陳怡拍片分享拘留所的一天！保釋金100萬，解釋真人同上鏡差距原因

時事熱話

By Jennifer on 20 Sep 2023

Digital Editor

陳怡涉JPEX案被捕，佢琴日獲保釋。陳怡喺YouTube分享一條近20分鐘嘅影片，公開喺拘留所嘅生活，佢指環境比想像好，又回應被指真人同上鏡差好遠，佢直言自己真人根本無啲網民講到咁差。

Photo from 有線新聞

#陳怡涉JPEX案被捕，保釋後拍片分享拘留所經歷

警方公佈JPEX案已拘捕8人，並接獲逾1,600人報案。其中被捕嘅包括林作、網紅陳怡等，8人都獲保釋。而陳怡亦拍片分享咗自己被捕後喺拘留所嘅情況，一小時已有超過5萬次觀看次數！

Photo from 有線新聞

陳怡喺個人YouTube Channel上傳19分49秒嘅影片，題目為「我在拘留所的一天，保釋金100萬」，佢表示自己本身琴日一出拘留所就想拍片，但因為時間太晏，凌晨3點幾先出嚟，實在頂唔順，所以決定休息一日先再拍片。

Photo from 陳怡YouTube

陳怡指琴日嘅經歷好似電影情節：「所以你唔會好驚，或者好唔開心，你會覺得比較似喺電影裡面囉！」佢表示唔可以講JPEX案嘅案情，不過都可以分享下拘留所嘅情況。

Photo from 有線新聞

#陳怡指拘留所環境比想像好

陳怡稱拘留所環境比佢想像好：「甚至比一啲人住嘅地方仲要好。」唔好嘅地方就係會開住「大光燈」照住晒、啲人出出入入有拍卡聲、去廁所咩人都見到。不過陳怡就指拘留所嘅饍食好差，見到都唔會想食：「講起都想嘔。」

Photo from 陳怡YouTube

#陳怡被指真人同上鏡差好遠，爆粗反擊否認P圖

陳怡指佢其實無咩可以分享，因為佢喺拘留所大部分時間都係瞓覺。另外佢又提到網民指佢真人同上鏡差距超大，懷疑佢平時拍片有用filter或P圖，佢喺影片中亦有回應。

Photo from Now TV

陳怡表示佢知道要入拘留所，所以一定唔會打扮著高跟鞋、亦無可能有時間化妝：「我一定係著長衫長褲。」佢指自己被拍之前已去咗一次警局，當時所有髮飾等全部被拆開：「所以一定係披頭散髮。」陳怡稱佢當時無諗咁多，只諗住要保暖，所以著咗冷衫：「咁都被你哋大做文章，做女人真係好慘！」

Photo from 陳怡YouTube

陳怡指佢只係著厚少少就被人話肥，佢又爆粗反駁自己拍片有用filter嘅講法：「如果我個樣同我喺片係咁大出入，身型肥X到咁，我3月份開嘅見面會肯定被人笑到X街！」佢表示如果自己真係有咁「肉酸」就唔會開見面會。

Photo from 陳怡YouTube

雖然被拘留咗一晚，不過陳怡似乎唔太擔心，佢喺影片中指出：「我好有信心，唔係樂觀咁簡單！」佢又表示如果真係咁大件事，佢應該會留喺拘留所等到上庭：「你諗下，點解我依家會保釋到？！」

Photo from 陳怡YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

林作慫恿投資者加入JPEX語音曝光！對苦主稱報警無用？！

20 Sep 2023

《東張西望》播出JPEX苦主受訪片段，更公開林作喺群組中游說投資者用佢嘅邀請碼加入JPEX嘅語音，喺證監會發聲明後林作曾親身去警局報備，不過佢就喺群組中指報警亦對現況無幫助。

Photo from TVB

#林作同陳怡涉JPEX案被捕

JPEX案牽涉嘅金額已高達$12億港元，被捕人數亦上升至8人，包括林作同陳怡。雖然林作已獲保釋，但佢至今未公開回應事件。警方以「串謀詐騙」拘捕佢哋，相信佢哋有份氹投資者投資。

Photo from TVB

TVB《東張西望》就採訪咗JPEX受害人陳先生，佢指JPEX有好多KOL宣傳，並且一直慫恿人用佢哋嘅邀請碼加入JPEX：「我個人覺得，全部KOL都係夾埋」，佢指KOL會不停咁同佢講JPEX有咩好處。

Photo from TVB

#林作游說投資者用邀請碼加入JPEX語音公開

而開設場外加密貨幣找換店嘅林作就曾宣稱自己喺7月成為JPEX合夥人，又喺IG教人點用佢嘅邀請碼加入JPEX。

Photo from 林作IG

Photo from TVB

節目亦公開咗林作與投資者嘅語音內容，佢就游說對方用佢嘅邀請碼：「你用咗我個邀請碼入JPEX未呀？可以有折嗰啲交易費。」

Photo from TVB

#報案後林作向苦主稱唔建議報警：「無咩用」

到證監會發聲明指JPEX未有牌照後，林作曾現身警局向警方備案：「希望可以喺最短時間內幫眾多苦主爭取取回本金。」佢之後喺JPEX投資群組嘅語音訊息亦於節目內公開，佢指報警作用不大。

Photo from TVB

林作：「各位，我啱啱去警局傾咗個幾鐘，將我所知、可以畀到、大家現時最新情況話畀警方聽。大家如果都想自己向警察報案，你去普通警局報案，並無任何效用。」曾任大律師嘅林作指最基本法律上嘅情況，現時嚟講個平台仍然有運作，仲願意回覆：「用唔同嘅理由都好，一般已經令警方難以介入。所以如果想自己去警局，我就唔係太建議，無咩用。」