AK哥哥轉發Anson Lo表演！疑笑造型+指教主似馮素波，惹神徒不滿

By Jennifer on 23 Jan 2024

Digital Editor

近日，MIRROR演唱會正如火如荼地進行中，Anson Kong（AK）哥哥Ambrose親自到場支持弟弟AK，更在Instagram上發佈看演唱會的Story。他轉發形容Anson Lo是「馮素波」的IG Story，又指他的造型似海賊王的鑽石人，引起了一些神徒的不滿。

Photo from MIRROR IG

MIRROR演唱會吸引不少圈中人到場，各位成員的家人也有現身支持，其中AK的哥哥看完演唱會後更在IG分享觀後感，除了弟弟，他也關注了其他成員的表演，並轉發了演唱會的片段。

Photo from Anson Kong IG

他轉發了Anson Lo solo的影片，但拍攝者就以「馮素波」稱呼Anson Lo，加上AK哥哥亦「點評」：「真係好似海賊王入面嘅鑽石人」，令不少神徒大感不滿，認為他完全不尊重弟弟的隊友。

Photo from AK哥哥IG

Photo from 《海賊王》

Photo from Anson Lo IG

之後AK哥哥即刪除Story，並回應指自己粗心大意，沒留意到「馮素波」就轉發了story：「如果我見到就一定〇會轉發，這都是我會del post的原因，呢啲係我問題，我願意承擔責任，你哋要怪就我好啦。」

Photo from AK哥哥IG

Photo from 馮素波IG

AK哥哥又解釋說他十分欣賞鑽石人這個角色，並指Anson Lo這套衣服喚起了他的童年回憶，AK哥哥也大讚教主跳得很好。對他的言論感到抱歉。

Photo from Anson Lo IG

另外AK哥哥亦有轉發Edan的彩蛋，他指：「尋日聽完呢個彩蛋，心諗佢係咪想寫保險，不過真心好感動」

Photo from AK哥哥IG

之後AK哥哥再次發文，他表示對教主完全沒有惡意，鑽石人這個角色也十分正面，最後他指自己刪除story是因為牽涉到另一位娛樂圈前輩，所以覺得要del post比較好。

Photo from AK哥哥IG

他也指對Edan十分欣賞，絕對沒有半點恥笑之情，自己對Edan所講的說話十分感動，更忍不住留淚：「如果有任何誤會，誠心抱歉。」

Photo from AK哥哥IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Anson Lo盧瀚霆晒長腿照，被指P圖太重手令牆身、枱腳變形？！

12 Sep 2023

MIRROR成員Anson Lo（盧瀚霆）經常喺IG分享近照，最近佢晒出西裝相，獲神徒大讚長腳好搶鏡！不過其中一張相背景嘅牆面及枱腳卻有「扭曲」嘅情況出現，因此有網民懷疑相片有P圖？！

Photo from Anson Lo IG

教主Anson Lo近日主演嘅電影《釀魂》上映，佢有喺IG發文分享當時拍攝嘅心路歷程，其實教主不時喺IG與fans交流，會出post或Story分享排舞、練歌、拍戲花絮等近況。

Photo from Anson Lo IG

最近佢就喺IG大晒西裝look，並留言：「I’ve got my own ways. I stay in my own lane. I’ll just be me working hard as always.（我有我自己嘅方法。我會留喺我自己嘅跑道。我就做我自己，一如以往咁努力工作。）」

Photo from Anson Lo IG

教主就指係佢新歌嘅message，唔少神徒都力撐偶像：「你嘅跑道還有我們」、「用你認為最舒服嘅方法，就你想走嘅路，我一定會努力應援你」、「神徒喜歡的就是努力做好自己的你」

Photo from Anson Lo IG

另外亦有好多fans大讚相片完全突顯教主嘅長腿：「目測有兩米高」、「嘩！條腿長到」、「長腿型男」、「西裝真係不得了」、「係咪掛住我地掛到腿都長曬？」

Photo from Anson Lo IG

不過其中一張相卻被部分網民指疑似P圖太重手！相中Anson Lo俯身向前，但背景嘅木紋牆面卻十分搶鏡，因為牆身嘅紋理顯得唔係好自然，尤其係電制旁邊嘅木紋亦明顯同之前幾張相不同，另外相片右邊嘅枱腳同枱面都有「扭曲」嘅情況。但亦有網民表示教主個樣同之前無分別，都係咁靚仔！相信就算P圖都只係P咗牆角、枱腳等。

Photo from Anson Lo IG

Text: HolidaySmart Editorial

MIRROR演唱會｜Anson Lo被指冷漠獲澄清！6件事力證教主愛錫隊友關心dancer

1 Aug 2022

MIRROR演唱會發生不幸事件，事後網上有聲音指出Anson Lo（盧瀚霆）喺dancer受傷後仍顧住唱歌，直指佢為人冷漠。但最近有網民整合教主喺呢幾日演唱會上嘅小舉動，澄清佢根本係好關心MIRROR一班隊友同dancer！

Photo from Anson Lo IG

阿MO受傷後Anson Lo繼續唱跳被批冷漠

由於事發當時係Anson Lo同Edan嘅合作舞台，網上流傳出事時Anson Lo仍然係台上表演，及後發現大螢幕倒下，都只係「慢悠悠」咁行過去，有網友形容「行catwalk」咁。直指Anson Lo無衝上前關心傷者，反映佢冷漠嘅一面。

Photo from Instagram @lhtp.707

雖然有唔少人提出意外發生時Anson Lo正背對住事發地點，唔知道有舞蹈員受傷，舞台燈光又突然變暗，令佢轉身後仍未知發生咩事，有資深舞台工作者亦指表演者喺台上戴住耳咪，其實聽唔到都好正常，不過批評聲音依舊。

Photo from Anson Lo IG

其實教主同受傷嘅阿MO李啟言大學時已相識，兩人感情要好，阿MO更多次為教主solo歌曲伴舞，相信事件發生後教主都十分傷心。有網民喺連登討論區出post，澄清教主為人善良，好緊張、在乎隊友同dancer。

Photo from 阿Mo IG

1. 幫手托起跌倒嘅Frankie

第二場演唱會上Frankie不慎從升降台上跌落，令在場觀眾大吃一驚，好彩Frankie無大礙，佢之後仲喺IG Story報平安。但其實Frankie差少少就跌落升降台下面個窿！好彩有人出手托起Frankie，有網民從托住Frankie嘅手攞住咪、手袖顏色推斷出幫手托起Frankie嘅係Anson Lo同Edan。

Photo from Instagram @sher.mirror

Photo from LIHKG

2. 扶實喺橋上跳躍嘅Jer

MIRROR演唱會舞台安全令人擔憂，從網民拍攝嘅影片中可見險象環生。第一日演唱會，MIRROR 12位成員企上嘅長升降橋就不停晃動，由於升降橋離地有一段距離，所以觀眾都睇到心驚膽顫。其中Jer就似乎十分興奮，忍唔住喺橋上跳下跳下，而教主見狀即行過去Jer旁邊捉實對方。

Photo from LIHKG

3. 提醒Edan要小心

唱完歌後，Anson Lo同Edan喺同一個升降台落台，落台時教主同Edan都向觀眾揮手致意，由於升降台係三角形，位置唔大，期間教主用隻手提醒Edan要小心，以免落台時唔啱位或掛住揮手會撞親。

Photo from YouTube @mutelaa

4. Jer跣親，Anson Lo即出手相扶

喺紅館開演唱會係唔少歌手嘅夢想，而Jer同fans同樂，喺台上又跑又跳，更不慎跣親！Anson Lo咁啱行到佢隔離就即刻出手扶一扶，之後Jer繼續好似小朋友咁開心跑走，而教主就一臉擔心咁望住Jer。

Photo from LIHKG

5. 改dance break保障dancers安全

教主嘅solo舞台有一段dance break係瞓喺dancer身上踢腿，而原本表演ending係教主向後跌落台，但由於太危險，演唱會第三日就cut左跌落台，改為直接喺中間降落台，不過第四日ending教主雖然仍企台中間，但並未有降落，反而要自己兜半個台離開，而dance break亦取消踢腿動作，網民表示：「機關出事自己改dance break保障dancers安全」

Photo from LIHKG

Photo from Anson Lo IG

6. Anson Lo自己亦有受傷

有fans影到著露背裝嘅教主身上亦有傷痕：「求你哋...唔好再鬧佢，心痛死！佢為咗個表演傷晒都要繼續向後跌」

Photo from LIHKG

網民心痛教主：好無辜

網民稱：「由頭到尾AL先係安全大使又顧隊友又有顧Dancers」，但呢幾日佢就僅僅因為未有即時上前關心傷者而被批評多日，替佢不值。唔少網友都表示Anson Lo今次好無辜，而且好友阿MO受傷，佢心一定係最唔好受，又指睇得出佢喺演唱會上經常執生，而且好多行內人士，包括dancers聲明都講到明唔關表演者事，問題明明係幕後但就錯將矛頭指向無辜嘅表演者身上。