蓋世寶「超健康」膚色惹網民熱議!曾2度公開狠批大台,但未來依然願意回巢幫手?

蓋世寶「超健康」膚色惹網民熱議!曾2度公開狠批大台,但未來依然願意回巢幫手?

娛樂新聞
By Stephanie on 08 Aug 2022
Digital Content Writer

43歲蓋世寶係為人熟悉嘅兒童節目主持人,自2019年離開大台後就回復「自由身」~最近佢上載咗2張近照,不過佢嘅膚色明顯比以前黝黑,仲嚇親好多網民!不過佢就以2句回應網民嘅疑慮。

蓋世寶一向都擁有健康膚色,不過佢近日上載嘅照片令網民覺得佢越來越黑?!Photo from 蓋世寶IG

蓋世寶主持3代兒童節目

蓋世寶1995年加入大台藝員訓練班,及後加入無綫。入行後主要擔任節目主持人:1996-1999年做《閃電傳真機》嘅主持班底、2000-2004年主持《至net小人類》、2005至2015年主持《放學ICU》,相信大家都對佢十分熟悉~

蓋世寶入行不久後就開始主持兒童節目《閃電傳真機》Photo from 《閃電傳真機》

其後,佢仲主持《至net小人類》、《放學ICU》等Photo from 《放學ICU》

健康膚色嚇親網民!

日前,蓋世寶喺IG上載2張近照,同大家分享佢嘅最新近況。從照片中所見,佢一如既往咁扎住包包頭,身穿白色上衣及牛仔短褲大晒美腿;不過大家都忍唔住將焦點放咗喺佢健康嘅膚色上,事關佢嘅膚色明顯比以前黑咗好多度,網民都忍唔住留言「你想做女版古天樂?」、「又扮maria」等。

蓋世寶最近上載嘅近照,膚色非常健康,令網民好驚訝!Photo from 蓋世寶IG

用兩句話解釋「變黑」原因!

事後,蓋世寶就喺留言區表示「其實冇咁黑架😅😅😆」,仲補充話全身照之所以會咁黑全因「環境燈沒打開😅😅」,但大部分網民都深信佢膚色一定比之前黑!

雖然呢張相睇落比上一張白少少,不過網民認為佢膚色的確黑咗!Photo from 蓋世寶IG

蓋世寶以兩句回覆網民Photo from 蓋世寶IG

離巢後開始學習鋼管舞/椅子舞

其實蓋世寶自離巢後就開始發展唔少興趣,開始學習各種舞蹈,包括鋼管舞、椅子舞等,總算擺脫一如既往嘅兒童節目主持形象。過往佢談及入行經歷時,表示自己係誤打誤撞入咗娛樂圈,仲坦承「其實對兒童節目完全無興趣!」,但不知不覺就做咗逾20年!

自從冇再咗兒童節目主持「Lulu姐姐」之後,佢就開始學鋼管舞Photo from 蓋世寶IG

而佢過往曾表示自己對主持兒童節目完全冇興趣!Photo from 蓋世寶IG

上年回巢出演《童你一起長大了》,卻公開批評節目「貨不對辦」?

2021年10月,蓋世寶獲TVB首席創意官王祖藍親自打電話邀請佢回巢拍攝《童你一起長大了》,同譚玉瑛及黎芷珊合作。然而佢上電台節目受訪時,大爆節目內容同當初王祖藍所講嘅有出入;而節目中並未提及《放學ICU》,揚言「呢個就係我反晒白眼嘅原因。」,似乎對前公司嘅安排感到不滿?!

上年,蓋世寶獲王祖藍邀請回巢拍攝節目《童你一起長大了》Photo from 《童你一起長大了》

其後蓋世寶受訪時表示節目內容同本身所講嘅唔同,但明白唔想為難王祖藍,所以只能夠乖乖跟從電視台指引。Photo from 王祖藍IG

參加大台盆菜宴,狠批電視台不重視員工!

雖然蓋世寶曾公開地對節目有微言,但佢上年12月都有出席無綫事隔3年復辦嘅盆菜宴,似乎同公司「和好如初」。之後,佢受訪時再度憤怒鬧爆前公司,直指公司唔愛護員工「抽枱獎居然唔係每張枱都有」,認為抽獎安排「唔夠得體」;仲建議大台要多聆聽外界意見,跟隨大家嘅腳步,真係句句有骨!

上年12月,蓋世寶亦有份出席TVB嘅盆菜宴,事後批評大台嘅安排「唔得體」?!Photo from 蓋世寶IG

被大量網民批評

不過,蓋世寶亦為自己留返條後路,指若果將來大台再邀請佢主持節目都會考慮回巢幫手。但佢強調當時「講金唔講心」,只會在乎薪水!呢番言論引起網民不滿,認為佢「彈出又彈入」,仲有網民覺得佢批評前公司只係為咗炒作等。

但佢又表示將來都有可能會返大台拍節目,但就只會看重薪水!Photo from 蓋世寶IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

蓋世寶因王祖藍回巢TVB!拍新節目《童你一起長大了》感不滿:我真係反晒眼

23 Nov , 2021

42歲嘅蓋世寶於2019年合約期滿後宣佈離開合作23年嘅TVB,但事隔2年佢接受王祖藍邀請回歸TVB拍新節目《童你一起長大了》,但佢上商台節目《1圈圈星光背後》就指安排與之前講嘅唔同,直言:「我真係反晒眼」

42歲嘅蓋世寶於2019年合約期滿後宣佈離巢合作23年嘅TVBPhoto from 蓋世寶 Facebook

蓋世寶做足兒童節目18年,2019年人工大減下決定離巢

蓋世寶主持過3代兒童節目:《閃電傳真機》、《至Net小人類》、《放學ICU》,做咗兒童節目18年嘅佢,年資上僅次於譚玉瑛,但因為2015年兒童節目大改革而被調去戲劇組做戲。

蓋世寶主持過3代兒童節目:《閃電傳真機》、《至Net小人類》、《放學ICU》,做咗兒童節目18年嘅佢,年資上僅次於譚玉瑛Photo from TVB

離開兒童節目後,蓋世寶嘅工作量大減,佢表示同公司有商量過續約,但就要佢減3分1人工,每月底薪減到得返$7,000,最終蓋世寶決定離巢,結束與TVB 23年嘅賓主關係。

離開兒童節目後,蓋世寶嘅工作量大減,佢表示同公司有商量過續約,但就要佢減3分1人工,每月底薪減到得返$7,000,最終蓋世寶決定離巢Photo from 蓋世寶 IG

廣告
廣告

蓋世寶離巢2年回歸TVB,與譚玉瑛、黎芷珊主持《童你一起長大了》

回復自由身後,蓋世寶有出演過其他電視台嘅節目,但喺2021年10月佢重返TVB,同譚玉瑛、黎芷珊一齊主持全新版本嘅兒童節目《童你一起長大了》。

回復自由身後,蓋世寶有出演過其他電視台嘅節目Photo from 蓋世寶 IG

節目經已全部播映完畢,近日蓋世寶上商台節目《1圈圈星光背後》後就提到當初係TVB首席創意官王祖藍親自打電話邀請佢。

近日蓋世寶上商台節目《1圈圈星光背後》後就提到當初係TVB首席創意官王祖藍親自打電話邀請佢。Photo from 蓋世寶 IG

接受王祖藍邀請,大呻節目實際內容同當初版本有出入

王祖藍指新節目會請晒每一代兒童節目每一個主持返去,佢覺得好有意思,而且自己做咗TVB咁多代兒童節目,認為應該要返去幫手。

王祖藍指新節目會請晒每一代兒童節目每一個主持返去Photo from TVB

但蓋世寶就指搵咩人做主持、一共有幾多人會出演呢個節目都同當初王祖藍同佢講嘅Message有出入,而且本身跳過咗《放學ICU》,蓋世寶直言:「呢個就係我反晒眼嘅原因。」

蓋世寶就指搵咩人做主持、一共有幾多人會出演呢個節目都同當初王祖藍同佢講嘅Message有出入Photo from 蓋世寶 IG

佢稱雖然唔滿意節目安排,但無向王祖藍反映,因為覺得對方好難做:「祖藍只係交橋,人事嗰啲又要佢理。」,蓋世寶表示既然接咗呢個job就唔再去煩王祖藍,而係選擇自己配合。

蓋世寶稱雖然唔滿意節目安排,但無向王祖藍反映,因為覺得對方好難做:「祖藍只係交橋,人事嗰啲又要佢理。」Photo from 蓋世寶 IG

坦言越拍越唔開心,自認節目搵佢只係當宣傳

蓋世寶又指初頭拍《童你一起長大了》都好開心,但之後拍落個心好唔舒服,心諗:「下!乜原來你哋係咁㗎?!」,但因為職業操守、人品問題,決定做落去。

蓋世寶又指初頭拍《童你一起長大了》都好開心,但之後拍落個心好唔舒服,心諗:「下!乜原來你哋係咁㗎?!」Photo from 商業電台

佢表示接拍呢個節目係單純為咗兒童節目主持reunion,連薪酬都無講,只係王祖藍一個電話佢就應承咗,佢再返TVB做節目被嘲食回頭草,對此佢亦坦言:「唉......真係好慘!」,又直言:「我返去最大嘅作用就係幫個節目宣傳。」

蓋世寶表示接拍《童你一起長大了》係單純為咗兒童節目主持reunion,連薪酬都無講,只係王祖藍一個電話佢就應承咗Photo from TVB

網友嘲食回頭草

但唔少網友反指蓋世寶回巢又怨人:「聽咗少少都頂佢唔順,reunion都邊有可能搵返哂所有人」、「你返去都係為錢,唔好講到咁清高啦」

唔少網友反指蓋世寶回巢又怨人:「聽咗少少都頂佢唔順,reunion都邊有可能搵返哂所有人」Photo from 商業電台

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

做足23年!人工減1/3 LuLu姐姐蓋世寶灰心宣佈正式離巢

12 Feb 2019

90後嘅朋友仔相信點都會睇過《至Net小人類》、《放學ICU》呢啲兒童節目,對節目入面嘅一眾主持人都應該好熟悉。

除咗譚玉瑛姐姐之外,大家可能都會記得「LuLu姐姐」蓋世寶。做咗兒童節目18年嘅佢份約今個月月尾到期,並已經決定唔再續約。

蓋世寶 facebookPhoto from 蓋世寶 facebook

蓋世寶17歲參加第八期藝員訓練班畢業之後就派去做兒童節目,一做就做咗18年,直到2015年兒童節目進行大改革,佢被調離由一出道做到依家嘅兒童節目,去戲劇組做戲。

蓋世寶 facebookPhoto from 蓋世寶 facebook

蓋世寶 facebookPhoto from 蓋世寶 facebook

由《閃電傳真機》,到《至Net小人類》同《放學ICU》,蓋世寶係唔少人嘅童年回憶,不過自從離開兒童節目之後,佢嘅曝光率就大大減少。

上年大熱劇《BB來了》蓋世寶都有出演,不過得一句對白,舊年佢獲派做《一周八爪魚》主持,可惜做咗9個月,節目又遭煞停。

蓋世寶 facebookPhoto from 蓋世寶 facebook

二月底即將與TVB約滿嘅蓋世寶決定唔再續約,離開工作咗23年嘅公司,佢話公司喺1月嗰陣有同佢傾過續約嘅事,不過條件方面就減咗3分1人工。

做咗23年,約滿離巢嘅蓋世寶攞埋TVB嘅長期服務金離開,佢表示仲未諗好下一步做咩好:「香港唔會餓死人,只要你肯做,所以我從來都無擔心過。」

Text: Holiday Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel