東張西望丨83歲婆婆被親生女聯手搶320萬公屋！更遭軟禁老人院唔准返屋企

By Pat on 02 May 2023

Digital Editor

時而勢易，萬惡的金錢之下即使是親情都無情講。《東張西望》日前報道一名83歲的婆婆有6名子女，因為婆婆有感年紀老邁，不希望增加家人負擔，於是主動入住老人院，方便有人照顧。但有子女竟因此心懷不軌，與親妹聯手將婆婆的物業用奸招轉為名下，更以「保證人」身份禁止婆婆離開老人院，令老人家一把年紀擔驚受怕，實在大逆不道！

Photo from 《東張西望》截圖

六兄弟姊妹均有份供樓

事緣陳婆婆本來有六名子女，一家人於2002年透過租者置其屋計劃購入翠屏北邨的一個500多呎的公屋單位，未補地價現市值約320萬港元，當時六兄弟姊妹協議一同供樓，但就以陳婆婆做戶主，一家人亦視該單位為祖屋。當時兩名兒子於去年8月的家庭會議上明言若母親百年歸老之後，就會將物業出售並分成六份平分，但三女於家庭會議上認為自己付出最多，所以要求獲分最大份，當時二佬建議將賣樓價錢分成七份，當中有兩份可歸三女，但最後三妹疑似不滿離開。

Photo from 《東張西望》截圖

大家姐與三妹聯手奪屋

後來陳婆婆因為有感身體狀況轉差，為免造成家人負擔於是提出到老人院生活，以便有人照顧，但婆婆離家期間三女居然跟大家姐密謀，希望可以拿到五女手上母親的印章從而更換業主的名義，最後未能成功就自行打造新的印章，令其他兄弟姊妹大感不滿，其後又訛稱要帶陳婆婆去覆診，實情是去房屋署申請轉名的文件，並且由三女的兒子負責遞交文件給婆婆簽名，當時婆婆未感被暪騙於是在不明所以下將文件簽署，最終婆婆的物業成功轉到大家姐與三女的兒子名下，而簽署文件前兩女更帶婆婆去診所找醫生證明精神狀態良好。

Photo from 《東張西望》截圖

軟禁於老人院限制人身自由

無奈大家姐於婆婆入住老人院時將自己寫成「唯一保證人」，陳婆婆在老人院的大小事項均要受到大家姐的批准方可，就連其他兄弟姊妹希望可以帶婆婆到附近散步都必先得到她的批准，家人們都直斥大家姐根本是變相地軟禁母親！幸好節目組找來大律師陸偉雄提供意見，指「唯一保證人」只是老人院單方面的政策，他建議家人們可以向老人院施壓，更可找律師陪同下，表達一個集體意願希望可以更換保證人，亦是陳婆婆本人的意願。

Photo from 《東張西望》截圖

大女叫母親「唔好搞搞震」

但由於節目組不想只聽陳婆婆與其家人的一面之詞，主持於是多次致電給大家姐、三女及其兒子，但均被掛線。其後婆婆接到大女的回電，大女更直斥母親：「你搞到《東張西望》嚟搵我，你哋係咪傻呀？你唔好搞搞震呀，話你聽吖，再搞搞震呀，連你兩個仔都拉埋上差館架嘞。」陳婆婆的孫女感到非常心痛，亦是唯一一個願意上鏡的家人：「我真係好想知佢哋點對得住自己良心，到底佢哋咁對嫲嫲夜晚係咪真係瞓得著？」而五女亦透露，其實陳婆婆早前曾因立遺囑問題，聲稱想賣出單位，但其實只是嚇唬她們，從沒打算賣出，因為一家人早已經將此處當成租屋，而其餘四子亦坦言其實對業權不抱期望，只希望大家姐可以將「唯一保證人」的身份讓出，可以讓母親安享晚年重獲人身自由，更指「如果你哋要唔孝順嘅，唔緊要，搞掂件事後，阿媽嘅事以後我哋理，生養死葬我嚟！」

Photo from 《東張西望》截圖

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

東張西望｜方力申被「借襪男」高價收購二手襪！十年間無間斷懷疑「用襪借運」？

Apr 13, 2023

世上怪人無奇不有，近日《東張西望》就有觀眾致電爆料，指出香港有一名男子四周問人「借襪」，更鍾情於大隻男士「新鮮熱辣」即除襪，借出價幾百至幾千元，就連方力申都曾經中招，自爆事件於兩年前發生，一度擔心自己被人「落降頭」，最驚訝的是原來這位「借襪男」已經於香港流傳十年時間以上，令人毛骨悚然。

Photo from 《東張西望》

中年男子自稱救護員「要襪換工作」

近日《東張西望》就有報道指出，一名自稱為救護員的中年男子經常於半夜出沒四圍問人「借襪」，而且對象大多為男性居多，而方力申受訪時亦表示自己曾於兩年前於灣仔君悅酒店的停車場裡遇到「借襪男」，當時該男子聲稱自己是救護員，因身上的襪款不符合救護員工作規格，若果不立刻「換襪」就會被開除救護員的資格失去工作，希望可以用300元去購入方力申身上的「黑襪」，但當時方力申不虞有詐，剛巧車尾箱有對乾淨的襪，於是提出可以給他，豈料男子竟表示乾淨的襪子款式不是全黑，於是繼續請求方力申給他身上的「黑襪」，方力申婉拒後男子無奈地取去乾淨的襪子後離開。

Photo from 《東張西望》

多個藝人曾經遇上同一經歷

節目第二日再度邀請到有同一遭遇的藝人李爾晨，而李爾晨更加指自己曾經於幾年間三次遇到「借襪男」，更荒謬的是該「借襪男」是同一人，第一次凌晨於天水圍救護站附近，第二次下午於銅鑼灣地鐵站出口，第三次則於尖沙咀路邊位置，而其實第二次李爾晨已經認得該名男子，而且男子更把「借襪」的價格提高至600元，不過最後李爾晨都沒有理會男子當笑話離去。其實網上亦不少網民出文指自己曾遭到「借襪男」「借襪」，藝人丁子高亦曾經被借過，而他更義不容辭地將襪子給了該名男子，而洪永城其後亦留言亦指自己亦曾遇過同樣事件。

Photo from 《東張西望》

Photo from real_ting@IG

Photo from guruhung@IG

懷疑用「用襪落降頭」？

因為實在有多人遇過「借襪男」，大家都擔心「借襪」的用意是不懷好意，方力申其後於打籃球群組跟隊友討論，原來多年前就已經有此事件，而網民更猜測是利用「借襪」去做降頭練習，方力申又指當時聽從朋友勸告，用紙張或紙巾，燒着放門口類似檻火盆一樣再跨三個圈就可以消除黑氣。

Photo from 《東張西望》

《東張西望》就請來泰國法科師傅為「借襪男」一事而詢問，但師傅就指出「借襪」未必是「落降頭」，因為降頭是需要有特別的對象，而且要實際的身體毛髮方可成事，但就指出泰國有一種「陰法法事」可以用來影響運程，把不好的運氣轉移給別人，但這個法事需要對方的名字、相片、出生日期及用過的東西，若果大家互不相識，又未有個人資料的話，做陰法法事的成效就會減弱，所以大家可以不用太過擔心。另一位臨床心理學家就認為該名「借襪男」應該只是「戀物癖」的愛好者，加上大部份被借的都是年輕力壯的男士，更加大機會是利用有人用過的物件去令他進入一個興奮的情況。

Photo from 《東張西望》

《東張西望》主持梁菁琳貼身衣著屢惹批評？！長文解釋服裝打扮，愛著緊身衫獲封「東張女神」！

Mar 23, 2023

TVB《東張西望》新一代「東張女神」梁菁琳（Katerina）憑苗條身材獲得網民關注。不過有網民指佢試過著緊身衫採訪小朋友，認為佢嘅衣著似乎唔太恰當引起熱議。Katerina就曾親自解釋穿著「清涼」嘅原因！

Photo from 梁菁琳IG

新一代「東張女神」梁菁琳

梁菁琳（Katerina）喺上年參加《香港小姐》競選，可惜於最後12強止步，但依然獲大台賞識簽約成為旗下藝人。現時佢有份主持大台人氣資訊節目《東張西望》，憑亮麗外型成功引起網民們嘅關注！

Photo from 《We Miss Hong Kong 香港小姐競選準決賽》

Photo from 梁菁琳IG

加入做《東張+》負責採訪科技新聞

TVB早前推出《東張西望》升級版《東張+》，並喺《東張+》記者會中就公佈主持人班底，而主持人都被分配負責唔同專題嘅報導，包括：娛樂、體育、健康醫美等；當時梁菁琳獲安排負責採訪科技資訊。

Photo from 娛樂新聞台

過往曾被讚口才了得

而梁菁琳喺節目中嘅採訪表現都唔錯，喺採訪「後巷盆菜」事件時憑口才成功問到食店負責人口窒窒，獲網民大讚頭腦清晰！除咗採訪技巧備受熱議之外，佢喺節目中嘅衣著打扮都成為咗熱議嘅話題之一？！

Photo from 《東張西望》

最近佢喺電話訪問呢個環節中因為著上V領緊身上衣而展現咗豐滿上圍，亦引起網民熱議指雖然件衫算「密實」，但係Katerina嘅好身材依然表露無遺！

Photo from 《東張+》

被網民批評衣著太「清涼」，似乎唔太恰當？！

之前亦有網民認為佢嘅衣著過分「清涼」，當中有一張截圖就見到佢身穿低胸裝「摀低身」同小朋友做訪問，被網民批評易教壞小朋友？！翻睇返佢過往喺節目嘅打扮，佢都願意毫不吝惜咁大晒完美身材，當中以緊身咖啡色毛衣及露肩貼身衫最受網民歡迎！

Photo from 《東張西望》

梁菁琳解釋著貼身衫背後原因！

梁菁琳出席活動時曾被傳媒詢問衣著問題，佢就大方回應「著貼身啲係為咗方便做嘢！」希望觀眾能夠更關注佢嘅報導。不過佢亦感謝網民讚賞佢嘅身材，直言「相信靚嘅事物大家都鍾意睇！」原來佢選擇著得貼身都係為咗工作！

Photo from 梁菁琳IG

Photo from 《東張西望》

後來佢亦喺IG發表長文，表示參加《全能司儀選拔大賽2022》時被指「賣弄性感」，佢重申採訪時正值夏天，為方便去後巷視察或喺室外追住路人訪問，以及避免衣服會被器材或者周圍環境勾到，佢都以貼身衣著出動。

Photo from 梁菁琳 IG

梁菁琳又指知道自己身形比一般亞洲女性曲線天明顯，但唔認為要故意隱藏自己嘅身形。佢表示希望觀眾會留意佢嘅採訪技巧同埋工作態度。

Photo from 梁菁琳 IG

入行前於新加坡擔任獸醫

其實平時梁菁琳喺IG上載嘅照片，相信佢自己私底下都比較鍾意貼身及清涼嘅衣服呢～除咗擁有完美身材之外，梁菁琳亦非常有才華！喺參選之前佢喺新加坡專科醫院擔任獸醫，曾於澳洲著名嘅悉尼大學以雙重一級榮譽畢業，後來因為疫情關係選擇辭職返港陪家人。入行後，佢透露自己依然關注動物福利，希望能夠一邊從事演藝工作，一邊幫助小動物，真係好有愛心～

Photo from 梁菁琳IG

相關文章：《東張西望》前任主持大起底！隱形富婆、有人離巢後擲1億買豪宅

Text: HolidaySmart Editorial

《東張西望》前主持黃穎君離職民政事務局，新工月薪達6.7萬

3 Aug , 2022

《東張西望》前主持人黃穎君離巢後轉做政府工，任職民政事務局媒體主任。當時佢嘅人工更一度成為熱話，估唔到入職約半年後佢就離職，但新工嘅收入依然非常可觀！

Photo from 黃穎君IG

《東張西望》前主持黃穎君離巢

《東張西望》向來關注唔少民生、社會議題，之前曾採訪大埔富亨邨「曱甴屋」，屋內衛生情況令人衝擊，黃穎君擔任外景主持最初抵達單位時並無穿上任何保護衣，又一臉鎮定咁繼續採訪，獲網民讚賞。

Photo from 黃穎君IG

黃穎君於2012年參選《香港小姐競選》落選後入行，曾經喺《降魔的》飾演「龍貓嫂」一角，直到2019年佢先加入《東張西望》做外景主持，做咗2年後嘗試應徵一年制嘅民政事務局媒體主任，獲聘後就離巢，正式結束9年嘅東主關係。

Photo from 《東張西望》

Photo from 黃穎君IG

任職半年後轉工？

雖然黃穎君做傳媒經驗唔多，但據知佢做民政事務局做媒體主任，月薪為$67,595，黃穎君又表示當初只係抱住試下嘅心態去應徵，點知真係成功獲聘，仲話雖然簽嘅係1年合約，但就希望未來10年都可以繼續留喺嗰度發展！

Photo from 黃穎君IG

但喺2021年12月入職民政事務局，過咗約半年，就傳出黃穎君已離任嘅消息！黃穎君表示政府架構改組後新設文化體育及旅遊局，由於增設新部門對工作量較大，需聘請更多員工，加上佢本人亦對文化藝術都有興趣，於是決定調往文化體育及旅遊局工作。

Photo from 黃穎君IG

月薪仍維持$6.7萬

雖然工作部門不同，但黃穎君嘅職位不變，依然係媒體主任，月薪亦維持$67,595。佢指調職前後工作內容非常相近，都同樣係合約制。根據民政事務局招聘廣告顯示，媒體主任職責主要係：檢視市民意見；監督電子剪報及社交媒體資訊檢閱服務；就傳媒關係提供專業意見，並制訂公共關係策略，以施行政策局多個項目；與傳媒機構聯繫，包括安排傳媒採訪及處理傳媒查詢；擬備演詞及資料，以支援管理層出席公眾和推廣活動；以及因應需要執行其他職務。