港男灰心大呻「窮係原罪」！ 女友父母嫌棄收入低冇前途 被迫分手
俗語有話「有錢唔係萬能，無錢就萬萬不能」，唔知大家又認唔認同呢個講法呢？！最近，有位港男就喺連登討論區表示同女友決定和平分手，不過分手主因就係因為女友父母極力反對兩人拍拖，認為港男嘅條件唔夠好，未能夠俾女兒一個幸福美滿嘅將來！
Photo from TVB
# 港男灰心於討論區開post！
相信所有父母都希望自己嘅子女能夠有一個幸福嘅將來，可以無憂無慮咁過生活，所以部份父母可能會非常在意子女另一半嘅經濟條件！日前，有位港男就有相似嘅經歷，並以「喺香港窮係原罪」為題開post，引起網民熱議。
Photo from 連登討論區
# 目標係1年後同女友求婚！
港男表示自己學歷比較低，係公屋出身；而女友就係住私樓嘅獨生女，性格脾氣好而且唔拜金，係難得嘅「荀盤」！兩人一齊咗接近一年嘅時間，完全冇嗌過交，非常投契，並決定以結婚為前提交往，所以港男表示努力儲錢，目標係一年後同女友求婚。
Photo from TVB
# 發現女友家人並唔鍾意佢？
不過，女友最近一次約會嘅時候，一見面就開始淚流滿面。直到港男追問之下先知道，原來女友已經被父母「鵝」咗一個月咁多，每一次出街拍拖都會被父母責怪，並講難聽嘅說話俾女友聽「窮、無出色，一世都買唔起樓，一齊唔會有前途！」，令女友飽受壓力！
Photo from TVB
# 兩人決定和平分手！
女友不停爆喊話「好唔捨得，你對我好好，但屋企令我好大壓力好辛苦！」，港男見狀就同女友講「唔想見到你咁辛苦，為咗我同屋企人反面好無謂。我冇能力俾幸福你，你襯後生搵過嗰有能力㗎啦！」，並決定同女友和平分手！
Photo from TVB
# 港男不願放棄感情！
不過，港男返到屋企後就覺得有啲後悔，發現自己其實唔捨得放手。而港男仲詳細咁補充咗自己嘅背景：30幾歲、月入大約$2萬、工作穩定、冇不良嗜好、學歷低（但讀緊夜校）；暫時諗到嘅缺點就係冇錢買樓或者移民，導致女友父母唔接受，並借此機會詢問網民應否再嘗試挽留一下女友？！
Photo from TVB
# 網民勉勵港男不應自卑！
呢個post成功引起網民嘅關注，而網民們嘅反應兩極！有網民就鼓勵港男，認為佢唔應該因為自己嘅屋企背景同女友有差異而感到自卑，反而要積極增值自己，提升自己喺社會上嘅競爭力先係最重要；有網民亦安慰港男話其實以現時嘅樓價，買唔到樓嘅人比比皆是！
Photo from 連登討論區
Photo from TVB
# 部份網民覺得港男唔應該追返女友！
相反，有網民認為港男而家都已經30幾歲，但月入居然都仲係得$2萬，的確比較少；有網民就質疑港男上進心唔夠，先會導致工作咁耐但依然冇晉升機會，而且30幾歲先讀夜校未免遲咗少少，勸喻佢千祈唔好「連累」女友！
Photo from 連登討論區
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男瞞女友移情別戀上海女！稱女友「港女性格」、上海妹係荀盤「真係好識做」！
30 Sep, 2021
Photo from TVB
因疫情與女友分隔兩地，感情變淡
有網友喺連登討論區以「原本準備談婚論嫁，先黎一腳踏兩船」為題發文。佢稱喺香港有一位相戀5年嘅女友，又指原本計劃2年內會向女友求婚，組織家庭。
Photo from TVB
不過因為工作關係佢於2020年初去咗澳門做嘢，要喺當地逗留大概2年時間，而且由於疫情，即使放假都無得返香港與女友見面。
Photo from TVB
Photo from TVB
港男暗交上海女友，坦言上海女生完勝
樓主坦然長時間無見女友，感情慢慢變淡咗。佢喺澳門因為工作結識咗一名上海女生，仲忍唔住背住女友偷食，與上海女拍拖一年。
Photo from TVB
原本諗住玩玩下嘅樓主「依家沉晒船」，中意上海女多過喺香港嘅女友。樓主直言上海女友完勝香港女友：「樣身材唔洗講啦，連性格個d都真係好到你唔信」
Photo from TVB
比起「原配」港女，更中意上海女友
佢仲話因為上海女友搞到同香港女友感情淡咗，但始終有多年感情，唔係咁易放得低。但係問心樓主承認：「其實依家更加鐘意上海妹」，而最近上海女友都有話唔想浪費青春，暗示樓主想結婚，令佢決意要與其中一邊分手：「我覺得好心煩」
Photo from TVB
Photo from TVB
Photo from TVB
雖然樓主無講會同邊一方斷絕交往，但字裡行間都透露出佢內心比較想同香港女友分手，佢表示如果有多一次機會：「我寧願食完條女之後講拜拜就算，依家搵著自己黎搞」
Photo from TVB
指上海女友「無得輸」，靚女有錢係荀盤
樓主又指上海女友「好有錢」，係女強人嗰種，論個人搵錢能力樓主亦自問比唔上上海女友，上海女友仲會間唔中拎20萬出嚟玩。佢指上海女友「無得輸」：「個上海妹真係好識做！相反港女就真係典型港女性格」，樓主又坦承自己猶豫係因為「同港女有好深嘅感情基礎」
Photo from TVB
Photo from lihkg
Photo from TVB
網友鬧爆港男一腳踏兩船
唔少網民都怒轟樓主一腳踏兩船耽誤晒兩位女生，直指佢好自私，浪費女友嘅青春：「分起條港女啦，佢值得搵返個好過你既男朋友」、「你放過個女仔啦！」
Photo from lihkg
Photo from lihkg
Photo from lihkg
樓主稱佢自知自己係衰人，但反問網友如果有女仔有樣、有身材、有錢、性格好，然後又中意你，係咪真係忍得到，被網友鬧爆：「人渣真係多借口」
Photo from lihkg
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
