萬梓良熱情與女伴跳舞，女方驚恐表情惹熱議！過往都因為性格太熱情，導致尷尬場面頻生？

By Stephanie on 27 Apr 2022

Digital Content Writer

現年64歲嘅萬梓良定居於內地，經常出席各種唔同商演，仲收咗唔少位徒弟。最近，有網民上載佢登台表演前嘅排練片段，只見佢一臉情深，並且同女伴舞一齊翩翩起舞。然而，女伴嘅表情卻變得異常驚恐，仲好似想避開佢咁，場面尷尬！

Photo from 萬梓良經理人微博

資深演員萬梓良曾獲得金馬影帝殊榮！

資深演員萬梓良於1980年至1990年代主演唔少經典劇集，佢有份出演嘅劇集收視率都頗高，係當時嘅一線小生。1984年，佢憑電影《男與女》獲得台灣金馬獎及香港金像獎「最佳男主角」提名，直到1988年先成功奪下第一座「金馬影帝」殊榮，演技實力備受肯定！1996年，佢開始淡出娛樂圈，並往內地發展服裝生意。

Photo from 《流氓大亨》

Photo from 萬梓良微博

2017年再度復出，上年開始不停收徒弟！

直到2017年，萬梓良開始復出拍戲，將事業重心轉移返內地。擁有「大哥」風範嘅佢上年開始一口氣收咗4位徒弟，包括有「綠葉」林敬剛、內地網紅王薛儼等。其中佢與內地演員張永達嘅「拜師儀式」受到關注，事關佢飲完水之後再向對方嘅臉部噴水，令唔少網民都覺得似乎唔太恰當！

Photo from 微博

表演彩排片段被公開！

近日，萬梓良仲開始出演唔同嘅內地商演，大開金口為大家獻唱歌曲。日前，有網民上載萬梓良上台表演前嘅綵排片段，只見片中嘅佢身穿灰色大衣，攞住支mic熱情獻唱，表情非常投入；而旁邊仲又一位女伴舞為佢嘅歌聲助慶！

Photo from 微博

熱情與女伴舞跳舞，但對方卻一臉驚恐

後來，萬梓良似乎越唱越喜慶，忍唔住同女伴舞一齊跳舞，仲一度激動到將女方抱入懷裏。不過對方嘅表情卻顯得非常驚恐，似乎同本身嘅舞蹈編排有啲出入；但亦冇影響到佢嘅興致，仲反而不停望實女方，搞到對方好尷尬！唔少網民都認為萬梓良行為有啲過火，令大家不禁覺得有「抽水」嘅嫌疑？！

Photo from 微博

性格太熱情，導致尷尬場面頻頻出現？

內地網民隨即爆料，指萬梓良過往經常都因為性格熱情而嚇親身邊嘅人，無論對方係男或者女都會給予擁抱，令唔少網民認為佢嘅行為「有啲over」！而網民就重新翻出佢於粉絲見面會中攬女粉絲、拉住表演女主持人等照片，再度引起熱議。

Photo from 微博

相關文章：萬梓良揭深圳封城情況！全民強檢大嗌深圳加油卻因一行為被鬧？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

萬梓良收徒弟儀式要含水噴臉？！收《戰狼》、TVB演員為徒過程好奇特

11 Feb , 2022

萬梓良現時長居內地，雖然曾傳佢身體不佳，但佢仍不時登台演出，仲會收徒弟，例如演員林敬剛、內地網紅王薛儼等。近日，網上流傳佢再次收徒弟嘅片段，佢就係曾參演電影《戰狼》嘅張永達，儀式過程都相當獨特，萬梓良竟然更用口噴水落對方臉上！

Photo from 萬梓良微博

萬梓良早前與妻子補拍婚照

64歲萬梓良於2002年與小16歲妻子，前空姐郭明黎結婚。近日二人補拍婚照，佢哋嘅18歲兒子萬大千同一眾兄弟都有到場支持，十分熱鬧。萬梓良更高呼：「萬子娶老婆，掂唔掂？」身後兄弟都齊心答：「掂！」，睇落好有氣勢。

Photo from 微博

萬梓良收徒弟要含水噴臉？

萬梓良除了不時在內地參加商演，仲會大搞收徒弟儀式，據聞佢在去年已收了四名徒弟。近日，有網民上載萬梓良收徒弟嘅短片，片中嘅徒弟就係有份出演內地電影《戰狼》嘅張永達，可見佢身穿背心，戴著拳套，跪在萬梓良面前。

Photo from 微博

張永達向萬梓良遞咗一杯水，萬梓良接過後飲咗啖，之後佢再攞另一支水，又飲一啖後竟然將水噴落張永達臉上，並問道：「醒了嗎？」張永達回答：「好。」拜師儀式始乎順利完成。

Photo from 微博

萬梓良收張永達做最後徒弟？！

對此，唔少網民都對儀式大感不解，唔明有咩必要噴水。而且，其實萬梓良早於去年已經同張永達進行過儀式，當時佢更聲稱：「我發誓，你是我最後一個徒弟！」張永達之後向萬梓良敬茶，誠心說道：「謹遵師父教誨！」然後，萬梓良拿出一沓利是，並用利是多次拍張永達額頭。

Photo from 抖音

多次舉行獨特拜師儀式

萬梓良多次舉行收徒弟儀式，佢於去年4月參與內地電影《創業大贏家》開機儀式期間，順便收埋綠葉演員林敬剛為徒。林敬剛跪在萬梓良面前，萬梓良將佢改名為林奔，萬又拿出一疊價值一萬元人民幣嘅銀紙做見面禮，亦有用銀紙拍打對方頭頂，期間更向林敬剛講：「做咗咁耐騎呢啡，從今日開始，唔洗再做騎呢啡，TVB唔用你，就我用你。」