好。
Photo from 濱口愛子Twitter
Photo from 濱口愛子Twitter
Mini Kelly相常受歡迎，炒價更高達$22萬！愛子孭住落深水埗後巷食腸粉掀起熱議，有網民認為坤哥好錫老婆，但坤哥卻喺Facebook出post表示：「其實個袋百二蚊有找」，有網友感震驚：「唔通坤哥當$20萬係散紙？」紛紛稱佢收入比唔少人想像中更多。
Photo from 吳業坤Facebook
細節位睇出並非Mini Kelly？！
不過坤哥可能係認真！翻睇其他藝人嘅Hermès手袋，同愛子所孭嘅的確有啲分別。好似同樣擁有Mini Kelly嘅Cammi，佢經常晒名牌袋，其中佢嘅白色Mini Kelly可見係無調整孭帶長短嘅扣，台灣女星小禎嘅拼色Mini Kelly孭帶同樣都無調整扣，而愛子右肩卻明顯見到一個扣。
Photo from Cammi IG
Photo from 小禎YouTube
Photo from LIHKG
因此愛子孭嘅應該唔係Hermès Mini Kelly 2，坤哥發言令唔少網友都大讚佢誠實，亦有人認為佢唔使同大眾解釋，不過咁都反映咗愛子唔刻意追求名牌，再次感歎坤哥真係「人生大贏家」！
Photo from 濱口愛子Twitter
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
阿嬌鍾情Hermès，被賴弘國嫌買袋唔睇價錢？！收藏多款鱷魚皮手袋
8 Nov 2022
阿嬌鍾欣潼同好姊妹阿Sa北上發展再次迎嚟事業高峰，阿嬌嘅出行都廣受網民關注，其實阿嬌係Hermès fans，著私服多數會拎埋Hermès包包，款式十分豐富，其中收藏唔少鱷魚皮手袋，個個都價值不菲，保守估計值數百萬！
阿嬌最愛Hermès？！
阿嬌之前曾被指打扮出事，但修身後顏值回歸巔峰，工作量上升嘅阿嬌機場照都成為焦點，有網民關注阿嬌每次出行都拎唔同嘅Hermès手袋，更有唔少係相對更珍貴嘅鱷魚皮款式！
作為Hermès嘅fans，品牌唔少經典款式包包，阿嬌都有收藏。其中Hermès Evelyne係近年大熱款式，價錢相對嚟講比較親民，算係Hermès入門級別嘅手袋。阿嬌當然都有入手。
阿嬌收藏多款Hermès鱷魚皮手袋
除咗入門款，阿嬌亦有好多Hermès經典手袋。阿嬌擁有一個黑色Birkin 25，炒價達$20萬，睇嚟阿嬌都好中意黑色嘅袋款。Hermès嘅Kelly都係阿嬌嘅珍品之一。
2019年秋冬推出嘅Kelly Danse阿嬌都有收藏，更係黑色鱷魚皮，炒價高達$60萬，阿嬌似乎特別鍾愛鱷魚皮款，佢另一個綠色嘅Kelly Mini亦十分珍貴。Hermès另一款大熱手袋Constance，阿嬌亦有兩隻色，都係鱷魚皮款。
最珍貴嘅袋款「喜馬拉雅」都擁有
講到Hermès，不得不提阿嬌眾多包包中最為珍貴嘅袋款—「喜馬拉雅Himalayan Birkin」，漸變色十分罕有，除咗要係超級VIP之外，亦需運氣好先可以買到，Hermès喜馬拉雅手袋有價無市，絕對係身份象徵。
阿嬌家中有5層高名牌包包櫃
阿嬌愛買手袋，佢曾經喺抖音拍片公開家中5層高名牌包包櫃，其中一行係擺滿咗Chanel多款手袋，睇落好似名牌專櫃咁，仲有埋梯同燈，阿嬌果然愛錫自己嘅包包！保守估計阿嬌獎藏嘅手袋總值超話$300萬！
賴弘國曾嫌買袋唔睇價錢？
其實之前上節目時阿嬌就透露佢中意嘅牌子比較貴，自己咁辛苦努力工作想買手袋獎勵自己，但前夫（當時仍是老公）賴弘國就曾經話過佢：「買包都不看價錢！」阿嬌願慮到對方感受，一度唔敢買袋。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
