楊紫瓊林青霞兩大天后世紀合照網民大讚美麗又優雅兩人合演粵劇結下友誼

By jack on 18 Apr 2023

Digital Content Writer

出爐奧斯卡影后楊紫瓊（Michelle）近日重返成名地香港出席活動，她現身香港故宮文化博物館舉辦的《百樣玲瓏──卡地亞與女性》展覽，其後貼出了一張與林青霞的世紀合照，引起網民熱論，不少人大讚兩位女神保養得宜，狀態超好，又指兩人同是香港影壇首屈一指的天后，這次世紀同框令人懷念當年香港電影的風光。

Photo from 微博

林青霞楊紫瓊世紀合照引熱話

《百樣玲瓏──卡地亞與女性》展出了約300件橫跨19世紀至今的卡地亞珠寶、配飾、鐘錶及文獻，當中林青霞、劉嘉玲以及「賭王」千金何超瓊都有借出個人珍藏，除了以上3位女星，大會更安排了楊紫瓊作特別嘉賓。楊紫瓊事後在IG貼出多張當晚活動照片並發文，感謝是次活動令她有機會與好友聚舊以及認識了不少新朋友，當晚楊紫瓊與林青霞面貼面合照，兩人一同面露甜笑，散發出自信的魅力，林青霞亦有分享合照寫道「在卡地亞的晚宴裏遇見楊紫瓊，親熱的擁抱，會心的微笑，心裏都明白對方曾經走過的路。即使年過花甲，敢做的夢和不敢做的夢都有機會實現。年年有春天，對我們兩個來說，今年的春天特別美好，我們的共識是繼續學習進步。」不少網民大讚二人凍齡有法，美麗又優雅。

Photo from 楊紫瓊 IG

兩人合作表演粵劇《水漫金山》結下友誼

楊紫瓊與林青霞同是由外地來港發展的女演員，兩人均拍過多部經典港產動作片，如《警察故事》系列，不過出演的林青霞是第1集，而楊紫瓊則是第3集，兩人在電影上一直未有機會合作。不過在1991年的大陸華東水災的賑災義演中，楊紫瓊與林青霞曾合作表演一段粵劇《水漫金山》，楊紫瓊飾演白蛇，林青霞則演青蛇，據指當時林青霞主動表示想參與表演，更為此赴港排練京劇動作，兩人在表演出大展身手，贏得大批觀眾的掌聲，兩人亦就此結下友誼。

Photo from YouTube

兩人在各自領域取得非凡成就

楊紫瓊與林青霞同樣是香港武俠片的女王，林青霞在1980年將工作重心由台灣轉移到香港，1990年代出演多部港產古裝武俠電影成功轉型，演活大反派東方不敗一角，其雌雄同體的魅力深得觀眾喜愛，成為香港影壇叫座力極高的女星。後來林青霞退出影圈，轉戰文壇，以作家身分先後出版《雲去雲來》、《窗裏窗外》與《鏡前鏡後》三本著作，同樣大獲好評，今年更獲香港大學頒發名譽博士學位。而楊紫瓊則在1985年主演《皇家師姐》一炮而紅，成為當年紅極一時的武打女星，拍過《宋家皇朝》、《東方三俠》及《臥虎藏龍》等經典電影。90年代已勇闖荷里活發展，接拍《盜墓迷城3》、《昂山素姬》等大作。去年她憑奇幻動作電影《奇異女俠玩救宇宙》贏得多個國際性大獎，更一舉拿下奧斯卡影后寶座，亦是史上首位獲奧斯卡的華人影后，取得歷史性的輝煌成就。

Photo from ViuTV

Photo from 林青霞微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

楊紫瓊男友係前法拉利CEO，一見鍾情後相愛19年！為事業拒當少奶奶

13 Mar 2023

楊紫瓊成首位亞裔奧斯卡影后，再創事業高峰！佢喺得獎感言中為女性發聲，楊紫瓊演藝事業十分成功，佢同樣收穫美好愛情，與前法拉利CEO Jean Todt相愛19年，感情一直都好穩定，全因男友支持佢嘅事業發展。

Photo from ViuTV

楊紫瓊大熱奪得奧斯卡最佳女主角

楊紫瓊從影近40年，曾經拍攝過多部經典嘅電影，佢好早就已經喺荷李活發展，直到2022年佢憑住《奇異女俠玩救宇宙》，橫掃多個頒獎典禮嘅「最佳女主角」，包括極具份量嘅金球獎最佳音樂及喜劇類電影女主角，更再下一城，大熱奪得奧斯卡最佳女主角！

Photo from 楊紫瓊 IG

成為首位亞裔奧斯卡影后，楊紫瓊嘅職業生涯再創巔峰，近年佢出演多套電影《我的超豪男友》、《尚氣與十環幫傳奇》，今年60歲嘅佢依然活躍於演藝圈。事業獲得成功嘅楊紫瓊，愛情同樣得意。

Photo from 楊紫瓊 IG

楊紫瓊男友Jean Todt對佢一見鍾情，拍拖19年

佢與現任前法拉利CEO Jean Todt感情穩定，雖然無結婚，但兩人相戀19年依然甜蜜。Jean Todt係法國人，曾任國際汽聯主席、一級方程式法拉利車隊執行董事。男友大楊紫瓊17歲，但年齡並未成為兩人嘅阻礙。

Photo from 楊紫瓊 IG

楊紫瓊2004年大方認愛，當時佢表示喺一次晚宴Jean Todt對佢一見鍾情，更向佢表白示愛。確定關係後男友亦一直都好尊重同支持楊紫瓊嘅事業，因此公開戀愛近20年佢哋感情依然不變。

Photo from 楊紫瓊 IG

楊紫瓊曾與潘迪生結婚，不甘做少奶奶離婚

同男友拍拖之前，楊紫瓊曾有過一段婚姻，佢與電影公司創辦人潘迪生結婚，婚後更息影將精力放喺家庭，然而好快佢就發現自己唔想過少奶奶嘅生活，於是喺1992年離婚並復出拍戲。楊紫瓊早喺1997年就已經擔任007系列《新鐵金剛之明日帝國》（Tomorrow Never Dies）嘅女主角，但荷李活之路絕對唔易行。

Photo from 楊紫瓊 IG

荷李活之路不易，楊紫瓊積極出演亞裔電影

楊紫瓊坦言當時荷李活對亞裔、華裔嘅刻板印象好深，佢喺拍攝《臥虎藏龍》前有2年都無工作。之後佢亦參演唔少亞裔主題嘅電影，如《藝伎回憶錄》、《我的超豪男友》等。除咗積極參與荷李活嘅亞裔電影外，佢喺奧斯卡得獎台上亦不忘為女性發聲。

Photo from 楊紫瓊 IG

Photo from 《我的超豪男友》

Photo from 《奇異女俠玩救宇宙》

楊紫瓊感言中提到女性唔好畀任何人對自己下定義，話佢哋年華已逝：「Never give up！」楊紫瓊更獲Hermès推出一款以佢姓氏「楊」為名嘅手袋「Yeoh bag」！

Photo from ViuTV

Text: HolidaySmart Editorial

奇異女俠玩救宇宙｜楊紫瓊成奧斯卡影后，成龍指導演本身搵佢拍先！

13 Mar 2023

楊紫瓊憑電影《奇異女俠玩救宇宙》成為首位亞裔奧斯卡影后。佢近日受訪就透露自己奪得金球獎後獲成龍send短訊祝賀，短訊中成龍提到本來導演係搵佢出演先，楊紫瓊更直言成龍走寶，掀起熱議。

Photo from NBC

楊紫瓊進軍咗荷李活好長時間，近年佢產量好高，除咗有Marvel電影《尚氣與十環幫傳奇》、《我的超豪男友》等，票房成績十分亮眼，2022年佢擔正嘅《奇異女俠玩救宇宙》收穫極佳口碑，楊紫瓊更憑呢套戲勇奪奧斯卡最佳女主角！亦係金球獎音樂喜劇類最佳女主角。

Photo from 《奇異女俠玩救宇宙》

Photo from ViuTV

《奇異女俠玩救宇宙》大獲好評，楊紫瓊連奪金球獎、奧斯卡影后。日前佢上節目做嘉賓，就證實導演親自到內地同成龍見面，邀請佢出演電影主角，不過最後成龍並未接拍電影。

Photo from 《奇異女俠玩救宇宙》

Photo from The Graham Norton Show

有指之後導演及編劇將劇本改成由楊紫瓊擔任主角，並搵嚟關繼威出演楊紫瓊嘅老公，亦即係最初設定中成龍飾演嘅角色。上映後電影大獲成功，更喺唔同嘅頒獎禮上奪得多項獎項，尤其係女主角楊紫瓊仲攞埋金球獎影后，又成為首位亞洲演員奪得奧斯卡最佳女主角。

Photo from 《奇異女俠玩救宇宙》

Photo from ViuTV

於節目中楊紫瓊就表示佢奪得金球獎影后收到成龍嘅短訊，祝賀佢攞獎，不過就指：「Congratulations for your movie, but did you know your boys came to see me first！」表示導演其實係搵咗自己先。而一向同成龍份屬好友嘅楊紫瓊亦回覆佢指係佢嘅損失：「Your loss！Bro!」