亞洲超星團｜Rain做導師超嚴格，曾志偉嚇到O嘴！冼靖峰排名出人意料

By Jennifer on 27 Nov 2023

Digital Editor

《亞洲超星團》由TVB聯合內地製作嘅選秀節目，參加嘅香港代表有《聲夢傳奇》冼靖峰、Hugo黃奕斌、洪欣兒子張鎬濂、丁子朗等。節目搵嚟Rain擔任總製作人，佢對參賽練習生嘅評語非常嚴格，連召集人曾志偉都嚇一跳！

Photo from 《亞洲超星團》微博

《亞洲超星團》日前播出第一集，內地、香港、韓國多地練習生將進行初舞台考核，初舞台考核由召集人曾志偉、總製作人Rain及導師：程瀟、朱正廷、農夫C君評定出練習生的星級，星級分為三等：最高係一等星、之後係二等星、三等星為最低。每個星級代表不同票數：一等星—20,000票、二等星—10,000票、三等星—0票。

Photo from TVB

第一集Rain就已經展現出佢對練習生嚴格嘅要求，韓國練習生金東彬同黃昇大嘅初舞台引起關注，導師之一程瀟指出佢哋其實都有好長嘅練習時間，亦出演過其他節目，所以對佢哋嘅表演有啲期待。

Photo from TVB

不過Rain就表示佢戴嘅earphone係去除咗伴奏，所以可以清楚聽到練習生嘅原聲，佢批評黃昇大對於歌曲有自信可以唱得好嘅部分就唱，唱得唔好嘅部分就唔唱，即使係唱，佢嘅音調都唔啱。至於舞蹈方面，Rain更直言編舞好似喺邊度見過：「基本功不太行！」仲話可以完全搵唔到優點可以稱讚佢哋。

Photo from TVB

曾志偉就稱佢一早估到Rain對練習生嘅要求一定好高，因為佢哋畢竟係代表韓國。不過Rain畀分嘅嚴格程度都嚇倒曾志偉！內地練習生楊傳卓、白子亦、吳玄曄表演後，Rain讚佢哋表情好，不過整體有慢半拍或快半拍嘅感覺。

Photo from TVB

Rain認為佢哋3個太興奮，腳有啲無力，如果冷靜啲表演，表現會更好。正當其他練習生都估佢哋可能會係一等星或二等星，導師商量時Rain就直言佢哋3個無一個表現係好嘅，曾志偉指：「但是一來就3個三等星，我覺得有點殘忍。」C君亦表示佢哋第一隊出場，可能會好緊張，可以畀啲同情分。

Photo from TVB

不過另一位導師朱正廷就認為咁對後面出場嘅其他人亦不公平。後期採訪時曾志偉直言Rain、程瀟、朱正廷評分標準同佢哋嘅理解有好大分別，佢覺得第一組3個人表現都唔錯，但全部人一齊畀分時結果卻令佢大感意外：「全部人一齊計得三隻手指！嘩！我即刻好詫異！咁好都得0分？！唔係呀嘛！」

Photo from TVB

最終3人都係三等星，即係0票。之後香港練習生冼靖峰嘅組別出場，冼靖峰嘅主題曲《閃耀/Shining》直拍影片之前一度引起熱議，佢更被指舞步跟唔上音樂，舞蹈實力有待進步，網友直言：「睇到好尷尬！」

Photo from TVB

Photo from 《亞洲超星團》

不過佢唱歌卻獲嚴格嘅Rain大讚，Rain指佢聲音好聽，但唱舞曲時節奏非常重要，佢建議冼靖峰多聽funky音樂多加練習，而冼靖峰亦係全組唯一一位二等星練習生。第一集播出後佢嘅初舞台總票數達到26,954，暫時排第七位。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

TVB搞男團選秀《亞洲超星團》 26歲丁子朗超齡參賽宣傳片動作被指油膩

9 Aug 2023

TVB去年年初推出限定10人男團Super Tiger引起熱議，但他們未出道已換血重組，更消失於大眾目光，打造男團計劃成為泡影。不過TVB未有放棄，早前他們宣布與香港星空衛視合力製作男偶像選秀節目《亞洲超星團》，近日官方公布參賽者名單，當中有不少星二代、曾參加《聲夢傳奇》的歌手以及TVB近年力捧的小生丁子朗！

Photo from 《亞洲超星團》徵博

9位香港代表參賽者集結星二代、歌手及小生

《亞洲超星團》將由TVB獨家電視播出及優酷國際版獨家網絡播出，節目希望打造國際潮流、青春洋溢的「華流偶像、亞洲超星」，在香港、內地、日本、韓國、台灣及星馬地區發掘潛力選手打造國際化偶像男團。昨日(8日)官方公布65位練習生名單，當中有9名香港代表，包括26歲丁子朗、《聲夢傳奇》出身的25歲冼靖峰及23歲黃奕斌、《聲夢傳奇2》23歲文佐匡、莫少聰及洪欣的22歲兒子張鎬濂、名模歐陽妙芝的15歲細仔方玉亨、23歲環球唱片旗下歌手余宗遙、TVB童星出身的21歲區珀豪及獨立團體ApeX成員20歲黃星綽。

Photo from 《亞洲超星團》微博

上位小生丁子朗超齡參賽港男亞軍出身獲TVB力捧

現年26歲丁子朗在眾多參賽者中年紀最大，《亞洲超星團》進行招募時寫明參賽者必須年齡介乎16-25歲，但1997年6月30日出生的丁子朗已經超齡，或許他報名時仍是25歲所以符合資格，他亦是節目中的超齡練習生。丁子朗於2016年參選《香港先生》獲亞軍入行，加入TVB後備受力捧，近年劇接劇拍不停，更上位擔正做男一，入行7年他參演超過20部劇，包括《青春不要臉》、《美麗戰場》、《下流上車族》等，去年更奪得「飛躍進步男藝員」。

Photo from 丁子朗 IG

Photo from TVB USA Official YouTube

丁子朗造型照被笑「炒晒車」宣傳片令人尷尬

丁子朗在《亞洲超星團》的造型照公開後，不少網民直指官方過份P圖，丁子朗一向給人的印象是大隻陽光型男，但造型照卻變成油頭粉面，完全認不出他，有人直言：「你係唔係得罪咗化妝師同埋攝影師」、「張相咩回事炒晒車」、「個樣好怪」其後有網民發現丁子朗的官方變身宣傳影片同樣「出事」，片頭他身穿自己的服飾出場，然後對鏡頭擺出不同動作兼「Chok樣」，再做出官方的A字手勢，最後即變身成官方宣傳照的白衫牛仔褲造型，不少網民坦言影片令人尷尬「好可怕」、「救命，太油了」

Photo from 微博

TVB開節目打造新男團網民：Super Tiger呢？

TVB今次開節目打造全新男團，不少網民即想起去年年初臨時組成的限定10人男團Super Tiger，當時該男團成員接受訪問直言「唔係唔俾機會我哋呀嘛？」即引起觀眾關注，期待他們的發展，唯不足一年，Super Tiger經歷換血重組，成員方面由10變7，「C位」羅天宇退團，整隊人過了虎年仍未有出道歌曲，最後消失在大眾目光。今次TVB再搞男團，令網民再次關注Super Tiger的近況：「果幾隻Tiger 呢......？」、「之前嗰班Super Tiger呢？」

Photo from TVB USA Official YouTube

Photo from 許俊豪 IG

Text: HolidaySmart Editorial

TVB宣布搞男團選秀節目！靚仔／高度劃一係揀人標準，網民：Super Tiger呢？

23 May 2023

ViuTV選秀節目《全民造星》通過揀素人，過去4屆創造唔少新星，包括人氣男團MIRROR，而TVB最近都宣布要搞男團，今年夏天就會播出，曾志偉昨日透露有關進度及揀人標準。

Photo from TVB 娛樂新聞台 YouTube

宣布舉辦偶像選秀節目

TVB總經理曾志偉昨日（22日）宣布將與曾製作《中國好聲音》、《中國達人秀》嘅燦星文化合作，舉辦偶像選秀節目《亞洲超星團Asia Super Young》，曾志偉表示：「會由韓國、日本、香港、台灣、國內等地區搵一啲好有活力、好Charm嘅年輕人，希望選出一啲好好嘅團隊成為大家嘅偶像。」

Photo from TVB 娛樂新聞台 YouTube

預計6月出街

曾志偉事後接受媒體訪問時，介紹節目內容：「喺亞洲選唔同嘅年輕人，好有潛質，有一啲靚仔又跳得又唱得，希望能夠選出非常受大家歡迎、嚟自唔同地方嘅年輕人組合」，又提到現時進度：「我哋畀咗好多人去interview，但係暫時仲未決定揀到邊個，因為佢哋飛好多地方去揀人，希望能夠揀到啲啦」，問到會幾時播出，曾志偉指：「暑假已經見到，因為已經開始錄⋯⋯6月中、尾，嗰100幾個人已經揀到㗎啦，跟住佢哋仲要訓練，我諗會好早就知」。