成龍呻武術演員不受重視惹易烊千璽粉絲不滿！急澄清求幫手
成龍放棄荷里活市場後就留喺中國發展，佢近日出席電影活動時慨嘆現時武術演員唔受重視，又提及內地當紅小生易烊千璽，卻引起對方fans不滿，結果要公開澄清，希望粉絲幫手。
Photo from 《無限超越班》
成龍自言自己放棄美國市場
成龍早前上內地綜藝節目《無限超越班》時露自己當年喺荷里活拍戲嘅往事，指無人留意佢嘅演出，只注重佢嘅英文發音，令佢決心放棄美國市場。後來成龍又同好友楊紫瓊表示電影《奇異女俠玩救宇宙》嘅導演先搵佢出演，但都被佢拒絕咗。
Photo from 奧斯卡頒獎禮
成龍自豪荷里活需要佢，建議後輩演員留中國發展
放棄美國市場後，成龍喺中國籌備拍攝唔少動作電影，而佢主演嘅電影《龍馬精神》日前於國內上映，連日嚟佢都出席唔少活動，成龍於公開活動中再次表示自己無悔放棄美國市場回國發展呢個決定。
Photo from 《無限超越班》
Photo from 《龍馬精神》
成龍指唔係佢要去荷里活，而係荷里活需要佢，佢為此亦感到自豪。成龍以過來人身份對後輩演員稱應好好留喺國內發展，指去荷里活只會出演一啲小角色，只要喺國內成功，自然就會有人搵佢拍戲，所以最好以中國市場為重。
Photo from 《龍馬精神》
Photo from 《無限超越班》
為武打演員抱不平卻惹怒易烊千璽粉絲？！
之後成龍喺出席《龍馬精神》電影活動時再度發言，但卻引起爭議？！原來成龍於活動上為武打演員抱不平，佢表示投資人只想搵「流量明星」出演電影，佢舉例稱如果搵「成家班」嘅何均開拍《醉拳3》，即使開價1,000萬人民幣亦無人肯投資，但只要主演換成當紅小生易烊千璽，就算開價4億，投資方都願意出。
Photo from 《無限超越班》
Photo from 《朋友請聽好》
成龍感嘆現時嘅投資人即使開拍動作電影都唔需要主角識功夫，只要顏值高嘅演員。點知成龍呢番言論引起咗易烊千璽嘅fans不滿，佢哋認為易烊千璽唔止顏值高，本人亦演技出色，係實力派，並非成龍所講嘅「流量明星」，而且佢主演嘅電影票房成績唔錯，作為一位有票房號召力嘅年輕演員，投資方想搵佢拍戲實屬正常。
Photo from 《無限超越班》
Photo from 《少年的你》
Photo from 《滿江紅》
成龍急澄清，請fans幫忙解釋
事後成龍出席另一活動時被問到呢件事，佢即表示當日自己明明仲有提及其他有份出演《龍馬精神》嘅演員，如吳京、郭麒麟等，指搵佢哋都一定會有人肯投資，但卻被傳媒斷章取義，佢澄清自己只係舉例，唔係指易烊千璽「靠樣無實力」，又呼籲粉絲幫佢糾正返。
Photo from 《龍馬精神》
Photo from 《這！就是街舞！》第二季
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
成龍透露放棄美國市場原因！稱做演員人品好重要，遇薛凱琪勁尷尬
21 Dec 2022
現年68歲嘅成龍最近出演內地真人騷《無限超越班》，佢向一眾內地演員傳授從影多年嘅經驗。曾奪得奧斯卡終身成就獎嘅佢於節目中自爆放棄美國市場嘅原因，又對出演節目嘅演員稱做呢一行，品行係非常重要。
Photo from 《無限超越班》
成龍擔任《無限超越班》召集人，拒絕與李小龍比較
內地浙江衞視、優酷平台、TVB三方聯手製作綜藝節目《無限超越班》邀請咗好多香港演員做嘉賓，有惠英紅、爾冬陞、吳鎮宇等，仲有「國際巨星」成龍擔任「召集人」，嘉賓陣容星光熠熠。
Photo from 《無限超越班》
第一集成龍就登場同一班內地演員見面，佢表示自己熱愛香港文化、香港電影。成龍亦提到有好多人拎佢同李小龍比較：「是李小龍的第二」，成龍表示自己無可能同李小龍比較，亦不可能成為第二個李小龍：「他（李小龍）是無可替代的。」、「我們不要做第一，我們要做唯一。」
Photo from 《無限超越班》
Photo from 《無限超越班》
Photo from 《無限超越班》
見房祖名「舊愛」薛凱琪，成龍表現尷尬
之後成龍落台同一班演員握手，當佢見到薛凱琪時窒咗一窒，笑言：「這個....好像不太熟！」然後同薛凱琪擁抱。兩人表現略為尷尬，全因薛凱琪同成龍兒子房祖名曾傳出緋聞，佢哋於2005年合作《早熟》，之後常以好友姿態結伴出現，不過有指薛凱琪不滿房祖名愛蒲，於是提出分手結束4年情。
Photo from 《無限超越班》
Photo from 《無限超越班》
語重心長教內地演員人品好重要
之後成龍更當眾示範拳擊動作，佢指做動作演員任何武術都要學，佢表示以前自己練500拳，打4組，每日打2,000拳係基本。被問到最唔想同咩類型嘅演員合作，成龍直言：「看人品。」佢表示電影圈好多風聲傳得好快：「記住！做一個演員，做甚麼事，先做人後做事。」
Photo from 《無限超越班》
Photo from 《無限超越班》
Photo from 《無限超越班》
Photo from 《無限超越班》
因為英文差，成龍放棄美國市場
成龍分享佢進軍荷李活時深知自己英文唔好，非常擔心。佢表示當時背一句台詞要背一個月，拍戲時又因為發音而經常NG，而且令人關注佢發音多過佢嘅動作表現：「沒有人注重我打得多好，他說你今天發音標準好。」成龍指：「我說我不能這樣下去，所以我放棄了美國市場。」
Photo from 《無限超越班》
Photo from 《無限超越班》
Photo from 《無限超越班》
Photo from 《無限超越班》
Photo from 《無限超越班》
成龍曾表示荷李活並唔係佢嘅天下，返到香港更自在。不過佢嘅電影的確嗎美國創下好高嘅票房紀錄，成龍更於2016年奪得第89屆奧斯卡終身成就獎。
Photo from 《無限超越班》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
