陳百祥阿叻足球比賽怒踢對手！疑不滿球證判決！最終結局曝光
香港明星足球隊由譚詠麟、陳百祥 (阿叻)、黃日華等知名藝人組成，近年來在內地參加各類友誼賽，吸引了大量粉絲關注。最近阿叻就在汕頭與廣東萬力名人足球隊踢友誼賽，期間更出腳踢對方球員，掀起熱議。
Photo from 陳百祥小紅書
現年74歲的陳百祥一向是圈中知名球迷，他是荷蘭隊的忠實fans，本人也是香港明星足球隊成員之一，他近日隨隊到汕頭比賽，當天明星足球隊與廣東萬力名人足球隊對決，最終比分是1比1。
Photo from TVB
Photo from 陳百祥小紅書
然而，這場原本應該充滿運動精神的比賽卻因一個爭議事件而蒙上陰影。比賽進行期間，明星足球隊被判罰十二碼，之後阿叻在中圈開球卻被對手搶斷，他疑因此大為不滿，竟怒踢對手！球證見狀即舉黃牌警告！
Photo from 抖音
Photo from 抖音
Photo from 抖音
但阿叻似乎對判決感到不滿，影片中可見他一直在說話，引發了場上的騷動，對方球員也忍不住上前爭論。最終明星足球隊的隊友將他拉開，阿叻也自行落場，才沒有出現過激事件。
Photo from 抖音
Photo from 抖音
Photo from 抖音
阿叻這一行為立即引起了廣泛關注和討論，尤其是在社交媒體上，網民紛紛批評阿叻的行為。一些網友認為，作為一名公眾人物，阿叻應該以身作則，保持良好的球品，而不是因一時之氣做出如此極端的行為。亦有人指踢足球有身體磨擦實屬正常，不用太苛責。
Photo from 抖音
Photo from 陳百祥小紅書
值得一提的是，這已經不是明星足球隊第一次因為球員的不當行為而引發爭議。去年底，黃日華也曾因「報復性」踢人事件向公眾道歉，當時他的行為同樣引起了網民的強烈批評。不少人認為，明星足球隊雖然是娛樂性質的比賽，但球員們仍然應該遵守基本的運動規則和道德標準。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳百祥阿叻反口決定「復出」！全因曾志偉極力挽留？曾經歷2次破產，獲圈中好友借錢幫助！
17 Aug 2022
72歲藝人陳百祥（阿叻）日前喺錄影節目《答得快好世界》時突然宣佈將會係最後一次主持節目，未來亦唔會再參與電視、電影等演藝節目，似乎係想退出幕前，引起熱議。日前，佢喺現身籌款節目記者會時卻透露暫緩計畫，仲話全因大台高層曾志偉嘅挽留？！
Photo from 《以時相聚》
阿叻無預警宣佈退出幕前！
陳百祥（阿叻）早前無預警地透露自己即將退居幕後，仲話未來應該唔會再參加任何演藝工作，並且打算轉行做生意。當時佢就表示喺本月20日嘅慈善騷將會係佢喺大台最後一次亮相，似乎真係下定決心要好好休息下咁～
Photo from 娛樂新聞台
突然改口決定「復出」！
然而計畫總是趕不上變化！日前，阿叻喺受訪時反口決定「復出」繼續發展演藝工作；佢表示講完「隱退」嘅事情後，曾志偉立刻打電話俾佢「你唔係嘛！我做咗TVB你先收工？！」為咗幫好友決定暫緩計畫「起碼幫咗今年先啦」，不過佢強調工作量一定唔多，仲話自己好享受喺娛樂圈所做嘅工作～
Photo from 娛樂新聞台
Photo from 娛樂新聞台
全因感謝曾志偉2008年出手幫助？！
阿叻又提及幫曾志偉全因念在多年嘅舊情，憶述對方喺2008年金融風暴曾經出手幫佢，當時曾志偉仲攞定期存款借俾佢，金額高達8、9位數；而阿叻亦表示自己喺兩星期內還清，但至今依然非常感謝對方出手相助！
Photo from 《最佳拍檔》
Photo from 《精裝追女仔》劇照
過往好友譚詠麟都曾借錢幫手！
其後，阿叻透露當年就連好友譚詠麟都義不容辭幫佢，將自己本身用作買樓嘅$3萬首期借俾佢，令佢不禁感嘆「我係無用嘅人，只係夠運！」睇得出佢嘅朋友似乎都好信任佢～
Photo from 譚詠麟微博
Photo from 《娛樂三兄弟》
事業發展波折重重！
其實過往阿叻除咗發展演藝事業，仲曾經營商嘅經驗，可惜都失敗吿終。初期佢曾經開製衣廠，身家一度飆升至過千萬，可惜最終生意跌落低谷，而佢仲要申請破產！直到2000年，佢再與成龍、曾志偉、譚詠麟、梅艷芳等集資$1千萬成立東方魅力公司，但佢投資失利，導致欠債逾千萬，二度申請破產。
Photo from 《今晚睇李》
三人友誼深厚
其實三人都係香港明星足球隊，過往經常一齊出席慈善騷、足球活動等，係眾所周知嘅好兄弟。雖然早前曾傳出阿叻同曾志偉嘅友誼生變，而佢仲話同曾志偉毫無交情，但相信傳聞都已經不攻自破喇～
Photo from 香港明星足球隊微博
Photo from 黄杏秀微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
