貧窮限制想像|黃嘉雯失手跌爛古董?!被要求賠償8萬8千!網民一眼看出端倪?

貧窮限制想像|黃嘉雯失手跌爛古董?!被要求賠償8萬8千!網民一眼看出端倪?

娛樂新聞
By Stephanie on 28 Jun 2022
Digital Content Writer

J2台現時已經再次以全新面貌喺大眾面前亮相,當中電視台宣佈將會有18個新節目,並由23位J2ers嘅藝人們接力主持。其中節目《貧窮限制想像》喺由方紹聰(奶仔)主持同監製,最新一集中佢就帶黃嘉雯(Carmaney)去拜訪古董收藏家,然而黃嘉雯卻竟然唔小心錯手跌爛其中一個古董,令佢嚇到爆喊!

黃嘉雯喺節目中唔小心失手打爛古董碗,令佢忍唔住淚灑當場!Photo from 黃嘉雯IG

J2台重新出發!

上年,鄭詩君(C君)升呢成為J2創意總監後,揚言希望為觀眾帶來更多有創意嘅綜藝節目。經過佢嘅悉心策劃,早前J2台宣佈更換新標誌重新出發,並以「再出世」為主題推出18個新節目,而C君仲好有心咁親手寫開台歌及收台歌,新企劃已經喺20日開始咗~當中推出嘅節目包括有《喂喂喂 你話你係邊個邊個》、《J2ers︰晚間聽聞》等。

「J2再出世」推出一連串嘅新節目,寓意重新出發!Photo from 娛樂新聞台

《貧窮限制想像》邀請黃嘉雯一齊探訪古董收藏家!

而節目《貧窮限制想像》都係其中一個新節目,並由方紹聰(奶仔)擔任主持人及監製,同節目名稱一樣,佢將會帶領大家去了解「有錢人嘅世界」,等大家體驗非一般嘅豪華生活。最新一集中,佢就邀請2019年港姐冠軍黃嘉雯同佢一齊拜訪古董收藏家「威斯霸王」!

由方紹聰(奶仔)主持節目《貧窮限制想像》最新一集帶咗港姐黃嘉雯去拜訪古董收藏家!Photo from 《貧窮限制想像》

呢位古董收藏家名叫「威斯霸王」,係一位馬來西亞人。Photo from 《貧窮限制想像》

收藏家分享過往購買經歷

收藏家「威斯霸王」坦承只要購買咗古董後,價值就會隨住時間有所增長;佢亦分享一幅名畫可能本身價值最少350萬,不過當畫作擺出去拍賣時,有可能需要花費4000-5000萬先購買到,因為「你有鍾意我又鍾意,啲有錢人見到就會玩嘢」導致好多時候叫價越來越高!

收藏家表示鍾意古董一方面係興趣,另一方面係因為佢哋會升值!Photo from 《貧窮限制想像》

佢表示名畫大多數都係350至650萬不等Photo from 《貧窮限制想像》

但係當名畫公開拍賣,想購買嘅時候就要花費好幾倍嘅錢!Photo from 《貧窮限制想像》

揚言若果主持人跌爛古董,需要自付!

其後,黃嘉雯就詢問「威斯霸王」有冇曾經打爛過古董,而佢亦承認有過類似經驗,並豁達咁話「失敗咗就唔好去諗」,但就表示若果2位主持人唔小心令打爛古董將要自付費用!

收藏家坦承曾經試過唔小心打爛古董!Photo from 《貧窮限制想像》

不過收藏家補充若果主持人唔小心打爛就要自行支付費用!Photo from 《貧窮限制想像》

欣賞陶瓷碗途中,黃嘉雯不慎跌爛古董!

其後,「威斯霸王」為主持人們介紹雍正時代皇帝所使用嘅陶瓷碗,而黃嘉雯亦非常小心翼翼咁攞起欣賞。正當收藏家介紹緊古董嘅歷史時,黃嘉雯似乎突然失手冇接實陶瓷碗,導致跌咗落地,而佢亦驚慌失措咁大叫,立刻攞返起!

收藏家向主持人們展示疑似係雍正時代皇帝所使用嘅飯碗Photo from 《貧窮限制想像》

期間黃嘉雯一度用雙手接過飯碗。Photo from 《貧窮限制想像》

需要賠償$8萬8千!

雖然黃嘉雯已經立刻嘗試補救,但收藏家發現陶瓷碗已經跌崩咗,並要求「慘喇!十幾萬喎!俾個8折你,8萬8啦」現場氣氛立刻變得好嚴肅,而黃嘉雯後來仲不忍落淚,揚言願意負責支付費用。

然而,黃嘉雯似乎失手冇接住飯碗,導致跌崩咗?!Photo from 《貧窮限制想像》

而收藏家要求佢哋俾返$8萬8作為賠償,而黃嘉雯隨即嚇到落淚Photo from 《貧窮限制想像》

結局大反轉!

不過結局似乎有反轉!其實奶仔一早就策劃要整蠱黃嘉雯,並專登自行喺網上購買一個價值$850嘅陶瓷碗放入古董中間「魚目混珠」,正式講返真相!而「威斯霸王」幽默咁要求「唔理啊,賠返5萬」;而黃嘉雯就委屈講出實情「頭先明明係你自己掟落地下度」講出自己嘅心聲!

事實上個「雍正時代陶瓷碗」其實係奶仔網上購買,價值$850!Photo from 《貧窮限制想像》

而黃嘉雯得知真相後,都忍唔住直接話「係你扔落地」!Photo from 《貧窮限制想像》

翻查返其實陶瓷碗跌之前,的確喺收藏家手中~Photo from 《貧窮限制想像》

網民評論好壞參半!

有網民就大讚奶仔擔任主持人,令節目生色不少,認為佢安排嘅整蠱情節非常搞笑;但亦有網民認為節目效果太多「睇都已經見到係個男人自己鬆手」、「會唔會假咗少少?!」等留言。

網民對於節目嘅評價好壞參半!Photo from J2 FB、YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

黃婉恩採訪馬時亨、林子祥狂出事!嗌錯晒嘉賓名,叫停訪問勁尷尬

31 Jan , 2022

早前有爆料指落選港姐𢱑食免費tea走數,後被網民揭真身疑為黃婉恩。佢近日以TVB娛樂新聞主持身份做訪問時再度出事!連環叫錯受訪者個名,搞到對方要求重新訪問,場面超尷尬!

近日黃婉恩以TVB娛樂新聞主持身份做訪問時再度出事!Photo from TVB

落選港姐被爆「𢱑著數」,真身疑為黃婉恩

前新城電台DJ林柏希爆有落選港姐「𢱑著數」,事件引起網友熱議,更出動搵落選港姐嘅IG睇下有無人符合林柏希帖文提到嘅「特徵」。

前新城電台DJ林柏希爆有落選港姐「𢱑著數」,事件引起網友熱議Photo from 梁柏希 Facebook

果然有網友發現2020年香港小姐10強落選佳麗黃婉恩(Yancy Wong)疑似係「走數港姐」!事後佢並未否認係林柏希提到嘅落選港姐。

有網友發現2020年香港小姐10強落選佳麗黃婉恩(Yancy Wong)疑似係「走數港姐」!Photo from 黃婉恩 IG

黃婉恩採訪馬時亨、林子祥連環出事勁尷尬!

事件雖已告一段落,但近日黃婉恩再鬧出笑話!佢以娛樂新聞台主持身份採訪馬時亨主持嘅TVB新節目《名人堂》錄影場地,當日嘉賓係林子祥。

馬時亨主持嘅TVB新節目《名人堂》錄影場地,當日嘉賓係林子祥。Photo from TVB

不過一開波黃婉恩已叫錯名:「今日都想知道點解『馬善行』會邀請......」,馬時亨即時反問:「馬咩話?」,黃婉恩繼續叫錯:「馬是行」,令馬時亨無奈大笑:「咪咪咪,講錯名,你連名都講錯!」

一開波黃婉恩已叫錯名:「今日都想知道點解『馬善行』會邀請......」,馬時亨即時反問:「馬咩話?」Photo from TVB

黃婉恩繼續叫錯:「馬是行」,令馬時亨無奈大笑:「咪咪咪,講錯名,你連名都講錯!」Photo from TVB

之後馬時亨更直言黃婉恩講錯名,一定要Cut咗呢段再錄過,而黃婉恩亦只係講:「唔緊要唔緊要」。黃婉恩最後以「馬生」稱呼馬時亨,但其實馬時亨身上貼咗「馬時亨名人堂」嘅貼紙。

馬時亨更直言黃婉恩講錯名,一定要Cut咗呢段再錄過Photo from TVB

黃婉恩亦叫唔出另一位受訪者林子祥個名,僅稱為「特別嘉賓」:「想知今日馬生點解會邀請阿...阿...阿...特別嘉賓嚟嘅?」,場面十分尷尬!

黃婉恩亦叫唔出另一位受訪者林子祥個名,僅稱為「特別嘉賓」Photo from TVB

網友直言黃婉恩表現不專業

以上小插曲都未有影響到兩位受訪者喺鏡頭前表現,馬時亨亦一笑置之,然而黃婉恩似乎都有受到影響,問題十分「重覆」,來來去去都係問啲類似嘅問題,例如「會唔會回味以前嘅事情?」、「會唔會分享大家嘅故事呢?」」、「會唔會講打波嘅事?」等。

黃婉恩似乎都有受到影響,問題十分「重覆」,來來去去都係問啲類似嘅問題Photo from 黃婉恩 IG

雖然連環出錯,但喺TVB官方公開嘅直播片段未見黃婉恩有向兩位嘉賓道歉。唔少網友睇完之後都直言黃婉恩表現十分唔專業,仲指場面「尷尬過關家姐」、「一聽到『馬善行』已經唔敢睇!」,直言做主持都唔做好啲功課非常離譜!

喺TVB官方公開嘅直播片段未見黃婉恩有向兩位嘉賓道歉。Photo from 黃婉恩 IG

唔少網友睇完之後都直言黃婉恩表現十分唔專業,仲指場面「尷尬過關家姐」Photo from 黃婉恩 IG

有傳黃婉恩家境富裕

黃婉恩曾經腳傷要入院,當時佢有影相放上IG,網民見佢住私家醫院單人房,估計佢應該生活富貴,事實上黃婉恩從小於英國長大,喺英國艾希特大學碩士畢業,佢IG有唔少去旅行時影嘅靚相,但佢曾澄清指自己並非富家子女。

黃婉恩曾經腳傷要入院,當時佢有影相放上IG,網民見佢住私家醫院單人房,估計佢應該生活富貴Photo from 黃婉恩 IG

黃婉恩從小於英國長大,喺英國艾希特大學碩士畢業Photo from 黃婉恩 IG

黃婉恩IG有唔少去旅行時影嘅靚相Photo from 黃婉恩 IG

黃婉恩曾澄清指自己並非富家子女。Photo from 黃婉恩 IG

即睇黃婉恩訪問片段:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel