陳慧琳自揭曾遭女歌手使橫手奪獎爆某年公司曾收到風聲會奪獎點知「跟住後尾冇咗」？！

By Macy Sun on 27 May 2024

由黎芷珊主持的TVB節目《芷珊約您》昨晚（26日）播出第6集，該集嘉賓就請來陳慧琳（Kelly），黎芷珊除了赴廣州直擊Kelly巡迴演唱會演出，更與她深度專訪，當中Kelly就自爆某年參加頒獎禮，事前公司曾收到風聲指自己會奪獎點知「跟住後尾冇咗」，懷疑是遭某女歌手使橫手奪獎？！

Photo from 黎芷珊IG

陳慧琳（Kelly）由去年9月起舉行世界巡迴演唱會，今年2月的廣州站，黎芷珊便帶觀眾全程直擊巡唱演出，無論騷前的綵排情況，以至後台重地的quick change地方，製作組都一一記錄下來。Kelly今次巡唱要挑戰多首快歌，自認從小不善於記舞步的她，笑言經常在家對著雪櫃練舞；又指連換表演服裝都需要練近百次，可見Kelly對每一個細節都一絲不苟。對自我要求極高的Kelly，每逢開騷前更必定閉關不出門，兩日前更封嘴養聲，務求以百分百最佳狀況演出：「我咁辛苦，就係想喺台度畀最好嘅大家，要100%做到投入先得，爭8%都唔得！」

Photo from TVB截圖

不過原來Kelly巡唱原定計劃是於2018年舉行，可惜當時遇上數年疫情，巡唱一度擱置，但作為天后的她未有荒廢日子，反而學唱歌增值自己。可是，疫情數年間卻是Kelly最不快樂的日子，她自爆當時自己曾肥足近20磅不敢見人，推掉工作邀請，加上時間流逝令她感到迷茫：「我係咪就咁玩完？全世界係咪就咁玩完？一年一年咁過去，（年齡）由四字頭變五字頭，我老喇！」直到2022年香港電影金像獎頒獎禮「復出」幕前，Kelly坦言目前人生階段感到很快樂：「而家做到我想做嘅野，好自然、好舒服繼續行我嘅人生。」

Photo from TVB截圖

另外Kelly於2001年起連續六年奪得亞太區最受歡迎香港女歌星獎，天后地位毋庸置疑。然而她就直言當年樂壇爭獎氣氛激烈，並大爆有一年曾頒獎禮前夕就獲洩漏風聲指自己會奪獎，但最後獲獎卻是另一位女歌手：「記得有一次唔知邊個台，同唱片公司高層講係Kelly架喇，跟住後尾冇咗，咁梗係有人……唔知做乜啦，總之冇咗，我仲要安慰番唱片公司嘅人。」不過她認為作品在歌迷心中的反應，比獎項更重要：「最緊要每一年你有幾多隻好歌，歌迷係鍾意，你hit到幾多隻歌出來，嗰個成績反而緊要過畀個獎你。」