《愛回家之開心速遞》送水輝做主線劇情夠貼地 為現實生活放棄兒時夢想

琴日播出嘅《愛回家》由送水輝做主線，但少有地大小姐竟然無出過鏡，可以話係送水輝真正做主角嘅一集。

除咗送水輝由頭帶到尾做主線之外，劇情都非常貼地，勁有共鳴。

琴日嗰集嘅題目係《我的志願》，一開始講Philip仔因為扭親腳要退出學校田徑隊，佢覺得做運動員無前途，賺唔到錢。

Photo from 《愛回家之開心速遞》

而學校田徑隊只有Philip仔一個成員，所以譚校長就希望送水輝可以勸Philip仔改變主意。

而送水輝就以自己以前玩推鉛球嘅經歷話俾Philip仔知，做運動員都可以好開心。點知被Philip仔反問係咪正正因為咁，佢依家先係「低級客戶主任」。

Photo from 《愛回家之開心速遞》

Photo from 《愛回家之開心速遞》

送口輝向同事訴苦，而成班同事就諗計令Philip仔對爸爸改觀，認為爸爸都好做得嘢，一啲都唔低級。

本來好地地，但細龍太嘅出現令成個計劃失敗咗。

Photo from 《愛回家之開心速遞》

於是送水輝打算發憤圖強，努力晉升做管理層。但係Helen姐就同佢講要做管理層一定要有大學學位，所以佢點升都只能做高級客戶主任。

Photo from 《愛回家之開心速遞》

Photo from 《愛回家之開心速遞》

灰心嘅送水輝喺街上咁啱見到有人搶生果檔啲錢，於是佢隨手拎起一個沙田柚，用推鉛球技術將沙田柚推出去，成功擊中搶匪，幫老闆娘攞返啲錢。

Photo from 《愛回家之開心速遞》

呢件事令送水輝諗返起自己細個推鉛球嗰陣，生活好純粹、好簡單，以前送水輝嘅志願係做推鉛球運動員，但過咗咁多年，依家嘅佢幾乎同鉛球都扯唔上咩關係。

Photo from 《愛回家之開心速遞》

Photo from 《愛回家之開心速遞》

Photo from 《愛回家之開心速遞》

小編睇到呢度都覺得好唏噓，細個寫嘅「我的志願」唔知有幾多人真係能夠做到，事實上有唔少人為生活放棄咗自己嘅夢想。

網友都話呢集好貼地，令人諗返起自己，細個滿懷理想，但最終向現實屈服。

Photo from 連登討論區

Photo from 連登討論區

Photo from 連登討論區

Photo from 連登討論區

不過呢集都悲中有喜，譚校長扮Philip仔語氣真係好似，笑到小編gap gap聲。

資料來源：連登討論區

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）