電玩界KOL慕容公子花$3萬整容,公開「完成品」!解釋為理念而改變樣貌?網民反應兩極

電玩界KOL慕容公子花$3萬整容,公開「完成品」!解釋為理念而改變樣貌?網民反應兩極

時事熱話 生活熱話
By Stephanie on 22 Sep 2022
Digital Content Writer

網紅「慕容公子」過往以打機片段而為人熟悉,可以稱得上係第一代嘅遊戲直播主~近日,佢卻突然喺IG上載整容後嘅照片,其後佢就解釋會去整容完全係為咗理念?!然而網民就反映兩極,部份網民覺得佢現時樣貌更奇怪;但亦有網民欣賞佢勇於做自己。

遊戲直播主「慕容公子」近日自爆整容,而佢嘅整容原因令部份網民感到不解?!Photo from 慕容IG

網紅慕容花費約$3萬港幣整容?

遊戲直播主「慕容公子」近年喺台灣定居,依然不時開打機直播以及經營自己嘅YouTube頻道。不過近日佢突然向網民大爆將會「整容」,令網民都感到非常吃驚!而佢表示今次自己只會整雙眼同個鼻,包括:整雙眼皮、縮鼻翼等,總共花費12萬台幣(約港幣3萬)。

慕容近日突然自爆去整容?!Photo from 慕容IG

佢今次只係整咗雙眼及鼻子,用咗約12萬台幣!Photo from 慕容IG

公開整容手術全過程!

而慕容亦有喺IG上載動手術後嘅照片,只見佢面容浮腫,仲非常願意同網民分享佢嘅整容過程~睇佢IG嘅照片,相信佢分開咗兩日做手術,而佢就率先進行縮鼻翼嘅手術,並上載消腫後嘅成果覺得個鼻的確高咗,感嘆「麻醉左11個鐘就只係整左個鼻,原來整個鼻係咁花時間!」其後佢再上載雙眼皮手術後嘅照片「而醫師說眼睛恢復期為1-3個月,之後眼皮會往上」

而鼻子方面佢就選擇收窄鼻翼 Photo from 慕容IG

圖為慕容鼻子手術消腫後嘅照片,佢表示覺得自己嘅鼻的確高咗!Photo from 慕容IG

解釋整容全因為理念?

而慕容就解釋選擇整容係為咗理念,指自己經常都會話藝人或網紅都有虛假嘅一面「為左了解呢D鎂光燈下既軀殼,我親身去試一試,到底整容係咩一回事😎👋」

而佢向網民解釋整容只係為咗理念,想了解選擇整容嘅人嘅心態?!Photo from 慕容IG

即睇更多人氣文章:

網民反映兩極!

不過網民對慕容公子整容抱持兩極嘅睇法!部份網民認為佢呢個理由好無聊「貪靚都講到禁多嘢」、「有錢就亂黎」等,網民仲好擔心佢會走火入魔變成「蛇精男」咁;但有網民就大讚慕容勇敢及言出必行「自己鍾意咪整!有乜問題喎」、「期待恢復後嘅成果」。相信雙眼消腫後睇落應該會更加好,大家就期待慕容之後再上傳嘅「完成照」啦~

部份網民覺得慕容呢個理由非常牽強!Photo from 慕容IG

有網民認為佢本身嘅樣貌已經OK!Photo from 慕容IG

但都有網民支持慕容,覺得只要佢自己鍾意就冇問題~Photo from 慕容IG

過往因與台灣網民「單挑」LOL而爆紅!

過往「慕容公子」因與台灣人喺遊戲《英雄聯盟(LOL)》中「單挑」而為人熟悉,而該遊戲片段獲得逾130萬人收睇,成功令佢獲得一眾「打機迷」嘅關注~

而慕容本身都經常係Twitch開遊戲直播~Photo from 慕容IG

慕容公子過往因為同台灣網民「單挑」LOL而爆紅,片段至今獲逾130萬人睇過!Photo from MoYung 慕容公子 @ YouTube

2020年大爆「屎萊姆」壟斷利益再度引起關注!

喺2020年,慕容上載咗一條關於YouTuber「屎萊姆」壟斷香港YouTube利益及留言嘅片段,仲大爆當時對方嘅電競公司Cyber Games Arena(CGA)獲得政府支持,令唔少電玩界網紅都必須「埋堆」先能夠接到工作。事件好快就引起網民熱議,而「屎萊姆」亦因此獲得大量負評,令佢喺YouTube沉寂接近2年,直到今年3月先「復出」。

2020年慕容拍片大爆YouTuber「屎萊姆」壟斷Youtube利益,再引起關注!Photo from 慕容IG

屎萊姆近日已經重新復出,開始拍返片!Photo from 屎萊姆YouTube

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

YouTuber屎萊姆自爆用6位數裝修新Studio,打造「屎家軍基地」!網民依然負評不斷?

15 Jul , 2022

香港YouTuber屎萊姆」喺2020年被「慕容公子」大爆不停吸引同行做「屎家軍|,並且壟斷網絡利益及控制網絡輿論等;其後佢就「潛水」近2年。最近,「屎萊姆」已經開始重新經營返YouTube頻道,喺最新嘅影片中仲自爆開新Studio,揚言「屎家軍基地正式啟用」,再次引起網民熱議!

YouTuber屎萊姆近來似乎全面復出,但大部分網民依然唔太支持?!Photo from 屎萊姆IG

 YouTuber「屎萊姆」拍遊戲攻略片而人氣飆升!

YouTuber「屎萊姆」喺2013年開始拍攝影片,大多以拍攝遊戲攻略影片而人氣急升。直到2018年,佢與英皇娛樂簽約,成為首位以YouTuber身份與主流娛樂公司合作嘅網絡紅人;而佢亦開始幫手發展本地嘅電競市場。

屎萊姆自2013年開始拍攝遊戲攻略影片而人氣急升Photo from 屎萊姆IG

其後,佢就開始投身香港電競市場Photo from 屎萊姆IG

2020年被爆壟斷網絡輿論,潛水近2年!

2020年5月,遊戲直播主「慕容公子」拍片大爆香港網絡界不為人知嘅利益關係,當中提及「屎萊姆」不停招攬同行成為「屎家軍」,並從中控制輿論以及壟斷利益。由於「屎萊姆」當時擁有電競公司Cyber Games Arena(CGA)及政府支持,亦因此獲得唔少廣告商青睞,令唔少YouTuber都必須「埋堆」才能夠有立足之地。事件曝光後,佢曾經拍片反擊,然而網民卻一面倒負評,而佢就決定停止上載影片長達1年多。

2020年,慕容拍片大爆屎萊姆招攬「屎家軍」,壟斷網絡輿論及利益Photo from 慕容IG

屎萊姆曾拍片反駁及道歉,不過依然不被網民接受Photo from 屎萊姆IG

今年初開始重新拍片 負評不斷

直到3個月前,「屎萊姆」事隔接近2年再度喺YouTube上載影片,表示「無出片咁耐唯一最對唔住都係啲老觀眾!嚟緊繼續努力💪🏻」,正式回歸YouTube!不過影片一出Dislike嘅數目好快就已經超越咗like數,網民似乎都唔太支持佢復出。

屎萊姆事隔2年拍攝嘅第一段影片就係親手整木檯!Photo from 「屎萊姆的3次元」YouTube

不過佢復出後嘅第一條影片,負評超多,網民都似乎唔太支持佢復出。Photo from 「屎萊姆的3次元」YouTube

自爆用6位數打造「屎家軍基地」

喺「屎萊姆」最新上載嘅影片中,佢表示自己最近忙於裝修新嘅Studio,花費6位數打造新環境,仲話係將會係「屎家軍基地」!隨後佢就話接下來將會努力拍片,已經正在籌備幾個大作品。

最新影片中,屎萊姆 表示花費6位數裝修新Studio!Photo from 「屎萊姆的3次元」YouTube

仲揚言會有唔少大作品,正式全面復出YouTube界!Photo from 「屎萊姆的3次元」YouTube

網民負評依然好多?!

大部分網民都喺影片下面給予負評「唔好諗住潛完水,出番黎就扮無事 」、「好厚面皮」等,有網民仲發現佢將過往嘅道歉影片刪除咗,質疑佢當時根本唔係誠心道歉。另一方面,依然有部份網民選擇支持佢「改過自新」,截止現時為止佢嘅YouTube頻道「屎萊姆的3次元」一共擁有逾32萬人訂閱,數量已經比全盛時期下跌咗好多。

新影片嘅留言區,大部分網民依然都喺留下負評,但亦有少數網民表示支持佢!Photo from 「屎萊姆的3次元」YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel