黃心穎已約滿離巢,與男友泥鯭同居!零工作3年靠一招賺錢換新車

黃心穎已約滿離巢,與男友泥鯭同居!零工作3年靠一招賺錢換新車

娛樂新聞
By Jennifer on 27 Jul 2022
Digital Editor

2019年嘅「安心事件」令許志安同黃心穎形象、事業毀於一旦,近日有傳媒影到黃心穎與泥鯭出門,佢更大方表示已約滿離巢,現時為自由身,黃心穎又承認泥鯭嘅男友地位,兩人感情似乎相當穩定。

2019年嘅「安心事件」令許志安同黃心穎形象、事業毀於一旦Photo from 黃心穎 IG

「安心事件」後,許志安黃心穎近況公開

事過3年,曾經係全城熱話嘅「安心事件」兩位主角亦重新出發。許志安停工一年後出演ViuTV《Chill Club》試水溫,逐漸回歸幕前,今年更簽約環球唱片,獲得老婆鄭秀文原諒嘅佢雖然仍十分低調,但相信復出在望。

。許志安停工一年後出演ViuTV《Chill Club》試水溫,逐漸回歸幕前Photo from 許志安IG

另一個當時人黃心穎喺事件曝光後於個人IG上載道歉信,之後更一度避走美國。黃心穎喺美國逗留超過半年,期間佢有份出演嘅《牛下女高音》播出時亦有幫手宣傳。之後黃心穎參演嘅《丫鬟大聯盟》、《堅離地愛堅離地》陸續播出。

黃心穎喺事件曝光後於個人IG上載道歉信,之後更一度避走美國Photo from 黃心穎 IG

黃心穎有份出演嘅《牛下女高音》播出時亦有幫手宣傳Photo from 黃心穎 IG

黃心穎坦言已約滿離巢,承認泥鯭男友地位

不過黃心穎喺「安心事件」就未有再接新劇,近日有傳媒直擊黃心穎與泥鯭帶住愛犬散步。黃心穎接受訪問時自爆已與前公司約滿,現時自己係自由身,佢更承認泥鯭係佢男友,不過就指暫時未有結婚打算,以事業為先。

黃心穎接受訪問時自爆已與前公司約滿,現時自己係自由身Photo from 黃心穎 IG

黃心穎承認泥鯭係佢男友,不過就指暫時未有結婚打算,以事業為先。Photo from RubberBand IG

其實早喺「安心事件」後佢就被爆同RubberBand鼓手泥鯭(黎萬宏)行街,由於泥鯭喺2017年就向圈外女友求婚成功,當時黃心穎曾被質疑再度介入他人婚姻,不過泥鯭稱自己已與圈外未婚妻低調分開,回復單身。呢兩年泥鯭一直陪伴喺黃心穎身邊,有指兩人早已共賦同居,平時一齊拍拖放狗,關係十分穩定。

喺「安心事件」後黃心穎曾被爆同RubberBand鼓手泥鯭(黎萬宏)行街Photo from 黃心穎 IG

呢兩年泥鯭一直陪伴喺黃心穎身邊,有指兩人早已共賦同居,平時一齊拍拖放狗,關係十分穩定。Photo from RubberBand IG

舊愛馬國明大方送祝福

對於黃心穎重新出發,舊愛馬國明亦大方送祝福,又表示希望對方開開心心。當年作為黃心穎男友,馬明曾被記者追問近況,但佢多次回應亦十分大方:「希望大家可以畀啲空間心穎,因為心穎仲年輕,仲有好多路要行。」現時馬國明與女友湯洛雯愛得高調。

對於黃心穎重新出發,舊愛馬國明亦大方送祝福Photo from 黃心穎 IG

現時馬國明與女友湯洛雯愛得高調。Photo from 黃心穎 IG

3年無工開仍能賺錢換新車

黃心穎約滿離巢,但呢3年嚟佢除咗有之前拍落嘅劇集播出之外,基本上係「無工開」,不過有指佢投資有道,早前賣出啟德天寰單位,收益超過百萬,即使無開工都仲可以換新車。

有指黃心穎投資有道,早前賣出啟德天寰單位,收益超過百萬,即使無開工都仲可以換新車。Photo from 黃心穎 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

王力宏離婚|被爆曾想同呢位「16歲小師妹」交往!11個緋聞對象大盤點 3個男人 連黃心穎都關事?!

20 Dec 2021

王力宏被前妻「蕾神」李靚蕾重槌出擊後,今日終於發聲明表示會暫時停止演藝圈工作,但輿論未有隨之散去。女方聲明中暗示過王力宏一度試圖想跟一名16歲小師妹發生關係。當事人「小師妹」如今曝光,更在個人FB直言「還好我嫁的不是你」!而王力宏出道近20年亦與多位人士傳過緋聞,小編將會同大家嚟個大盤點!

王力宏離婚事件後,情史都被網民一一翻出Photo from 王力宏 微博

# 張綺倫

李靚蕾曾在長文中反問王力宏:「你是否同時也約炮小模回家過夜?是否有試圖跟當時16歲的小師妹當『朋友』?」此話一出,隨即引起廣大網民嘅好奇心,「小師妹」嘅真實身份亦在日前曝光,佢就係昔日同門師妹張綺倫。張綺倫本人更在FB貼出當年與王力宏合照,並寫道:「記得相識那年我16歲、你22歲」,「演唱會你會帶我到後台玩,而且你還說你要寫一首歌送給我。」但二人終究無緣,女方亦感慶幸,直言:「還好我嫁的不是你!」

王力宏真面目曝光後,當年嘅小師妹張綺倫到現身自爆,慶幸當年同佢無緣!Photo from 張綺倫 FB

# 黃心穎

有網民翻出黃心穎一篇舊IG帖文,原來王力宏在2018年帶澳門開演唱會時,黃心穎專程前往澳門睇騷,更入後台同偶像王力宏影合照,事後佢興奮貼上IG,寫道:「I started with 《不可能錯過你》。等咗19年的合照,好難形容呢刻有幾開心 #唔經唔覺原來鍾意左咁耐 #thankyoumyfriends #哈哈哈曾經對佢有無限嘅幻想#我第一個老公呀」睇嚟黃心穎自細就好鐘意王力宏喇~

廣告
廣告

王力宏係黃心穎兒時偶像Photo from 黃心穎 IG

# Rosemary

模特兒Rosemary(虹萱)在2001年曾與王力宏發生拍拖「羅生門」,當年20歲嘅Rosemary承認戀情,其母親Julie亦向傳媒透露過王力宏追求女兒2個月後展開交往,惟王力宏否認消息,更稱自己只見過對方3次。

Rosemary曾承認與王力宏交往,卻遭男方否認Photo from Rosemary IG

# 張惠妹

2000年張惠妹與王力宏透過音樂結緣,據悉,男方曾被目擊出現在女方家附近。到2002年,二人在王力宏香港紅館演唱會上熱舞,隔年再次傳緋聞。到2006年,王力宏透露過有段關係約在1年前結束。

張惠妹與王力宏認識後傳過緋聞Photo from 微博

# 舒淇

舒淇因參演過王力宏《第一個清晨》MV而傳出戀情,二人曾被爆一同遊東京,但有指王母反對所以戀情無法開花。

舒淇參演王力宏MV後曾傳出戀情Photo from 《第一個清晨》 MV

# 嚴凱泰

台灣女藝人李明依曾在節目中暗示裕隆集團執行長官嚴凱泰包養比自己細11歲嘅王力宏,但二人均否認,李明依其後亦有致歉。

嚴凱泰曾被指包養王力宏,二人都極力否認Photo from 沈春華 LIFE SHOW》截圖

# 蕭亞軒

蕭亞軒在05年邀請王力宏參與專輯製作,坦言自己對男方猶如一見鐘情,合作了只有20分鐘已很喜歡王力宏。

蕭亞軒與王力宏合作時曾表示好欣賞對方Photo from 蕭亞軒 FB

# 湯唯

湯唯與王力宏合作拍電影《色戒》時,男方被指對對方大獻殷勤,王力宏更曾在訪問中表示過戲裡戲外都對湯唯有愛情感覺。

王力宏與湯唯合作拍電影 《色戒》時被指對女方好有興趣Photo from 《色戒》劇照

# 李雲迪

王力宏與李雲迪嘅關係撲朔迷離,二人以往有過不少合作,直到2012年,李雲迪與劉謙一同亮相春晚,劉謙笑指李雲迪「要找力宏」。王力宏事後澄清自己係異性戀,亦被網民發現取消關注李雲迪社交媒體戶口。2013年11月27日,王力宏公開自己與李靚蕾戀情,同日,其經紀人亦曝光二人已在美國註冊結婚;十多嘅時候後,李雲迪亦公佈了女友身份為田菲,導致出現「王力宏與李雲迪同時公開戀情」情況出現,引起網民熱話。

李雲迪與王力宏曾被網絡盛傳係CPPhoto from 微博

# 黑人(陳建州)

王力宏向來與黑人老友鬼鬼,亦曾在演唱會上示意黑人與老婆范瑋琪親吻,小S徐熙娣亦曾說過:「黑人愛王力宏,二人貼面照合影不避嫌。」2016年時,王力宏與李靚蕾,及黑人與范瑋琪兩對夫妻一同飯聚,王力宏之後在社交網上載四人合照,雖然兩男之間被各自嘅妻子相隔開來,但有眼利網民發現王力宏與黑人兩隻手卻在太太們身後交叉雙疊在一起,「基」情濃郁!黑人之後亦有轉發呢張公然「偷情」照,並笑言:「這下好... 跳到黃河也洗不清了!」

王力宏與黑人竟公然在各自嘅老婆大人身後「偷情」!Photo from 王力宏 FB

而今次離婚事件中,因為王力宏曾在疫情期間到徐若瑄家與黑人及范瑋琪聚會引起爭議,更傳出徐若瑄與王力宏有染。徐若瑄出聲明極力否認後,有網民開玩笑地猜測王力宏嘅偷情對象其實可能係黑人,可見二人交情在粉絲眼中有多深。

黑人、范瑋琪、徐若瑄、王力宏在家聚會嘅合照引起多重爭議Photo from 徐若瑄 IG

# 林筱筠

2012年,林筱筠與王力宏合作拍MV傳出戀情,更被拍到一起在豪宅共渡12小時。事後王力宏澄清,指當時在家中開派對,在場還有很多朋友,林筱筠亦回應當時時間太夜,為了安全起見而沒有回家。

林筱筠參演王力宏《花田錯》 MV後與對方傳出戀情Photo from 《花田錯》 MV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel