郭羨妮9歲囡近照曝光獲網民大讚！過往緋聞多！與內地老公結婚卻不被看好？

娛樂新聞

By Stephanie on 11 Jan 2022

Digital Content Writer

郭羨妮（Sonija）過往曾經憑著美貌獲網民大讚「最美港姐」，而佢自從2015年離巢後就淡出幕前，相夫教子。最近，佢就上載咗同丈夫朱少傑以及囡囡一家三口嘅溫馨照，而唔少網民仲大讚囡囡Kylie樣貌標緻，同佢非常相似！

Photo from 郭羨妮IG

# 郭羨妮榮獲港姐冠軍，正式入行！

現年47歲嘅郭羨妮（Sonija）喺1999年參選香港小姐榮獲冠軍，亦係2000年國際華裔小姐冠軍。本身係中英混血兒嘅佢擁有深邃嘅五官，仲因此而被網民封為「最美港姐」！加入TVB後，佢曾經參與多部電視劇拍攝，備受力捧。

Photo from TVB

# 2015年離巢後，淡出幕前！

直到2015年，郭羨妮喺拍攝完電視劇《無雙譜》後就宣佈離開TVB，正式結束16年合作關係，並淡出幕前，專心照顧丈夫同囡囡！不過，久未復出拍戲嘅佢上年就獲ViuTV出演科幻劇集《冥冥之中》，令唔少網民都表示好期待，預計今年播出。

Photo from 郭羨妮IG

# 公開一家三口近照，囡囡被網民大讚靚女！

早前，郭羨妮就喺IG上載咗一家三口嘅溫馨自拍照，而9歲嘅囡囡Kylie嘅近況亦因此而曝光！唔少網民都大讚囡囡盡得媽媽「真傳」，有水汪汪嘅大眼睛、深邃嘅輪廓等，非常可愛～

Photo from 郭羨妮IG

# 過往緋聞多，導致形象插水？！

過往郭羨妮嘅人氣都非常高，係其中一位當紅花旦。不過「人紅就自然是非多」，當時就曾經傳出同楊思琦因合作《無名天使3D》鬧不和；而佢嘅緋聞亦十分多，頻頻同劇中嘅男主角傳出緋聞，包括有：溫兆倫、陶大宇等。而傳出緋聞時，陶大宇就剛剛同結婚7年嘅太太離婚，令唔少外界推測婚變原因同佢有好大關聯，仲因此而被冠上「狐妮」稱號，形象插水！

Photo from 《牛郎織女》

Photo from TVB

# 2011年與朱少傑結婚，卻不被網民看好？！

後來，郭羨妮就轉移返內地發展，2011年佢因拍攝《宮鎖心玉》遇見比佢細6年嘅內地動作導演朱少杰，兩人交往幾個月後就結婚！當時報導一出，外界都唔睇好佢哋嘅戀情，認為女尊男卑，事業差距大。

Photo from 郭羨妮微博

Photo from 郭羨妮IG

# 結婚11年甜蜜依然～

不過，郭羨妮並冇理會外界嘅聲音，仲曾經喺訪問期間大讚丈夫夠單純以及疼愛佢，強調自己並唔注重物質！而佢都成功以行動證明對丈夫嘅愛意，結婚11年都依然好恩愛～

Photo from 郭羨妮IG

相關文章：歷屆港姐泳衣大晒冷！一件頭都勁性感！楊思琦爆有專人望住佳麗著泳衣

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

郭羨妮自爆當年選港姐同房佳麗曾撞鬼？愛貓離世疑兩度返家探望

29 Mar , 2021

藝人郭羨妮與老公朱少杰婚後育有一女，而成為人母後更減產專心照顧家庭。而近日郭羨妮就突然致電靈異節目《恐怖在線》，自爆當年入行後嘅靈異經歷。

唔少鍾意聽靈異事件嘅人都一定聽過由「鬼王」潘紹聰主持嘅靈異節目《恐怖在線》，而喺最近一集，郭羨妮就驚喜 call in 嘅自爆曾遇過嘅三段靈異經歷。

一開始時，郭羨妮先透露自己嘅愛貓喺去年 6 月時離世，懷疑愛貓兩度附身喺唔同嘅動物身上屋企探佢，佢指當時同個女坐喺露台好傷心，但女兒突然大嗌就見到一隻大大嘅草蜢出現喺十幾樓高嘅露台，當時佢就為咗保護受驚嘅女兒一手將草蜢拍死，仲沖埋落厠所。後嚟佢先諗係咪貓貓呢：「之後我將貓貓啲骨灰撒落屋企嘅植物度，希望將生命延續，突然有隻雀仔飛埋嚟我露台度唱歌，呢啲咁無可能發生嘅事，當我想攞相機影相時佢就即刻飛走咗。」

郭羨妮之後更透露當年佢入行後曾租西貢近北潭涌某單位 1 年，佢媽媽更遇上血光之災入院：「間屋好奇怪，每日都唔知自己做緊咩，搬入去全年冇買過梳化，喺屋企都係坐外景櫈，冇心機去諗點搞間屋，好冰冷。」

之後郭羨妮嘅兩隻愛犬亦不幸離世，並指當時喺嗰度住時不時都會聽到有人撳門鐘，但又冇人，所以最後一家人頂唔順住咗一年搬走咗。

而最後一件靈異事件，佢就指喺發生喺 1999 年，當年佢選港姐期間同一班佳麗去中山拍外景，佢指當時工作完返到酒店倒頭大睡，但點知第二日起身時見到同房室友，用好怪異嘅眼神望住她問：「尋晚你有冇過嚟我張床度坐？」當時佢嘅室友就指前一晚感覺到張床「凹咗」就好似有人坐喺佢張床咁，郭羨妮即否認，而佢之後就懷疑當年兩人曾移動過房內佈置，或許因此招來靈。唔知當年邊位佳麗同佢同一間房呢？！

Text: HolidaySmart Editorial

【好恐怖！】必睇ViuTV 《黑市》人性黑暗港產劇王貽興導演超刺激靈異劇情

03 Jan 2020

相信唔少人都好鍾意睇《奇幻潮》，覺得佢嘅靈異故事好刺激，但可惜香港好少呢類題材嘅電視劇。不過，最近ViuTV播出嘅《黑市》就一定好啱你！佢有20集，每集一個故事，每個故事都帶出人性嘅陰暗面，亦有唔少靈異、奇幻元素！有啲似ViuTV早前播出嘅《理想國》。

Photo from ViuTV

《黑市》由王貽興執導，佢接受訪問時表示佢最鍾意《偽善若水》呢集，佢話雖然劇本喺1年前寫，但同而家社會發生嘅某啲事不謀而合「嗰下應該係最心寒」。《偽善若水》係講述政府推出咗流感疫苗，但佢真正目的係要透過疫苗控制市民，令大眾反抗唔到，想帶出要唔要接受被同化嘅問題。呢個單元仲未播出，但淨睇簡介，都已經聯想到現時嘅社會狀況。