吳浩康老婆郭思琳再鬧爆鍾達茵！公開內情，不滿二人孤男寡女做呢件事
近期吳浩康（Deep）和郭思琳的婚姻狀態引起了關注，早前郭思琳疑不滿女歌手鍾達茵對丈夫說「掛住你、擔心你」而發文公審，其後鍾達茵亦隔空回擊，郭思琳再次於網上爆seed大爆當日內情，稱自己並非因「掛住你」而生氣，直指兩人孤男寡女做一事最令她不滿！
Photo from 郭思琳IG
#郭思琳IG斥吳浩康惹婚變傳聞
早前中秋節郭思琳在IG發文抱怨丈夫不肯配合拍全家福，令外界關注二人婚姻疑亮起紅燈。之後她在社交媒體上澄清了之前對吳浩康的指責，解釋自己錯手將一些私人對話公開，造成了誤解。
Photo from 郭思琳IG
她表示夫妻之間難免有摩擦，但她們並沒有離婚的打算。她也提到了丈夫的音樂事業，希望大家能關注他的音樂表演。這番言論顯示出她對吳浩康的支持和對他們婚姻的堅定信心。
Photo from 郭思琳IG
#鍾達茵對吳浩康講「好掛住你」，郭思琳醋意大發
但最近，郭思琳再因為女歌手鍾達茵對吳浩康說「我會掛住你」、「我會擔心你」的言論而生氣。她截圖批評對方：「作為一個人妻，有人同我老公講埋啲咁嘅嘢，仲要開完Live凌晨孤男寡女去間無人嘅餐廳敘舊，不如大家估吓我會有啲咩感受吖？」
Photo from 鍾達茵IG
Photo from 郭思琳IG
#鍾達茵被「公審」，暗寸郭思琳
被「公審」的鍾達茵也不甘示弱，她雖未點名批評郭思琳，但就發佈多段IG Story，期間不停提到「掛住你」、「擔心你」，其留言更暗示：「唔知Pat哥老婆會唔會公審我呢」
Photo from 鍾達茵IG
#郭思琳隔空反擊，爆當日兩人孤男寡女相聚內情
郭思琳亦忍不住隔空反擊，她再次在IG Story公開自己在facebook的留言，她指「掛住你」並不是重點，她生氣是因為老公吳浩康直播後失蹤，未事先知會下就與鍾達茵深夜相聚飲酒，即使自己打電話表明不滿，吳浩康雖稱會馬上回家但最終凌晨三點都仍未回到家中。
Photo from 郭思琳IG
Photo from 郭思琳IG
郭思琳稱打電話時鍾達茵亦在旁：「點解明知阿嫂唔鍾意佢哋孤男寡女敘舊，都無視人哋感受帶人哋老公去自己間餐廳繼續暢飲呢？會唔會有失尊重呢？」又批評鍾達茵當時明知她不喜歡吳浩康與鍾達茵深夜單獨聚會，但都不願意叫吳浩康先行回家：「唔識避忌都應該要識避嫌吖！」
Photo from 郭思琳IG
Photo from 鍾達茵IG
#郭思琳斥鍾達茵「博見報」
郭思琳稱本來不打算將所有內情公開，但因為「鍾小姐啲朋友」不斷留言，所以她決定：「直接出個story畀大家清楚我嬲嘅位喺邊好過」，郭思琳又強調自己很信任老公吳浩康：「係鍾小姐唔識做人，對我嘅無視同不尊重先令我咁嬲㗎咋！」更直言對方博宣傳博見報，仲表示唔想再回應事件，火藥味超濃！
Photo from 郭思琳IG
Photo from 郭思琳IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
吳浩康與郭思琳奉子成婚！回顧「情場浪子」5段情史，多次因偷食分手？
5 Mar 2022
Photo from 吳浩康 IG
吳浩康承認與郭思琳奉子成婚
2021年白色情人節已有傳媒影到吳浩康同34歲模特兒郭思琳一齊去南丫島露營，兩人舉止親暱，疑交往多時。
Photo from 郭思琳 IG
兩人雖未有承認戀情，但近日擬結婚通知書曝光，佢哋已於2月低調入紙結婚，而且郭思琳更懷孕中，吳浩康承認雙喜臨門，又指生bb係預計之內，現時太太已懷孕3個月，打算等疫情過去再擺酒宴請親友。
Photo from 郭思琳 IG
Photo from 吳浩康 IG
吳浩康入行20年，情史豐富
吳浩康出道多年，比起演藝作品佢嘅感情生活更引人關注，入行以嚟佢曾公開過幾位女朋友，當中有歌手、演員、富家千金，位位有錢、有身材，更有人封吳浩康為「情場浪子」。
Photo from 吳浩康 IG
與視后胡定欣識於微時，傳搭上莊鍶敏而分手
喺1999年，吳浩康參加《全球華人新秀歌唱大賽》並結識同為參賽者嘅胡定欣，兩人直到2004年先公開戀情。之後吳浩康屢次被爆負面新聞，甚至留有前科，但女方都對佢不離不棄，最終兩人於2006年分手，有傳吳浩康因為搭上莊鍶敏（前名：莊思敏）而與胡定欣分手，但胡定欣否認有第三者介入。
Photo from 胡定欣 IG
Photo from TVB
吳浩康與莊鍶敏拍拖5年
與胡定欣分手後同年，吳浩康就同莊鍶敏拍拖，兩人戀情維持咗5年，但最終未能修成正果，於2011年8月分手。有指分手原因係因為佢想問女方借錢，而分手之後莊鍶敏亦直認曾借錢畀吳浩康。
Photo from 莊鍶敏 IG
Photo from 莊鍶敏 IG
一度與鍾舒漫談婚論嫁，吳浩度被爆多次偷食
到2003年吳浩康公開與同公司師妹鍾舒漫嘅戀情，呢段感情似乎令佢修心養性，唔止戒煙戒酒，更去到談婚論嫁嘅階段，正當外界都認為佢哋會拉埋天窗時，2015年吳浩康竟被揭發1個月內同6個女仔約會，鍾舒漫傷心欲絕並公開宣佈分手。
Photo from 吳浩康 IG
Photo from 鍾舒漫 IG
戀上酒樓太子女李昭南
2016年，吳浩康與ViuTV李昭南交往，李昭南家族經營酒樓生意，兩人戀愛2年後齊齊於社交網站宣佈「分道揚鑣」，但就指會繼續支持對方。
Photo from 李昭南 IG
Photo from 李昭南 IG
與崔碧珈拍拖9個月分手，稱對愛情失信心
到2019年吳浩康同崔碧珈拍拖，但戀情只維繫約9個月就結束，吳浩康更喺IG出post指：「自知有不足，而不配為你的男朋友」，但就被崔碧珈怒轟「講大話」同「扮上進」，兩人不歡而散！之後吳浩康更指因而對愛情失去信心同希望。
Photo from 崔碧珈 IG
Photo from 崔碧珈 IG
舊愛大方送祝福
曾被認為係「無腳嘅雀仔」，今次吳浩康結婚兼做爸爸，佢表示自己會定性，佢嘅前度莊鍶敏、鍾舒漫、李昭南就稱同佢無咩聯絡，但仍大方送上祝福。
Photo from 吳浩康 IG
Photo from 吳浩康 IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
