59歲譚玉瑛被嫌年紀大需退出兒童節目 自爆被呢位高層問話 懷疑佢放料畀傳媒
現年59歲的譚玉瑛可說是香港兒童節目的ICON，她於TVB主持兒童節目逾30年，經歷過《430穿梭機》、《閃電傳真機》及《放學ICU》等不同年代的兒童節目，是許多70-90後的集體回憶，後來她退出兒童節目，轉型做飲食節目。近日譚玉瑛接受媒體訪問，大談做兒童節目的心得及經歷，更大爆當年退出節目的經過。
Photo from HKPAG 香港演藝人協會 YouTube
機緣巧合加入訓練班做兒童節目
譚玉瑛日前接受「香港演藝人協會」訪問，透露最初加入娛樂圈發展的經過，她自言當時畢業未認楚發展方向，有同學指電視行業前景好像不錯，之後她陪伴同學報考TVB藝員訓練班，最後成功被取錄，與黃日華、苗僑偉等人同為第9期藝訓班的學員。
Photo from HKPAG 香港演藝人協會 YouTube
譚玉瑛畢業大半年後獲邀到兒童節目試鏡，需要簡單介紹自己以及向小朋友講解遊戲節目的玩法，當時她認為與小朋友溝通最重要指示清晰，而她試鏡時表現不錯，表達清晰，最後成功獲選，在1982年開始主持兒童節目《430穿梭機》，展開了長達32年的兒童節目主持生涯。
Photo from HKPAG 香港演藝人協會 YouTube
自爆被勸退出兒童節目因年紀太大
2004年TVB製作新兒童節目《放學ICU》，當時有指因譚玉瑛出鏡太多，而且演出費高，所以不獲TVB續約，事件曾引起熱議，多位藝人挺身支持譚玉瑛，最後她繼續擔任《放學ICU》主持。直至2014年，譚玉瑛正式退出兒童節目主持之列，她受訪大爆當年退出節目的原因，表示當時TVB高層余詠珊某日約見她進房談話「佢其實都好清晰，話想搵一個好似我當年咁後生嘅人嚟主持兒童節目」
Photo from HKPAG 香港演藝人協會 YouTube
譚玉瑛坦言明白製作人的理念「我自己都唔再年輕，佢哋又唔知點請我離開」她繼指眼見身邊主持不斷更換，而自己亦有預想過發生這事「每隔4年左右，我身邊嘅主持都會更換，每次轉人唔代表我唔使轉」譚玉瑛認為對方這個決定合情合理「如果佢想請個後生，而我又唔再後生，咁我消失都啱嘅」
Photo from 譚玉瑛 FB
想低調離開節目卻意外驚動高層
譚玉瑛坦言離開從事多年的工作必然會感到不捨，她原本想不告訴任何人，低調離開節目。她表示以前放了很多茶葉在公司，她趁同事吃午餐時，靜悄悄拿走所有茶葉，並清空自己儲物櫃，下個星期便離開節目不再出現。不過退出節目一事最後仍被公開，高層余詠珊亦馬上聯絡譚玉瑛，懷疑她向記者暗中爆料「當時Sandy好嚴重咁搵我，可能佢以為我主動同記者講，表示唔係太開心，因為佢上司話佢做咩搞到件事咁」
Photo from 《放學ICU》
自言沒有打算再做兒童節目
譚玉瑛表示將來都沒有打算再做兒童節目，她透露當時退出兒童節目行列後，隨即有其他電視台邀約她主持兒童節目，不過她亦很快拒絕對方，笑言現時自己比較懶，她又解釋離開兒童節目後的心態轉變：「我由10幾歲開始做到而家，做咗幾十年，好多人都冇我咁勤力，唔做嘢都唔算寄生蟲掛。」近年譚玉瑛轉型主持飲食節目，如《阿爺廚房》和《香港原味道》，她表示自己的嗜好是飲飲食食，所以能夠以此工作感到開心和幸運。最後譚玉瑛形容做兒童節目是非常特別的經歷，因為她可以結識到很多年輕的朋友，更有幸出席小演員的婚禮，見證他們結婚生仔。
Photo from 譚玉瑛 FB
Photo from 譚玉瑛 FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
蓋世寶「超健康」膚色惹網民熱議！曾2度公開狠批大台，但未來依然願意回巢幫手？
8 Aug , 2022
Photo from 蓋世寶IG
蓋世寶主持3代兒童節目
蓋世寶1995年加入大台藝員訓練班，及後加入無綫。入行後主要擔任節目主持人：1996-1999年做《閃電傳真機》嘅主持班底、2000-2004年主持《至net小人類》、2005至2015年主持《放學ICU》，相信大家都對佢十分熟悉～
Photo from 《閃電傳真機》
Photo from 《放學ICU》
健康膚色嚇親網民！
日前，蓋世寶喺IG上載2張近照，同大家分享佢嘅最新近況。從照片中所見，佢一如既往咁扎住包包頭，身穿白色上衣及牛仔短褲大晒美腿；不過大家都忍唔住將焦點放咗喺佢健康嘅膚色上，事關佢嘅膚色明顯比以前黑咗好多度，網民都忍唔住留言「你想做女版古天樂？」、「又扮maria」等。
Photo from 蓋世寶IG
用兩句話解釋「變黑」原因！
事後，蓋世寶就喺留言區表示「其實冇咁黑架???」，仲補充話全身照之所以會咁黑全因「環境燈沒打開??」，但大部分網民都深信佢膚色一定比之前黑！
Photo from 蓋世寶IG
Photo from 蓋世寶IG
離巢後開始學習鋼管舞/椅子舞
其實蓋世寶自離巢後就開始發展唔少興趣，開始學習各種舞蹈，包括鋼管舞、椅子舞等，總算擺脫一如既往嘅兒童節目主持形象。過往佢談及入行經歷時，表示自己係誤打誤撞入咗娛樂圈，仲坦承「其實對兒童節目完全無興趣！」，但不知不覺就做咗逾20年！
Photo from 蓋世寶IG
Photo from 蓋世寶IG
上年回巢出演《童你一起長大了》，卻公開批評節目「貨不對辦」？
2021年10月，蓋世寶獲TVB首席創意官王祖藍親自打電話邀請佢回巢拍攝《童你一起長大了》，同譚玉瑛及黎芷珊合作。然而佢上電台節目受訪時，大爆節目內容同當初王祖藍所講嘅有出入；而節目中並未提及《放學ICU》，揚言「呢個就係我反晒白眼嘅原因。」，似乎對前公司嘅安排感到不滿？！
Photo from 《童你一起長大了》
Photo from 王祖藍IG
參加大台盆菜宴，狠批電視台不重視員工！
雖然蓋世寶曾公開地對節目有微言，但佢上年12月都有出席無綫事隔3年復辦嘅盆菜宴，似乎同公司「和好如初」。之後，佢受訪時再度憤怒鬧爆前公司，直指公司唔愛護員工「抽枱獎居然唔係每張枱都有」，認為抽獎安排「唔夠得體」；仲建議大台要多聆聽外界意見，跟隨大家嘅腳步，真係句句有骨！
Photo from 蓋世寶IG
被大量網民批評
不過，蓋世寶亦為自己留返條後路，指若果將來大台再邀請佢主持節目都會考慮回巢幫手。但佢強調當時「講金唔講心」，只會在乎薪水！呢番言論引起網民不滿，認為佢「彈出又彈入」，仲有網民覺得佢批評前公司只係為咗炒作等。
Photo from 蓋世寶IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
蓋世寶因王祖藍回巢TVB！拍新節目《童你一起長大了》感不滿：我真係反晒眼
23 Nov , 2021
42歲嘅蓋世寶於2019年合約期滿後宣佈離開合作23年嘅TVB，但事隔2年佢接受王祖藍邀請回歸TVB拍新節目《童你一起長大了》，但佢上商台節目《1圈圈星光背後》就指安排與之前講嘅唔同，直言：「我真係反晒眼」
Photo from 蓋世寶 Facebook
蓋世寶做足兒童節目18年，2019年人工大減下決定離巢
蓋世寶主持過3代兒童節目：《閃電傳真機》、《至Net小人類》、《放學ICU》，做咗兒童節目18年嘅佢，年資上僅次於譚玉瑛，但因為2015年兒童節目大改革而被調去戲劇組做戲。
Photo from TVB
離開兒童節目後，蓋世寶嘅工作量大減，佢表示同公司有商量過續約，但就要佢減3分1人工，每月底薪減到得返$7,000，最終蓋世寶決定離巢，結束與TVB 23年嘅賓主關係。
Photo from 蓋世寶 IG
蓋世寶離巢2年回歸TVB，與譚玉瑛、黎芷珊主持《童你一起長大了》
回復自由身後，蓋世寶有出演過其他電視台嘅節目，但喺2021年10月佢重返TVB，同譚玉瑛、黎芷珊一齊主持全新版本嘅兒童節目《童你一起長大了》。
Photo from 蓋世寶 IG
節目經已全部播映完畢，近日蓋世寶上商台節目《1圈圈星光背後》後就提到當初係TVB首席創意官王祖藍親自打電話邀請佢。
Photo from 蓋世寶 IG
接受王祖藍邀請，大呻節目實際內容同當初版本有出入
王祖藍指新節目會請晒每一代兒童節目每一個主持返去，佢覺得好有意思，而且自己做咗TVB咁多代兒童節目，認為應該要返去幫手。
Photo from TVB
但蓋世寶就指搵咩人做主持、一共有幾多人會出演呢個節目都同當初王祖藍同佢講嘅Message有出入，而且本身跳過咗《放學ICU》，蓋世寶直言：「呢個就係我反晒眼嘅原因。」
Photo from 蓋世寶 IG
佢稱雖然唔滿意節目安排，但無向王祖藍反映，因為覺得對方好難做：「祖藍只係交橋，人事嗰啲又要佢理。」，蓋世寶表示既然接咗呢個job就唔再去煩王祖藍，而係選擇自己配合。
Photo from 蓋世寶 IG
坦言越拍越唔開心，自認節目搵佢只係當宣傳
蓋世寶又指初頭拍《童你一起長大了》都好開心，但之後拍落個心好唔舒服，心諗：「下！乜原來你哋係咁㗎？！」，但因為職業操守、人品問題，決定做落去。
Photo from 商業電台
佢表示接拍呢個節目係單純為咗兒童節目主持reunion，連薪酬都無講，只係王祖藍一個電話佢就應承咗，佢再返TVB做節目被嘲食回頭草，對此佢亦坦言：「唉......真係好慘！」，又直言：「我返去最大嘅作用就係幫個節目宣傳。」
Photo from TVB
網友嘲食回頭草
但唔少網友反指蓋世寶回巢又怨人：「聽咗少少都頂佢唔順，reunion都邊有可能搵返哂所有人」、「你返去都係為錢，唔好講到咁清高啦」
Photo from 商業電台
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
做足23年！人工減1/3 LuLu姐姐蓋世寶灰心宣佈正式離巢
12 Feb 2019
90後嘅朋友仔相信點都會睇過《至Net小人類》、《放學ICU》呢啲兒童節目，對節目入面嘅一眾主持人都應該好熟悉。
除咗譚玉瑛姐姐之外，大家可能都會記得「LuLu姐姐」蓋世寶。做咗兒童節目18年嘅佢份約今個月月尾到期，並已經決定唔再續約。
Photo from 蓋世寶 facebook
蓋世寶17歲參加第八期藝員訓練班畢業之後就派去做兒童節目，一做就做咗18年，直到2015年兒童節目進行大改革，佢被調離由一出道做到依家嘅兒童節目，去戲劇組做戲。
Photo from 蓋世寶 facebook
Photo from 蓋世寶 facebook
由《閃電傳真機》，到《至Net小人類》同《放學ICU》，蓋世寶係唔少人嘅童年回憶，不過自從離開兒童節目之後，佢嘅曝光率就大大減少。
上年大熱劇《BB來了》蓋世寶都有出演，不過得一句對白，舊年佢獲派做《一周八爪魚》主持，可惜做咗9個月，節目又遭煞停。
Photo from 蓋世寶 facebook
二月底即將與TVB約滿嘅蓋世寶決定唔再續約，離開工作咗23年嘅公司，佢話公司喺1月嗰陣有同佢傾過續約嘅事，不過條件方面就減咗3分1人工。
做咗23年，約滿離巢嘅蓋世寶攞埋TVB嘅長期服務金離開，佢表示仲未諗好下一步做咩好：「香港唔會餓死人，只要你肯做，所以我從來都無擔心過。」
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
