林作突然自爆擁有同父異母兄弟姐妹?!著名KOL「妹妹」反駁:講大話求關注!

林作突然自爆擁有同父異母兄弟姐妹?!著名KOL「妹妹」反駁:講大話求關注!

生活熱話 娛樂新聞
By Stephanie on 21 Sep 2022
Digital Content Writer

自稱「香港抽水王」嘅林作平時語出驚人已經係慣常嘅事~最近佢卻突然自爆「家事」,指自己喺單親家庭下長大,由媽媽照顧;仲話「爸爸」喺美國再度組織家庭,而佢嘅「兄弟姐妹」仲成為咗著名嘅KOL?!呢個post一出隨即引起熱議,唔少網民都對佢嘅言論感到半信半疑;而佢嘅「妹妹」亦因此出IG story澄清!

林作近日驚爆自己有個喺美國嘅同父異母「兄弟姊妹」?!Photo from 林作IG

林作突然自爆家事,指自己有個「妹妹」?

林作日前(17日)突然喺FB罕有提及自己嘅「家事」,表示自己出身於單身家庭,一直以來都係由媽媽照顧長大。但就突然大爆「而我老豆喺美國同二奶生咗件 KOL,個 account 仲好似幾紅 @mikirai」,由於呢個IG帳號係屬於一名女生嘅,好多網民都開始推測林作係想暗示自己有個「妹妹」?!

林作早前突然向大家大爆自己有一位同父異母嘅「妹妹」?!Photo from 林作FB

林作同媽媽感情唔錯,上年佢哋一齊出演《七救星》時透露大家居住嘅地方好近,方便經常見面食飯!Photo from 《七救星》

「妹妹」仲係著名KOL?

據悉,網紅Miki Rai現時居住喺美國,自稱係護士及創作者,有網民仲發現「妹妹」曾表示來自台灣。該IG帳號嘅追蹤人數高達逾63萬人,平時主要拍攝同男友嘅情侶日常影片;同時亦一邊做護士嘅正職,事業非常成功!

林作喺帖文中tag嘅帳號係一名美國網紅嘅IG,擁有近63萬粉絲~Photo from mikirai @ IG

從IG所見,「妹妹」自稱係護士同創作者Photo from mikirai @ IG

作為「哥哥」嘅林作IG帳號都有4.5萬人追蹤㗎!Photo from 林作IG

網民半信半疑爆笑指:同「妹夫」撞樣!

不過大部分網民都對於林作嘅爆料,抱持半信半疑嘅態度「係真唔係啊!」、「有冇叫佢買保險?」;但好多網民卻認為「妹妹」男友嘅樣貌同林作竟然有幾分相似?!過往林作曾不停催促樣貌唔相似嘅藝人家屬驗DNA,如今有網民「學返佢」要求佢附上DNA證明先相信佢!

但有網民就講笑咁話覺得佢同「妹妹」嘅男友更加似樣?!Photo from mikirai @ IG

好多網民都對此爆料半信半疑!Photo from 林作IG

「妹妹」出Story澄清!

事件好快就引起熱議,而遠在美國嘅「妹妹」亦似乎收到消息,喺IG Story反駁林作「I don't have any half siblings. That guy is lying for attention.(我沒有任何半血緣關係的兄弟姐妹。他只是在說謊引起大家注意。)」,仲揚言「Let him know he will hear from my lawyer soon.(我的律師好快就會聯絡他)」

「妹妹」隨後喺IG story澄清並冇任何半血緣關係嘅兄弟姐妹,直指林作只係為曝光率講大話!Photo from mikirai @ IG

即睇更多人氣文章:

林作解釋成件事只係講笑!

「唔執輸」嘅林作隨即反駁「神經病,我是開玩笑說你男友是我同父異母弟弟,傳媒搞錯說你是我妹妹,我已經即時糾正。」澄清原來成件事只係佢講笑!然後仲用英文向網紅喊話「我完全唔需要利用你去令自己成名!我喺香港一定比你出名!」十分有自信~呢件事情都似乎暫吿一段落喇!

其後林作話原來佢一直都係講笑,仲話其實自己係講緊同佢男友似樣?!Photo from 林作FB

而林作仲好有自信咁話,自己絕對唔需要靠「妹妹」嘅名氣出位!Photo from 林作FB

經常於社交媒體「關心」他人

其實林作向來都非常忙碌,唔單止發展緊自己嘅保險事業之外,仲好關心「大家」嘅事!本月18日,佢就揚言願意向阿Mo爸爸支付$100萬「讓你應對目前包括阿Mo及你自己身邊家人的生活開支。至少,希望你可以不需要省剪髮的費用,安心每個一兩個月該剪就剪一下。」然而阿Mo嘅爸爸早前已公開謝卻李澤楷嘅千萬捐贈。

林作喺18日,主動向阿Mo爸爸表示願意捐贈100萬俾對方!Photo from 林作FB

然而,阿mo嘅爸爸早前已經謝卻李澤楷所捐贈嘅千萬蚊!Photo from 香港電台

近日關心大台港姐「泳裝少布」事件

今日(21日),監警會委員余黎青萍喺會議中突然提及電視影響現今社會風氣,仲指名話大台香港小姐泳裝環節「少布到不得了」;其後大台立刻發聲明表示保留法律追究權利,而曾經同大台「交手」過嘅林作立刻出post支持!雖然好多時佢都被網民批評多管閒事,但佢都堅持己見發表自己嘅己見~

林作今日(21日)就發文支持TVB嘅聲明,認同港姐泳裝環節非常合理Photo from 林作FB

近日,監警會委員余黎青萍喺會議中表示覺得港姐泳裝環節「太少布」,而大台隨即發聲明回應。Photo from TVB

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林作出100萬挑戰陳凱琳細佬,驗DNA證實同爸爸係親父子:真心好奇

21 Jun , 2022

父親節陳凱琳細佬Derek公開父子合照成網民話題,「抽水王」林作喺IG公開挑戰對方,表示只要佢同爸爸驗DNA證實父子關係就畀100萬佢,如果驗到佢並無印巴血統佢都會照畀100萬,掀起熱議。

「抽水王」林作Photo from 林作 IG

陳凱琳細佬Derek晒父子合照

早前陳凱琳細佬Derek少有晒出父子合照,陳父坐喺佢大髀,兩人溫馨抱抱,大晒父子溫情。不過向來輪廓深邃嘅Derek同爸爸唔算太相似,愛做戶外運動嘅佢膚色亦明顯比爸爸深,父子合照隨即引起網民討論。

陳凱琳細佬Derek少有晒出父子合照,陳父坐喺佢大髀,兩人溫馨抱抱,大晒父子溫情。Photo from Derek IG

林作以100萬挑戰Derek要求驗DNA

而一向鍾意抽水嘅林作亦未有放過今次呢個機會,佢喺IG轉發Derek父子合照,並表示願意用$100萬港幣發出挑戰,只要Derek同佢爸爸提供毛髮,如果驗DNA證實係父子關係,林作將會畀$100萬對方。

一向鍾意抽水嘅林作亦未有放過今次呢個機會,佢喺IG轉發Derek父子合照,並表示願意用$100萬港幣發出挑戰Photo from 林作 IG

如果驗出佢哋並非父子,則可以驗埋佢係咪有印巴血統,林作指:「順便咋,純八卦,驗到冇嘅我都俾100萬你。」林作又稱佢之所以提出挑戰純粹係另一個Derek(鍾培生)畀咗$100萬零用錢佢「無錠使」,同埋佢「真心好奇及堅信不移」。

林作稱佢之所以提出挑戰純粹係另一個Derek(鍾培生)畀咗$100萬零用錢佢「無錠使」,同埋佢「真心好奇及堅信不移」。Photo from 鍾培生Youtube

林作唔認多事,問網友:想唔想知先?

呢個post一出即即成為話題,有唔少網友表示支持林作,但亦有大批網友認為林作今次玩大咗,將人哋嘅家事擺上枱:「玩到咁盡。何必呢」、「抽水抽上腦啦」

呢個post一出即即成為話題,有唔少網友表示支持林作,但亦有大批網友認為林作今次玩大咗Photo from 林作 IG

對於被網友指唔識尊重他人,林作繼續出post:「唔好再喺度話我多管閒事,我淨係問你兩句:第一,佢地係咪公眾人物,係,就有公眾利益,也必須承受被人指指點點,我都係市民一個;第二,老老實實,想唔想知先?!」

對於被網友指唔識尊重他人,林作繼續出postPhoto from 林作 IG

但亦有網民留言指Derek家姐陳凱琳的確係公眾人物,但Derek本人並唔係:「今次你真係好過份,係親生唔係親生都好,人哋之前已經回應過,答案真係咁重要咩?」林作追問:「你答咗我第二個問題先(老老實實,想唔想知先?)」對方回覆稱唔使知人哋係唔係親生嘅真實答案。

林作唔認多事:想唔想知先?Photo from 林作 IG

陳凱琳媽媽曾透露子女異域長相原因

其實之前因為陳凱琳同龍鳳胎弟弟都係異國風情嘅長相而多次掀起熱議,陳凱琳媽媽Connie曾於電台節目《舊日的足跡》罕有地回應過子女樣子疑團。佢指Grace同Derek啱啱出生嘅時候,皮膚白淨同大家姐Joyce一樣,直到14、15歲兩人突然變到眼大大、面尖尖,細佬Derek仲開始長出鬍根!

之前因為陳凱琳同龍鳳胎弟弟都係異國風情嘅長相而多次掀起熱議Photo from 陳凱琳 IG

陳凱琳媽媽Connie曾於電台節目《舊日的足跡》罕有地回應過子女樣子疑團。佢指Grace同Derek啱啱出生嘅時候,皮膚白淨同大家姐Joyce一樣Photo from 陳凱琳 IG

陳媽媽透露自己媽媽係馬來西亞人,所以子女亦有部分亞裔樣貌,另外陳凱琳同細佬都喺加拿大成長:「佢哋細個鍾意戶外活動,又或者去加拿大讀書時,嗰度嘅食物好多荷爾蒙!」

陳媽媽透露自己媽媽係馬來西亞人,所以子女亦有部分亞裔樣貌Photo from CBNHK @Youtube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel