莊錠欣密謀再戰出道失敗！有意內地台灣兩地發展？昔日好友際遇大不同
莊錠欣（Elkie）作為首位「港產韓星」，出道時都受到唔少網民關注，但佢與舊公司解約後就無乜新消息。早前佢表示將喺台灣拍劇同出歌，不過未有新作品推出嘅佢原來參加咗內地節目《青年π計劃》，睇嚟打算同時喺內地、台灣兩地發展，不過佢於節目《青年π計劃》第一輪就被淘汰。
Photo from 莊錠欣微博
莊錠欣退出CLC後事業發展平平
莊錠欣（Elkie）係韓團CLC成員，佢與公司解約同時退出組合，之後就長駐內地發展。雖然喺內地工作3年佢都推出過新歌，亦有出演綜藝節目，然而知名度仍唔算高，莊錠欣有開設小紅書等社交帳號分享生活。
Photo from CLC IG
年初有台灣傳媒報道莊錠欣即將飛台灣發展，可能會拍劇同出歌。翻睇佢嘅社交網站，莊錠欣的確不時飛往台灣，亦到處影相打卡。之前佢喺香港又到訪TVB電視城，同簽約TVB嘅家姐一齊拍片。
Photo from 莊錠欣微博
出演內地競演綜藝節目，莊錠欣第一輪即被淘汰
雖然莊錠欣有意喺台灣發展，但其實佢無放棄到內地事業。最近佢出演咗內地嘅《青年π計劃》，根據官方消息，《青年π計劃》係青年共創音樂競演綜藝節目，一群三十未滿嘅音樂少年將通過完成7場不同主題嘅共創舞台：「發掘無限不循環的年輕音樂新力量，呈現新世代年輕人的思考與表達」。
Photo from 莊錠欣微博
Photo from 《青年π計劃》微博
而莊錠欣亦係其中一位出演者，佢喺第二集表演唱跳，雖然表現獲得導師好評，但最終仍被淘汰，無緣下一輪比拼。不過莊錠欣就喺社交網站分享佢同家人同遊成都嘅vlog，睇嚟被淘汰後佢都繼續留喺內地。
Photo from 《青年π計劃》
Photo from 莊錠欣微博
刪除與子瑜、舒華合照，昔日兩位好友際遇大不同
目前莊錠欣喺台灣、內地、香港三地來回，似乎有意喺內地、台灣兩地同時發展。之前佢於韓國女團出道時與同樣係女團外籍成員Twice嘅子瑜，以及(G)I-DLE嘅舒華關係友好，經常相約私下見面，但莊錠欣返內地發展時卻將與子瑜舒華嘅合照全部刪除，有指佢咁做恐影響佢喺台灣網友心目中嘅形象。
Photo from 莊錠欣微博
Photo from 莊錠欣IG
Photo from 莊錠欣IG
現時除瑜同舒華依然繼續喺韓國發展，兩人關係未有因莊錠欣刪照事件影響，平日都會一齊見面合照，而且兩人嘅事業發展都唔錯，現時子瑜所屬嘅組合Twice正進行巡迴演唱會，舒華所屬嘅組合(G)I-DLE喺樂壇成績亦唔錯，新歌點擊率於一日內突破1,500萬，組合喺韓國內外知名度都上升中。
Photo from (G)I-DLE IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
莊錠欣解約後北上發展下巴越嚟越尖？零濾鏡真面目被指大走樣
22 Mar 2022
TVB童星出身嘅莊錠欣（Elkie）曾以韓國女團CLC成員身份出道，不過佢向公司提出解約後就轉為喺內地發展。北上兩年，Elkie未見有咩代表作，但佢近日喺微博公開嘅近照就被指下巴勁尖，與昔日有唔少分別。
Photo from 莊錠欣微博
莊錠欣加入已出道嘅韓國女團CLC正式出道
莊錠欣自小就甚有表演欲，佢曾經係少女組合Honey Bees成員，同時年紀細細就參演過好多TVB劇集，例如《On Call 36 小時 II》、《老表，你好hea！》、《巾幗梟雄之義海豪情》等。
Photo from TVB
擁有豐富演出經驗嘅莊錠欣2015年喺韓國娛樂公司嘅海外公開選秀合格後飛往韓國做練習生，2016年加入已出道嘅韓國女子組合CLC正式出道，開展佢嘅韓國演藝事業。
Photo from 莊錠欣IG
「港產韓星」向經理人公司提出解約
當時亦有唔少網友支持呢位「港產韓星」，可惜CLC發展未如理想，雖然莊錠欣曾獲公司安排拍韓劇《富家公子》，以及發行個人單曲《I dream》，算係曝光率較高嘅成員，但組合始終未有亮眼成績。
Photo from 莊錠欣微博
莊錠欣更於2020年向經理人公司CUBE娛樂公司提出解約，並揭出道4年未收到過任何酬勞，而且公司更明確表示唔會再支持組合發展。佢最終如願恢復自由身，解約後佢就留喺內地發展。
Photo from 莊錠欣IG
內地發展兩年未有代表作
當時佢曾表示希望疫情緩和後可以返TVB拍劇，更指想同馬國明合作，飾演佢妹妹。定居內地近兩年嘅莊錠欣仍未有突出嘅演藝作品，解約後未有參演電視劇、電影，亦未有推出過音樂作品，不過佢近日有出演內地綜藝節目《兩天一夜山嶼海》。
Photo from 莊錠欣微博
Photo from 莊錠欣IG
近照公開下巴變勁尖？
近日佢喺微博公開近照，久未有新作嘅莊錠欣手執鮮花，五官精緻嘅佢被指臉型與以往略有不同，下巴變得更尖同瘦長。
Photo from 莊錠欣微博
Photo from 莊錠欣微博
不過喺佢出演嘅內地綜藝節目《兩天一夜山嶼海》微博中，無濾鏡下嘅莊錠欣自然好多，不過同佢個人微博嘅相片比較就大跌watt，雖然化咗妝，但眼睛無神。
Photo from 深圳衛視
Photo from 深圳衛視
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
