阿嬌鍾欣潼成功減走10KG重回顏值巔峰,落酒吧獲神秘男痴痴凝望

阿嬌鍾欣潼成功減走10KG重回顏值巔峰,落酒吧獲神秘男痴痴凝望

娛樂新聞
By Jennifer on 18 Jul 2022
Digital Editor

Twins出演《乘風破浪3》後人氣再次急升,其中阿嬌鍾欣潼為咗節目更努力狂減10公斤,小蠻腰重出江湖,唔少網友都大讚佢重返顏值巔峰!日前有網友偶遇Twins落酒吧,期間一位戴口罩嘅神秘男仲忍唔住望到阿嬌實一實!

Twins出演《乘風破浪3》後人氣再次急升,其中阿嬌鍾欣潼為咗節目更努力狂減10公斤Photo from 《乘風破浪3》

阿嬌靠食粟米瘦10KG,仲未滿意?!

阿嬌同好拍檔阿Sa近日正忙於參加內地真人騷《乘風破浪3》排舞練習,為咗演出阿嬌非常努力做運動修身,又自爆淨係食粟米做晚餐,已經成功減咗10Kg!

為咗演出阿嬌非常努力做運動修身,又自爆淨係食粟米做晚餐Photo from 阿嬌微博

阿嬌成功減咗10KgPhoto from 阿嬌微博

節目花絮中阿Sa曾喺化妝間食pizza,阿嬌為瘦身要忍口只能食粟米。當其他姐姐食快餐時阿嬌十分自律,只食兩盒紫薯填飽個肚,務求以最佳狀態示人!阿嬌修身效果明顯,近照清減唔少,更有馬甲線,唔少網友都大讚佢重回顏值巔峰。

節目花絮中阿Sa曾喺化妝間食pizzaPhoto from 阿嬌微博

阿嬌為瘦身要忍口只能食粟米Photo from 阿嬌微博

當其他姐姐食快餐時阿嬌十分自律Photo from 阿嬌微博

阿嬌只食兩盒紫薯填飽個肚Photo from 阿嬌微博

阿嬌修身效果明顯,近照清減唔少,更有馬甲線Photo from 阿嬌微博

出演過《乘風破浪的姐姐2》嘅師姐容祖兒亦表示阿嬌瘦咗好多,笑言:「既然條腰返返嚟,就唔好畀佢走」,阿嬌亦回應稱會努力再瘦啲,似乎仲想再減~阿Sa就話覺得阿嬌第二次公演嗰陣最瘦。不過網民都指阿嬌狀態正好,認為佢現時已經擁有最fit身型~

容祖兒表示阿嬌瘦咗好多,笑言:「既然條腰返返嚟,就唔好畀佢走」Photo from 《乘風破浪3》

阿嬌亦回應稱會努力再瘦啲Photo from 《乘風破浪3》

阿Sa就話覺得阿嬌第二次公演嗰陣最瘦Photo from 《乘風破浪3》

網民都指阿嬌狀態正好Photo from 《乘風破浪3》

Twins現身酒吧,阿嬌獲神秘男眼甘甘望到實

最近有內地網民就影到Twins現身酒吧,阿Sa阿嬌都係一身黑色打扮,其中阿Sa著上短款上衣,小露纖腰,而阿嬌則梳咗丸子頭,戴上口罩,十分低調。

最近有內地網民就影到Twins現身酒吧Photo from 微博

期間一位戴咗口罩嘅神秘男子更忍唔住眼甘甘咁望實阿嬌,未知呢位神秘口罩男嘅真實身份,有網友稱佢係與Twins同行嘅,亦有人認為只係去酒吧消遣嘅普通人,但該名男子嘅真身惹起唔少猜測。

期間一位戴咗口罩嘅神秘男子更忍唔住眼甘甘咁望實阿嬌Photo from 微博

未知呢位神秘口罩男嘅真實身份,有網友稱佢係與Twins同行嘅Photo from 微博

該名男子嘅身份惹起唔少猜測Photo from 微博

有網民表示阿嬌修身成功後即時吸引唔少異性目光,相信佢一定「好多人追」,有人則指阿嬌即使戴咗口罩仍然難掩星味,先會引嚟男子痴痴凝望,大讚阿嬌魅力沒法擋!

有人指阿嬌即使戴咗口罩仍然難掩星味,先會引嚟男子痴痴凝望,大讚阿嬌魅力沒法擋!Photo from 《乘風破浪3》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

乘風破浪的姐姐3|阿嬌鍾欣潼被指P圖過重鼻影出事,薛凱琪再進化?

18 May 2022

內地人氣綜藝節目《乘風破浪3》(前名《乘風破浪的姐姐3》)正式公開參與節目嘅嘉賓海報,同上兩季一樣,今次都有香港女藝人參賽,包括Twins嘅阿Sa阿嬌、薛凱琪、胡杏兒,不過有人就指官方poster似乎P圖過度!

內地人氣綜藝節目《乘風破浪3》(前名《乘風破浪的姐姐3》)正式公開參與節目嘅嘉賓海報Photo from 《乘風破浪》

廣告
廣告

《乘風破浪的姐姐》系列再度捧紅唔少女藝人

《乘風破浪》系列一直喺內地都好受歡迎,參加節目嘅女藝人亦因而獲得好高嘅人氣,過往兩季成績唔錯,前兩季嘅成功令製作組好快就決定推出第三季。之前一直有參加名單流出,但都未獲官方確定。

參加《乘風破浪》嘅女藝人亦因而獲得好高嘅人氣,過往兩季成績唔錯,前兩季嘅成功令製作組好快就決定推出第三季Photo from 《乘風破浪》

4位香港女藝人參加《乘風破浪3》

日前節目組終於「官宣」,並公開一眾「姐姐」嘅個人poster,大晒30+女性嘅自信同魅力。同之前一樣,今季有唔少港人熟悉面孔參賽,包括《延禧攻略》女主角吳謹言、Twins阿Sa阿嬌、薛凱琪、胡杏兒等。

今季有唔少港人熟悉面孔參賽,包括《延禧攻略》女主角吳謹言Photo from 《乘風破浪》

目前官方公開咗兩種海報,海報一公開,Twins兩位成員即時登上微博熱搜第一,而曾經出演《乘風破浪的姐姐》第二季嘅容祖兒都有喺微博幫好姊妹拉票:「我親愛的SaSa@蔡卓妍 嬌嬌@鍾欣潼 也參加乘風破浪啦,作為『學姐』來為你們打Call!加油加油!還記得去年參加節目時我經常打電話給你們,今年我的手機也24小時為你們開機哦!​​​」不過poster P圖太勁亦成為網民焦點!

曾經出演《乘風破浪的姐姐》第二季嘅容祖兒都有喺微博幫好姊妹拉票Photo from 容祖兒 微博

阿Sa蔡卓妍白裙勁優雅

紅色背景版本中,阿Sa大晒纖瘦身材;而藍色版本海報阿Sa則著上露肩白色禮服裙,大騷優雅氣質!

紅色背景版本中,阿Sa大晒纖瘦身材Photo from 《乘風破浪》

藍色版本海報阿Sa則著上露肩白色禮服裙,大騷優雅氣質!Photo from 《乘風破浪》

阿嬌鍾欣潼疑P圖太重手

紅色背景版本阿嬌罕有大晒性感,deep V落肚臍!喺官方海報公開後佢拍片笑言參加《乘風破浪3》係為調整心態、順便減肥。之前就有網民發現阿嬌瘦咗好多,回復昔日瓜子臉。不過喺另一個海報入面,阿嬌疑似被過度P圖,令部分網友直呼「認不出」!而且可能鼻影過重,顯得妝容唔乾淨。

紅色背景版本阿嬌罕有大晒性感,deep V落肚臍!Photo from 《乘風破浪》

之前就有網民發現阿嬌瘦咗好多Photo from 阿嬌 微博

喺另一個海報入面,阿嬌疑似被過度P圖,令部分網友直呼「認不出」!而且可能鼻影過重,顯得妝容唔乾淨。Photo from 《乘風破浪》

薛凱琪再進化?

之前喺IG同抖音嘅近照令好多網民都指Fiona個樣唔同晒,喺紅色版本海報中Fiona雖然大show白滑美背,但都唔夠佢個鼻搶眼,而且下顎線明顯。至於另一款poster,Fiona再擺側面pose,妝容十分精緻。

之前喺IG同抖音嘅近照令好多網民都指Fiona個樣唔同晒Photo from 薛凱琪 IG

紅色版本海報中Fiona雖然大show白滑美背,但都唔夠佢個鼻搶眼Photo from 《乘風破浪》

另一款poster,Fiona再擺側面pose,妝容十分精緻。Photo from 《乘風破浪》

胡杏兒鏟短頭髮參賽

已係三子之母嘅胡杏兒以演員身份挑戰唱歌跳舞,佢更將短髮剪短,簡直重回9年前《衝上雲霄2》,不過胡杏兒出道多年仍然keep得唔錯,未見太大變化。

已係三子之母嘅胡杏兒以演員身份挑戰唱歌跳舞,佢更將短髮剪短Photo from 《乘風破浪》

胡杏兒出道多年仍然keep得唔錯,未見太大變化。Photo from 《乘風破浪》

除咗有香港歌手、演員參賽外,節目仲有港人熟悉嘅女星,其中韓國女團前成員Jessica亦係節目嘅焦點人物之一,外界關注佢同男友權寧一前度阿嬌或會同台演出。

除咗有香港歌手、演員參賽外,節目仲有港人熟悉嘅女星,其中韓國女團前成員Jessica亦係節目嘅焦點人物之一Photo from 《乘風破浪》

外界關注佢同男友權寧一前度阿嬌或會同台演出。Photo from Jesscia IG

Jessica以外國人身份出演節目Photo from 《乘風破浪》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel