女大生姓名太特別,點名時竟遭老師拒絕?網民分享見過最奇怪的名字,諧音名最易鬧出笑話!

女大生姓名太特別,點名時竟遭老師拒絕?網民分享見過最奇怪的名字,諧音名最易鬧出笑話!

時事熱話 生活熱話
By Stephanie on 15 Aug 2022
Digital Content Writer

正所謂「唔怕生壞命,最怕改壞名」,大部分父母都會花好多心思為子女改名,名字背後多數都隱藏意義深遠嘅寓意。最近,一位姓屈嘅女大學生卻竟然因為名字而被老師拒絕點名,仲直接話佢嘅姓名太過隨意,懷疑佢使用「花名」代替名字?!

一名女大生因為姓名太特別,竟然被老師拒絕點名?!Photo from 《Law School》劇照

女大生因為特別姓名而感到困擾!

相信大家嘅姓名都可能係長輩們或者父母花好多時間而取得嘅名字~但一名來自湖北省嘅女生卻因為姓名而陷入苦惱之中,而佢嘅經歷仲瞬間引起網民熱議!

內地一名女大學生因為姓名而成為話題!Photo from 《女神降臨》劇照

老師認為姓名太隨意,不願意點名?!

根據內媒報導,呢位女生「屈啦啦」現時就讀大學,而近日就因為疫情關係而改為上網課,但老師卻因為覺得佢嘅姓名太過隨意而拒絕幫佢點名(take attendance)?!後來經過女大生嘅一番解釋及上載身分證證明後,老師才願意相信佢嘅說話。

女大生「屈啦啦」因為姓名太特別,被老師懷疑用花名上堂?Photo from 微博

表示過往經常因為名字而備受矚目!

呢位女大生表示姓名令佢大受困擾,自細就經常獲得朋友或者老師嘅關注。雖然知道大家都並冇任何惡意,但每次轉換新環境嘅時候都會受到注目,成為校園中嘅話題人物!而唔少網民都對於佢嘅遭遇深感同情,認為擁有如此特別嘅名字的確有少少困擾,仲講笑咁話「老師一定記得你,絕對不能夠翹課」!

屈啦啦表示自小就因為姓名而備受關注,咁多年來都已經感到非常疲倦!Photo from 《繼承者們》劇照

網民分享見過的奇怪名字

事實上廣東話裡面有好多諧音字,所以改名嘅時候要注意嘅事情都好多㗎!過往有唔少網民喺討論區上分享「見過最奇怪嘅姓名」,當中有好多都非常搞笑~

好多時父母都會花好多時間為子女改名!Photo from 《BB來了》

諧音女生姓名

網民表示見過女仔姓名叫「賈潔芬」、「倪文清」、「曾玉瑄」、「林美香」、「吳秀貞」等,相信大家將以上姓名讀出嚟就會明白~而部份姓名就好容易俾同學仔改花名,例如:「蔡玉詩」叫雪菜肉絲、「如絲」就可能會被改做「魷魚絲」等。

網民先分享搞笑嘅女生名字,大多數都因為諧音字而惹人爆笑~Photo from 連登討論區

網民就覺得諧音類型嘅姓名會令當事人覺得好尷尬!Photo from 《我的ID是江南美人》劇照

諧音男生姓名

而男士方面,網民就見過「羅友行」、「吳樹喜」、「吳德」、「楊偉」、「吳浩丁」等,以上嘅姓名對於男仔而言都比較尷尬!而比較搞笑嘅就有「黃立倉」、「徐定富」、「魏俊」、「劉定堅」等。

網民分享曾經見過嘅搞笑男仔名!Photo from 連登討論區

唔少網民都覺得男生嘅奇怪姓名,好多時都會令佢哋喺學生時期被朋友笑!Photo from 《那年我們的夏天》

獨特姓名類別

部份父母可能想為子女改一個獨一無二嘅姓名,發揮佢哋無限嘅創意~網民就見過「林木森」、「江真真」、「關羽」、「朱迪士尼」、「夏世梅」、「林鴻友」等。不過相信大家都明白父母喺改名背後可能別有一番用心,而部份網民就表示見過唔少人喺長大後決定改名,以解決姓名帶來嘅困擾!

網民仲分享其他比較獨特嘅姓名!Photo from 連登討論區

若果大家嘅父母好鍾意卡通,就可能會出現呢個情況!Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【名字推薦】香港大熱中文名字排行榜!女仔「嘉欣」、男仔「嘉俊」唔係排第一!

廣告
廣告

29 Oct , 2021

名字對於一個人嚟講十分重要,畢竟日後要改名辦手續都唔算簡單。喺連登討論區就有網民以改名網站嘅資料開post,引起網友熱議周圍朋友都撞名嘅情況發生。即睇香港熱門中文名字排行榜頭20位!

名字對於一個人嚟講十分重要,畢竟日後要改名辦手續都唔算簡單。Photo from TVB

改名網站統計香港大熱中文名字排行榜

改名網站「NameChef」有嚟自世界各地嘅訪客,香港唔少準父母都為仔女改返個好名而傷腦筋,NameChef就統計咗各地嘅「姓名之最」。

香港唔少準父母都為仔女改返個好名而傷腦筋Photo from TVB

最多男仔改名做「梓軒」,女生最多嘅名字係「凱晴」

首先男生方面,最多人改名做「梓軒」,至於女生最多嘅係「凱晴」。男生第二位至第五位為:「宇軒」、「子謙」、「子朗」、「樂軒」;女生第二位至第五位為:「芷晴」、「曉晴」、「子晴」、「曉彤」。

首先男生方面,最多人改名做「梓軒」,至於女生最多嘅係「凱晴」。Photo from TVB

其實喺2018年佛山市公開咗戶籍人口最多人改嘅名字,其中「梓軒」排男孩子第二、女孩子叫「芷晴」亦係第三位,可見呢個名近幾年都仲係好熱門。

「梓軒」排男孩子第二、女孩子叫「芷晴」亦係第三位,可見呢個名近幾年都仲係好熱門。Photo from TVB

有啲名雖然個字唔一樣,但讀音都係相同嘅,例如「梓、子」、「家、嘉」,而有啲字都係好多人個名有,男生有:「軒」、「謙」、「俊」;女生方面則有:「晴」、「曉」、「凱」等。

改名網站「NameChef」統計香港大熱中文名字排行榜Photo from NameChef

香港熱門英文名排名

英文名方面,有好多都唔算常見,男仔方面,「Rafael」排第五,鄭嘉穎、陳凱琳嘅大仔英文名都係「Rafael」,「Edan」則排第八,唔知係咪受MIRROR影響呢?女仔方面,「Chole」、「Hazel」等上榜。

香港熱門英文名排名Photo from NameChef

英文名方面,「Edan」排第八Photo from Edan IG

網友稱男仔一定有「嘉俊」、女生應該有「家欣/嘉欣」

有網友就指男仔一定有「嘉俊」:「嘉俊呢?此post已完」,而女生方面竟然唔見「家欣/嘉欣」上榜,事實上「嘉欣」排第19位,比預期中靠後,有網民就估計係時代唔同咗:「後生好似真係少啲嘉欣」、「叫嘉欣嗰啲做左人地阿媽啦」

有網友就指男仔一定有「嘉俊」:「嘉俊呢?此post已完」Photo from LIHKG

網友奇怪女生方面竟然唔見「家欣/嘉欣」上榜Photo from LIHKG

事實上「嘉欣」排第19位,比預期中靠後Photo from 鍾嘉欣 IG

有網民就估計係時代唔同咗:「後生好似真係少啲嘉欣」Photo from LIHKG

「嘉欣」喺娛樂圈都好常見!Photo from 游嘉欣 IG

有網友就指呢個排名可能係00後:「我嗰代好多男仔叫家俊/文俊,女仔叫嘉敏嘉欣」,網民笑言「晴」字真係咁多代都仲有好多人用。

有網友就指呢個排名可能係00後Photo from LIHKG

193叫郭嘉駿,雖然唔係「嘉俊」但都係同音字Photo from 193 IG

網民笑言「晴」字真係咁多代都仲有好多人用。Photo from LIHKG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel